கோபா

எது கவிதை?

2007-10-26T11:35:00.000+05:30

வார்த்தைகளை மடக்கி நீட்டி, உணர்ச்சிகளை பசப்பிக் காட்டி வித்தகம் செய்வதா கவிதை? விளங்காத சமூகத்தின் புதிர்களுக்கு விடைகாணும் முயற்சியே கவிதை. மனிதகுலம் வெறுங்கையால் இயற்கையை எதிர்த்துப் போராடத் தொடங்கிய காலம் முதல் தாம் வாழ்வதற்கான புதியவகை சாதனங்களை மட்டுமல்ல, புதியவகை உணர்ச்சிகளையும் படைத்தே வந்திருக்கிறது. படைப்புரீதியான இவ்வகை உழைப்புப் போக்கின் மூலம் சமுதாயத்தை அடுத்த கட்டத்திற்கு உயர்த்தியதே அறிவியல், கலைக்கான ஆளுமைமிக்க வரலாற்றுப் பாத்திரமாகும்.

அவ்வகை மனித முயற்சி, நாகரிகம் எதுவுமின்றி ""தான் எப்படியாவது பேசப்பட வேண்டும், பார்க்கப்பட வேண்டும்'' என்பதற்காக சமூகத்தின் சரிபாதியான பெண்களின் இடுப்பைக் கிள்ளும் வேலையில் இறங்கியிருக்கிறார்கள் சில கோடம்பாக்கத்து போக்கிரிகள். காரணம் கேட்டால் இவர்கள் கவிஞர்களாம்! சுற்றிலும் நம் காற்று மண்டலத்தில் கலந்திருக்கும் சாதி தீண்டாமை அநீதிகள், ஒன்று சேர்ந்து வாழ்வதுபோல் நடிக்கும் இல்லறத்தின் புதிர்கள் இன்னும்பல சமூகக் கொடுமைகள் இவைகளை விண்டு பார்த்து விடைதேட முயன்று பாருங்கள். உங்கள் படைப்புக்கான ஆளுமை அங்கே காத்திருக்கிறது. கூட்டுத்துவ உழைப்பினால் வளர்ந்துவந்த சமூகத்தின் வரலாற்றை உணர்ந்து பாருங்கள், ""தான்'' என்ற அறியாமை வெட்கி விலகும். உயிர்த்துடிப்பான உழைக்கும் மக்களின் ஒருநாள் வாழ்க்கைப் போராட்டத்தை உற்றுப் பாருங்கள், நாம் மனிதர்களாகி விடுவோம். ""லூசுப்பையன்கள்'' திரியும் கோடம்பாக்கத்து ஒட்டுண்ணி இலக்கைவிட்டு வெளியே வாருங்கள். உணர்ச்சியுடனும் சுரணையுடனும் உழைக்கும் மக்கள் திரளினரால் படைக்கப்படும் புதிய சமூகத்திற்கான போராட்ட உணர்ச்சியில் கலந்து பாருங்கள். நாமும் கவிஞர்களாகி விடுவோம்.

அரசியலால் கலைத்தன்மை போய்விடும் என்று பூச்சாண்டி காட்டிக் கொண்டே ஆளும் வர்க்க அரசியலை நத்திப்பிழைக்கும் இலக்கிய வட்டங்களைத் தாண்டி பெரும்பான்மை உழைக்கும் மக்களுக்கான அரசியலமைப்போடு ஒன்று சேர்ந்து பாருங்கள்! ஒரு புதிய சமூகத்தையே கவிதையாய் வடிக்கும் பேரார்வம் அங்கே உங்களுக்காகக் காத்து நிற்கிறது.

http://www.tamilcircle.net//unicode/puthiyakalacharam_book/bookmain_u.html

அமெரிக்க பேரரசர் ஜார்ஜ் புஷ் ஆசியுடன் இந்திய ஓட்டுப் பொறுக்கிகள் வணங்கும்........ '123 விநாயகர்'

2007-09-14T10:49:00.000+05:30

ஊரும், சேரியும் தனித்தனி - மனுதர்மம்....................! சென்னையும், செம்மஞ்சேரியும் பிரி பிரி - ஏகாதிபத்தியம் !!

2007-09-11T16:31:00.000+05:30

உலக வங்கி வழங்கும் புதிய மனுநீதி.

சென்னை மாநகரம் விழித்தெழும் முன்பே விழித்தெழிந்து இயங்கத் தொடங்கும் கூறு கட்டிக் காய்கறி விற்பவர்கள், வீட்டுக்கு வீடு பால் பாக்கெட் போடுபவர்கள், நடுத்தர, மேட்டுக்குடி கனவான்களின் வீட்டு பத்துப்பாத்திரங்களையும் பளிங்குத்தரையையும் சுத்தம் செய்பவர்கள், மாநகரின் வனப்பை செதுக்கித் தரும் கொத்தனார்கள், சித்தாள்கள், மண்டல வாரியாக குப்பை அகற்றுபவர்கள், அடைத்து நாறும் பாதாளச் சாக்கடைக்குள் இறங்கி சுத்தம் செய்பவர்கள் என லட்சத்துக்கும் மேற்பட்டவர்களின் இயக்கம் இல்லை என்றால் சென்னை மாநகரமே இல்லை எனலாம்.

உடலை உருக்கிப்போடும் கடின உழைப்பை ஈயும் இவர்களில் பலருக்கும் நல்ல உணவில்லை. இருக்க நல்ல இடமில்லை. வாடகை கொடுத்துக் கட்டுபடியாகும் நிலையில் வருமானம் இல்லை. எனவேதான் இவர்களில் பலரும் குடியிருப்பது குடிசைகளில். கழிப்பறை, குழியலறை இல்லாத, காலை நீட்டிக்கூட தூங்க முடியாத, கொசுப்படை தாக்குதலுக்குள் முடங்கிட இவர்களுக்குக் கிடைத்தவையோ பக்கிங்காம் கால்வாய், அடையாறு, கூவம் போன்ற நீர்வழிகளின் கரையோரங்கள்தான்.

நகருக்குள் கிடைக்கும் வேலைகளை-அதுவும் நிச்சயமில்லாத வேலையை- நம்பித்தான் இவர்களின் அன்றாடக் காலைப்பொழுதுகள் விடிகின்றன. இக்குடிசைவாசிகளில் 86 சதவீதம் பேருக்கு ஒருநாளைக்கு ஒருவேளைதான் உணவு. போதிய வருமானம் இல்லாததால் குடிசைவாழ் பெண்களின் உணவில் சத்து குறைந்து அவர்களில் 44 சதம் பேருக்கு இரத்த சோகை உள்ளது. இருப்பினும் எண்சாண் வயிறை நம்பி வாழவே தகுதியில்லாத குடிசைகளில் குடியிருப்பதால்தான் இவர்களுக்கு குடிசைகளை ஒட்டிய நாகரீகக் குடியிருப்புகளில் வீட்டு வேலைகளோ, குப்பை அள்ளுவதோ, கட்டிட வேலைகளோ கிடைக்கின்றன.

அதேபோல்தான் மெரீனா கடற்கரை, சாந்தோம் கடற்கரையை ஒட்டிக் குடியிருக்கும் மீனவர்களின் குடியிருப்புக்களும். மீன் பிடிக்கப் பயன்படும் வலைகள், கட்டுமரங்களை எளிதில் கடலுக்குள் கொண்டு செல்லவும், வலைகளை உலர்த்தவும், விரைவில் தொழிலுக்குச் செல்லவும் எனத் தேவையை ஒட்டிப் பல நூற்றாண்டுகளாக அவ்விடங்களில் மீனவர்கள் பாரம்பரியமாகக் குடியிருந்து வருகின்றனர்.

நிச்சயமில்லாத இந்த வாழ்க்கையிலும் மண்ணை அள்ளிப் போட வந்துள்ளது, சென்னை-2026 எனச் சொல்லப்படும் மாஸ்டர் பிளான் திட்டம்.

குடிசைவாசிகள் வாழத்தகாத இடங்களில் வாழ்கிறார்கள் என்று சொல்லி, அதனால் அவர்களை சென்னையில் இருந்து அகற்றி மாநகர எல்லைக்கு வெளியே செம்மண்சேரிக்கு விரட்டத் திட்டமிட்டுள்ளனர்.

இம்மக்களால்தான் சென்னையின் நீர்நிலைகள் மாசுபடுவதாகவும், அவர்கள் நகரின் வளர்ச்சித் திட்டங்களுக்கு இடையூறாக இருப்பதாகவும் மாஸ்டர் பிளான் குற்றம் சாட்டுகிறது.

கழிப்பறைகள் இல்லாத குடிசைமக்கள் திறந்தவெளியில் மலம் கழிப்பதால் நகரின் சுகாதாரமே கெடுவதாயும் குற்றம் சாட்டுகிறது.

நீர்நிலைகளை மாசுபடுத்துவதாகக் குற்றம் சாட்டி சென்னையை விட்டுத் துரத்த வேண்டும் என்றால் முதலில் துரத்த வேண்டியவர்கள், லட்சக்கணக்கான லிட்டர் கழிவை சுத்திகரிக்காமல் வெளியேற்றும் டைடல் பார்க் உள்ளிட்ட பல பன்னாட்டு சாப்ட்வேர் நிறுவனங்களும், நட்சத்திர விடுதிகளும்தான். மூன்று நாளைக்கு ஒருமுறை வரும் நீரை சிக்கனமாக செலவளிக்கும் குடிசைகளால் நீர்நிலை கெடுகின்றது என்பதை குடிசைகளைப் பற்றி அறிந்த எவருமே நம்ப மாட்டார்கள்.

பின் எதற்காக குடிசைகளைக் காலி செய்யச் சொல்லுகிறார்கள்?

மாஸ்டர் பிளானிலேயே இதற்கான காரணம் தெளிவாக்கப்பட்டுள்ளது. வெளிநாட்டுப்பயணிகளின் கண்களுக்கு இக்குடிசைகள் வெறுப்பை உண்டுபண்ணுகின்றனவாம்.

வளர்ந்து வரும் சென்னையை வெளிநாட்டு நிறுவனங்களுக்கு தகுந்த வண்ணம் மாற்றி அமைக்க உருவாக்கப்பட்ட திட்டம்தான் மாஸ்டர் பிளான். இதனை டாக்டர் கலைஞரோ,புரட்சித் தலைவியோ சிந்தித்து உருவாக்கவில்லை.

உலக வங்கி எனப்படும் அமெரிக்க நிறுவனம் உருவாக்கி, அதற்கு எது எதெல்லாம் இடைஞ்சலாய் உள்ளதோ அவற்றை எல்லாம் தான் உருவாக்க இருக்கும் நவீன சிங்காரச் சென்னையை விட்டு அப்புறப்படுத்தச் சொல்லி கட்டளை இடுகிறது. இந்த திட்டத்திற்கு அது கடனாக வழங்கி இருக்கும் தொகை மட்டும் ரூபாய் 25 ஆயிரம் கோடிகள்.

இனிமேல் சென்னைக்குள் மாவரைக்கும் ஆலைகளோ, ஆடு மாடு வளர்ப்போ, குடிசைகளோ, மீனவர்களின் கட்டு மரங்களோ, சென்னை கடற்கரையின் பலூன், சோளக்கதிர் கடைகளோ இருக்கக் கூடாது. வெளியேறுங்கள் எனக் கட்டளை இட்டுள்ளது, உலக வங்கி. அதனை இந்த அரசு நிறைவேற்றுகிறது. சென்னையின் குடிசை மக்களில் 75 ஆயிரம் பேரை செம்மண்சேரிக்கு அப்பால் குடியேற்றப் போகின்றனர். ஏற்கெனவே அடையாறு நதிக்கரை ஓரக் குடியிருப்புக்களை புல்டோசர்களால் தரை மட்டமாக்கி 1500 குடும்பங்களை இடம் பெயரச் செய்தும் விட்டனர். 7300 பேருக்கு வெளியேற்ற நோட்டீசு வழங்கி விட்டனர். படிப்படியாக அனைத்து குடிசைவாசிகளையும் துரத்தி விட்டு சென்னையை அழகுபடுத்தப் போகிறார்களாம்.

குடிசைகளை அகற்றச் சொல்லும் அரசால், அதே குடிசைகளை இருக்கும் இடங்களிலேயே காங்கிரீட்டுகளாகக் கட்டித்தர இயலாதா?அடையாறு பூங்கா எனும் ஊதாரித் திட்டத்துக்கு மட்டும் ரூபாய் 100 கோடி ஒதுக்க இயலுகிற அரசால் குடிசைகளை மேம்படுத்த இயலாதா?

போலீசுக்காரர்களுக்கு மட்டும் பளபளப்பான அடுக்கு மாடிக்குடியிருப்புகள் கட்டும் அரசுக்கு குடிசைகளை நகருக்குள்ளேயே நவீனமாக்கித்தர வக்கில்லையா?

திறந்த வெளியில் மலம் கழித்து நோயைப் பரப்புகிறதாய் குடிசை மக்கள் மீது குற்றம் சாட்டும் சென்னை மாநகராட்சி ஏன் இதுவரை போதிய அளவில் கழிவறைகளைக் குடிசை மக்களுக்குக் கட்டித் தரவில்லை?

பொதுக்கிணறு, குளங்களை தலித்களுக்கு மறுத்து விட்டு தலித்களை சுத்தமற்றவர்கள் எனக் கூறும் பார்ப்பனீய வஞ்சகத்துக்கும் இதற்கும் என்ன வேறுபாடு?

அங்கீகாரம் பெறாமல் விதிகளை மீறி கோடிக்கணக்கில் கட்டிடம் கட்டியவன் கூட உள்ளே இருக்கலாம். உழைக்காமல் தரகு வேலை பார்ப்பவன் உள்ளே இருக்கலாம். முழுக்க முழுக்க அந்நிய நாட்டுக்கு சேவை செய்யும் நிறுவனங்கள் உள்ளே இருக்கலாம். ஆனால் இந்த மாநகரின் மைய நரம்பாய் உழைக்கின்ற குடிசைவாசிகள் மட்டும் நகருக்குள்ளே இருக்கக் கூடாதா?

செம்மண் சேரியில் இருந்து பிழைப்பு தேடி சென்னை வருவதும் இனி சுலபமில்லை எனும்படிக்கு, மாநகரப் பேருந்துகளைக் கூட மாற்றி அமைத்து வருகின்றனர். 4ரூபாய் கொடுத்து பயணம் செய்த வெள்ளைப் பலகை (ஒயிட் போர்டு) பேருந்துகளைக் குறைத்து அதே தடங்களில் சொகுசுப் பேருந்துகளை விட்டு 11 ரூபாய் வரை கொள்ளை அடிக்கத் தொடங்கி விட்டது, அரசு. ஆக, செம்மண் சேரியில் இருந்து தினமும் பயணித்து, கிடைக்கப் போகும் கொஞ்ச நஞ்ச ஊதியத்தையும் வழிப்பறி செய்யப் போகிறது அரசு.

இக்கொடுமைகளை அடுத்து வரும் அரசு தீர்த்து விடும் என்றோ, அல்லது வேறு ஏதாவது ஓட்டுக் கட்சி இதனைப் போராடிப் பின் வாங்க வைக்கும் என்றோ நம்ப இடமில்லை.

உலக வங்கியின் கட்டளைப்படி ஆடுபவர்கள்தான் கருணாநிதியும், ஜெயலலிதாவும். உலகவங்கி போட்டுத்தந்திருக்கும் மாஸ்டர்பிளானில் இச்சதித் திட்டம் பற்றிக் குறிப்பிட்டிருப்பது தெளிவாகத் தெரிந்திருந்தும் கேப்டன் முதல் ராமதாசு வரை, வலது இடது கம்யூனிஸ்ட்கள் முதல் பாஜக வரை எந்த ஓட்டுக் கட்சியாவது இந்த அநியாயத் திட்டத்தைக் கண்டித்திருக்கின்றதா?

25000 கோடிகள் வழங்கும் உலக வங்கியின் கட்டளைக்கெல்லாம் அடிபணியும் அரசு நமக்கு இனியும் தேவையா?

கிழக்கு கடற்கரை சாலை, ராஜீவ் காந்தி சாலை, பத்துக்கும் மேற்பட்ட மேம்பாலங்கள் என அனைத்திலும் உலக வங்கி கடனுதவி செய்து அதற்கான கப்பத்தை அள்ளிக்கொண்டு செல்கிறது.

மாஸ்டர்பிளானை மட்டும் தனியே எதிர்ப்பதனால் இச்சதியை முறியடித்திட இயலாது. உலகமயம்,தனியார் மயம், தாராளமயம் ஆகியவற்றின் துணையுடன் உலக வங்கி மூலமாக நம் நாடு காலனியாக்கப்பட்டு வருகிறது. காலனியாக்கத்தை எதிர்த்து விடுதலைப்போர் நடத்த வேண்டிய சூழலில் நாடு இன்றுள்ளது.

உழைக்கும் மக்களின் இருப்பிடங்கள் அகற்றப்படுவதை எதிர்த்து போராடவும், மாஸ்டர் பிளானைக் கைவிடவும்,பன்னாட்டுக் கம்பெனியின் கந்துவட்டி நிறுவனமான உலக வங்கியின் சதியில் இருந்து நம் மக்களையும் நாட்டையும் காப்பாற்றவும் உழைக்கும் மக்கள் அனைவரும் இணைந்து போராட வேண்டியதன் அவசியம் உருவாகி உள்ளது.

சென்னை பாண்டிபஜாரில் அணுகுண்டு விழுந்தால் !

2007-09-08T16:52:00.000+05:30

ராணுவ ஒப்பந்தம் என்ற பெயரில் 123 உள்பட நாட்டையே அடிமையாக்க கூடிய சரத்துகளுடன் அமெரிக்காவுடன் போட்ட ஒப்பந்தத்தை நடைமுறைப் படுத்த ஓட்டுக் கட்சிகள் அனைத்தும் ஒன்றாக வேலை செய்கிறார்கள்.

வெள்ளைக்காரனுங்க ஆரம்பித்த காங்கிரஸ் என்கிற கம்பெனி நாட்டை விற்பதை வெகு விரைவாக செய்துகிட்டு இருக்கார்கள். பா.ஜ.க என்கிற மதவெறி கட்சி இதையே சொல்லி மீண்டும் ஆட்சியை பிடிக்க தயாராகி வருகிறார்கள். எதுக்கு இதே பணியை தொடரந்து செய்யத்தான்.

'என்ரான்' என்கிற கொள்ளைக்காரனை கொண்டுவருவதற்கு இந்த இரண்டு பேரும் சேர்ந்தே வேலை செய்ததை திரும்பி பார்த்தால் புரியும். அன்றைக்கு நரசிம்ம ராவ், அலுவாலியா, அடுத்து வந்த வாஜ்பாய், பால்தாக்ரே என்ற அடிவருடி லிஸ்டே என்ரானுக்கு வக்காலத்து வாங்கியது. குறிப்பாக இன்றைக்கு 123 யினால் ஆபத்து இல்லை என கூட்டம் போட்டு திரிகிற கார்த்திக் சிதம்பரம் என்கிற புதிய அடிமையின் அப்பா சிதம்பரம் தான் என்ரானின் வழக்கிலாக இருந்தவர்.

அடுத்து போலி கம்யூனிஸ்டுகள்...கேட்கவே வேண்டாம்...அப்பட்டமாக எதிரியாக மாறி ஆளும் வர்க்கத்துக்கு வேலை செய்கிறார்கள். 2 வருஷமாக ஒப்ப்ந்தத்தை பற்றி வாய்திறக்காமல் இப்ப எதிர்க்கிற மாதிரி நடிச்சுட்டு...அடுத்து கூட்டு ராணுவ நடவடிக்கையினை எதிர்க்க கூட்டம் போட்டு கொண்டு இருக்கிறாரகள். இப்படி கம்யூனிஸ்டு பெயரில் ஆளும் வர்க்க அடியாள் வேலை செய்கிறதுக்கு ஒரு கட்சி இந்தியாவில....இப்ப மட்டுமா...போலி சுதந்திர காலத்துல இருந்தே காங்கிரஸ் க்கு வாலாக செயல்பட்டவர்கள் ஆயிற்றே.

கூட்டு குழுவின் முடிவினை ஏற்றுக் கொள்ள மாட்டோம் என்று கபில்சிபில் சொல்ல போலிகள் அப்படியெல்லாம் கிடையாது என்று இவர்களாகவே சமாதானம் சொல்லிக் கொள்கிறார்கள்.

123 ஒப்ப்ந்தமா? நிர்பந்தமா? என்று வெளியீடு போட்டு மக்களை குழப்புகிறாரகள். இவர்கள் அயோக்கியத்தனத்தை மூடி மறைக்க எப்படியெல்லாம் வித்தை காட்டுகிறார்கள் பாருங்க.

சரி விஷயத்துக்கு வருவோம்...அணுசக்தி ஒப்பந்தம் என்பது நாட்டை அடிமையாக்க கூடிய பல சரத்து இருக்கு, தற்போது வெறும் 3 சதவீதம் அணுசக்தி மூலம் கிடைக்கும் மின்சாரத்தை 7 சதவீதம் என்று 2020 ல் மாற்ற 5 லட்சம் கோடியினை போடப்போறேன் என்பது என அனைத்தையும் விட்டுட்டு பாதுகாப்பு என்கிற ஒரு விஷய்த்தை பார்க்கலாம்.

சுனாமி வந்தப்ப பார்த்தோமானால் 10 நாட்களுக்கு பிணத்தை கூட அப்புறப்படுத்த வக்கில்லாமல் இருந்தது அரசு.

படிப்பறிவு அற்ற மக்களுக்கு
பாதுகாப்பு பற்றி ஒன்றும் தெரியாத மக்களுக்கு

இவர்கள் அதிகப்படிய கொண்டு வர இருக்கும் அணுசக்தி உலைகள் என்பது நாளை விபத்துகுள்ளானால் என்ன நடக்கும் என்பதற்கு ஒரு உதாரணம் கீழே உள்ளது. இது கூட நாங்கள் சொல்லவில்லை, இப்படி நாட்டை மறுகாலனியாக்குவதற்கு தோல் கொடுத்து வரும் போலிக் கம்யூனிஸ்டுகளின் இதழ் ஒன்றில் தானுங்க இந்த செய்தி வந்துள்ளது.

தேயிலை தோட்ட தொழிலாளர்களின் வாழ்க்கை - தீக்கொழுந்தில் இருந்து !

2007-09-06T20:51:00.000+05:30

நன்றி இவான்

உங்களது எதிர்காலத்துக்காகவே இதைச் செய்கிறேன் ? - மண்மோகன் !!

2007-09-05T10:14:00.000+05:30

.
123 ஒப்பந்தமும் போலி கம்யூனிஸ்டுகளின் நீலிக் கண்ணீரும் !..

60 ஆண்டு கால சுதந்திரம் யாருடைய நலன்களுக்காக பயன்பட்டு இருக்கிறது !!

மலபார் பன்னாட்டு கப்பல் பயிற்சியும் திரிபுவாதி சந்திப்பின் பித்தலாட்ட புரட்சியும்

வைக்கம் போராட்டம் : பார்ப்பன பயங்கரவாதத்தின் இரத்தச் சாட்சிகள் !

2007-09-04T21:05:00.000+05:30

நன்றி இவான்

நான் விஞ்ஞானி இல்லை கோமாளிதான் !! கலாம்-இன் ஒப்புதல் வாக்குமூலம் !!

2007-09-04T15:05:00.000+05:30

இன்று நாடு மறுகாலனியாக்கப்பட்டு வருவதன் உச்சக்கட்டம் தான் அணுசக்தி ஒப்பந்தம் , இந்தியாவின் அரைகுறை இறையாண்மையையும் காவு கேட்கிறது.

2005 இல் அமெரிக்காவுடன் போடப்பட்ட இராணுவ ஒப்பந்தத்தின் ஒரு சரத்து தான் இந்த 123 ஒப்பந்தம். 123 ஒப்பந்தம் உள்பட மத்திய அரசின் அனைத்து நடவடிக்கைகளுக்கும் (நாட்டை அன்னியனுக்கு விற்பதில்) ஒத்து ஊதி இருந்திட்டு இப்ப எதிர்க்கிற மாதிரி நடிக்கிற போலி கம்யூனிஸ்டுகளை போல ஒத்து ஊதின இன்னொரு சுகபோகி நம்ம அரசவை கோமாளி கலாம்.

லட்சக்கணாக்கான விவசாயி தற்கொலை செய்த நாட்டில், 83 கோடி பேருடைய தினசரி வருமானம் ரூ 20 ஆக இருக்கும் நாட்டில் அனைத்தையும் மூடி மறைத்து இந்திய நாடு 2020 வல்லரசு ஆகிவிடும் என்று நாடு படுதீவிரமாக மறுகாலனியாக்கப்பட்டு வருவதை மூடிமறைத்த இந்த கோமாளியும் 2005ல் போடப்பட்ட அடிமை சாசனம் (123) பற்றி வாய் திறக்கவே இல்லை.

இப்போது அடிமை சாசனம்(123) அமுல்படுத்த போகிற போது எதிர்க்கிற மாதிரி நாடகம் ஆடுகிற போலிகளை விட அப்பட்டமான அமெரிக்க அடிமை நாயாக காட்டி கொண்டு இருக்கிறார் கலாம்.

விஞ்ஞானிகள், நாட்டுப்பற்றாளர்கள், பத்திரிக்கையாளார்கள் என அனைவரும் 123 என்பது ஒரு அடிமை சாசனம் என்று கிழித்து வருகின்ற இந்த சூழ்நிலையில்; கலாம் நேற்று 'அணுசக்தி ஒப்பந்தம் அபூர்வமானது; முக்கியமானது' என்று கூறி தான் ஒரு கோமாளிதான் என்று ஒப்புதல் வாக்குமூலம் கொடுத்திருக்கிறார்.

இந்த ஆளு விஞ்ஞானியாக இருந்திருந்தால் "அடிமை சாசனம்" பற்றி தெரிந்து இருக்க வாய்ப்பு இருக்கும். கோமாளி யாச்சே ! அதுனால தான் ஒப்பதத்தைப் பற்றியோ அதனுடைய சரத்துகளைப் பற்றியோ வாய்திறக்காமல் ஒப்பந்தம் முக்கியமானது என்று 'மண்' மோகன் சப்பைக்கட்டுகளை விட கேவலமாக சப்பைக்கட்டு கட்டுகிறார்.

இதை விட அபாயகரமானது கோமாளியின் ' 2020 வல்லரசு' கனவு !

.
நாட்டின் நிலை என்னவென்றே தெரியாமல் பேசுகிறார் கலாம். மறுகாலனியாதிக்கத்துக்கு உதரணமாக சென்னையை எடுத்துக் கொண்டால் -

சென்னை குடிசைகளில் 86% பேர் ஒரு வேளைதான் சாப்பிட்டு வருகிறார்கள்..
44% குடிசைப்பெண்கள் ரத்த சோகையால் செத்துக்கொண்டிருக்கிறார்கள்...
ஆட்சியாளர்களோ நிமிட்ஸ் கப்பலில் வந்திறங்கும் அமெரிக்க கொலையாளிகளுக்கு கோடம்பாக்கத்து துணைநடிகைகளைக் கூட்டிக்கொடுத்துக் காவல் நிற்கிறார்கள்
சென்னை குடிசைகளில் 21 சதவீதம் இளைஞர்களுக்கு ஒரு வேளை பட்டினிதான் பரிசாகக் கிடைக்கிறது.
நகர விரிவாக்கம் என்று அவர்களில் 75000 குடும்பங்களை சென்னையை விட்டுத் துரத்த உத்தரவு போடுகிறது உலக வங்கி..

இப்ப வேலை கொடு என்கிற மக்களை பார்த்து அணுகுண்டு தர்றேன் என்கிறார்கள் ஆட்சியாளர்கள்;

கனவு காணச்சொல்லுகிறார் கலாம்.

இப்படிப்பட்ட கோமாளியின் யோசனைகளை வைத்தும் சிலர் கட்சி ஆரம்பித்து ஆட்சியை பிடிக்க (மக்களை கொள்ளையிட) கிளம்பி இருப்பது; கலாம் ஒப்புதல் வாக்குமூலத்தை விட நாட்டிற்கு அவர் ஏற்படுத்திய '2020' அபாயம் பயங்கரமானது என்பதை காட்டுகிறது.

123 ஒப்பந்தமும் போலி கம்யூனிஸ்டுகளின் நீலிக் கண்ணீரும் !
..
60 ஆண்டு கால சுதந்திரம் யாருடைய நலன்களுக்காக பயன்பட்டு இருக்கிறது !!

"அடிமை மோகம் அழியும்வரையில் விடிவு இல்லை, விடுதலையும் இல்லை" PART II

2007-09-04T10:25:00.000+05:30

"அடிமை மோகம் அழியும்வரையில் விடிவு இல்லை, விடுதலையும் இல்லை" PART I

2007-09-03T22:36:00.000+05:30

பதினான்காம் ஆண்டு "தமிழ் மக்கள் இசை விழா" கருத்தரங்கத்தில் "அடிமை மோகம் அழியும்வரையில் விடிவு இல்லை, விடுதலையும் இல்லை" என்ற தலைப்பில் தோழர் துரை.சண்முகம் ஆற்றிய உரை.

நன்றி இவான்

வேணாம், குதிக்காத, மானம் போவுது.......·ப்ளீஸ், இதயாவது கட்டிக்கோ, சொல்றத கேளு, இல்லேன்னா அழுதுடுவேன்....! அழுதுடுவேன்....!!

2007-09-01T15:00:00.000+05:30

நன்றி: "புதிய ஜனநாயகம்" செப் 2007

123 ஒப்பந்தமும் போலி கம்யூனிஸ்டுகளின் நீலிக் கண்ணீரும் !

"உலகமயமாக்கல்" குறித்த நாகரீக கோமாளி பாடல்

2007-09-01T11:42:00.000+05:30

நன்றி இவான்

.
60 ஆண்டு கால சுதந்திரம் யாருடைய நலன்களுக்காக பயன்பட்டு இருக்கிறது !!

"பசுவதை தடைச்சட்டம்" - பெரியார்தாசன்

2007-09-01T08:52:00.000+05:30

நன்றி இவான்

"இந்து மதம்" - பெரியார்தாசன்

ரிலையன்ஸ் பிரஷ்-யை மூட முடியாது - இந்திய சட்டம் சொல்கிறதாம் ! அப்ப என்ன வெங்காய மக்களாட்சி !!

2007-08-31T10:27:00.000+05:30

இன்று இந்தியாவில் 4 கோடி மக்கள் சிறு வணிகத்தில் ஈடுபட்டு உள்ளனர். மொத்தம் 20 கோடி மக்களின் வாழ்வாதாரமாக சில்லரை வணிகம் உள்ளது.

இதனை அழித்து மொத்த இந்திய சில்லரை வணிகத்தை ஒரு சில பெரிய பன்னாட்டு & தரகு முதலாளி நிறுவனங்கள் கைப்பற்ற இன்றைக்கு இந்த சில்லரை வணிகத்தில் நுழைந்து பல சங்கிலி தொடர் கடையினை திறந்து வருகின்றனர்.

இதனை எதிர்த்து பாதிக்கப்பட்ட சிறு வணிகர்கள் ஆங்காங்கே சில தன்னிச்சையான போராட்டங்கள், அவனுடைய கடையினை சூறையாடுதல் போன்ற நடவடிக்கைகளில் ஈடுபடுகின்றனர்.

இந்நிலையில் நேற்று பேட்டியளித்த வேளான் துறை அமைச்சர் பவார் "ரிலையன்ஸ் கடைகளை மூட முடியாது" என்றும்; உத்திரப்பிரதேசத்திலும், கேரளாவிலும் ரிலையன்ஸுக்கு விதித்த தடை நிரந்தரமாக இருக்காது என்றும் கூறியுள்ளார்.

"இந்திய நாட்டின் சட்டங்கள் எதையும் மீறாத எந்த ஒரு அமைப்பையும் நிரந்தரமாக மூடுவதற்கு, தடை செய்வதற்கு எந்த மாநில அரசுக்கும் அதிகாரம் கிடையாது" என்று அவர் சொல்கிறார்.

சரத்பவாரின் வாயிலிருந்தே இந்த நாட்டின் சட்டங்கள் எல்லாம் பணமுதலைகளின் நலனுக்கானவை மட்டுமே என்பது அம்மணமாக வெளிப்பட்டு விட்டது!!

..
சமீபத்திய சி.என்.என் தொலைக்காட்சியில் அணுசக்தி ஒப்பந்தம் குறித்து நாடாளுமன்ற எம்.பி க்களிடம் கேட்டபோது பெரும்பான்மை எம்.பி க்களுக்கு இந்த ஒப்ப்ந்தம் பற்றி ஒரு விவரமும் தெரியவில்லை.

ஆட்சியாளர்கள் மட்டுமல்ல, நாளுமன்றத்துக்கே அதிகாரம் இல்லை என்று நிரூபணமாகி விட்டது; 123 யை பற்றி விவாதிக்க நாடாளுமன்றத்துக்கு அதிகாரம் இல்லை என்று சபாநாயகர் அறிவித்துள்ளார்.

காரணம், இந்திய ராணுவ & வெளியுறவு ஒப்பந்தத்தை விவாதிக்க நாடாளுமன்றத்துக்கு அதிகாரம் இல்லை என்று 'இந்திய சட்டம்' வரையுறுக்கப்பட்டுள்ளது.

இந்த விஷயத்திலிருந்து தெரியவருவது என்ன? இந்திய அரசியல் சட்டம் இந்திய மக்களுக்கானது அல்ல.அது பன்னாட்டு கொள்ளையர்களுக்கும், தரகு முதலாளிகளுக்கும் ஆனது என்பதும் 'நாடாளுமன்றம்' அதிகாரம் ஏதுமற்ற வெற்று அரட்டைமடம் என்பதும் தான்.

இந்த உண்மை எல்லா அரசியல்வாதிகளுக்கும் தெரியும், இரண்டு வருஷமாக எதிர்க்காமல் இப்ப 123 யை எதிர்க்குறோம் என்று பம்மாத்து காட்டி கூட்டுகுழு என்று சமரசம் செய்துகொண்ட் போலிக் கம்யூனிடுகளுக்கும் தெரியும்.

..
அடிமை சாசனம் (123) பற்றி வாயே திறக்காமல் 'இந்தியா 2020' வல்லரசு ஆகிவிடும் என்று பொய் பேசிக் கொண்டு திரிந்த முன்னாள் 'அரசவை கோமாளி' அப்துல்கலாமுக்கும் தெரியும்.

அமெரிக்க அடிமை நாய் மன்மோகன் வழங்கும் 123 அல்லது அடிமை சாசனம் !!
..
123 ஒப்பந்தமும் போலி கம்யூனிஸ்டுகளின் நீலிக் கண்ணீரும் !

60 ஆண்டு கால சுதந்திரம் யாருடைய நலன்களுக்காக பயன்பட்டு இருக்கிறது !!

அபு கிரைப் : அமெரிக்கப் பயங்கரவாதத்தின் இரத்தச் சாட்சி !

2007-08-30T12:35:00.000+05:30

நன்றி இவான்

123 ஒப்பந்தமும் போலி கம்யூனிஸ்டுகளின் நீலிக் கண்ணீரும் !

2007-08-27T14:09:00.000+05:30

பிரணாப் முகர்ஜி போட்ட கள்ளத்தனமாக இராணுவ ஒப்பந்தம் 2005-இலேயே அம்பலமாகிவிட்டது. அமெரிக்காவின் ஆணைப்படிதான் ஈரானுக்கு எதிராக இந்தியா வாக்களித்தது என்பதும் அடுத்து அம்பலமானது. எனினும் காங்கிரஸ் அரசுக்கு அளித்து வந்த ஆதரவை அப்போதெல்லாம் மார்க்சிஸ்டுகள் திரும்பப் பெறவில்லை. மாறாக, அமெரிக்க இராணுவமும் இந்திய இராணுவமும் மே.வங்களத்திலேயே கூட்டு போர் ஒத்திகை நடத்துவதற்கு போலீசு பாதுகாப்புக் கொடுத்தாரக்ள்.

"அணு ஆயுத ஒப்பந்தத்துக்கு எதிராகப் எதிராகப் பாராளுமன்றத்தில் தீர்மானம் கொண்டு வரப்போவதாக" என்ற சென்ற ஆண்டு பூச்சாண்டி காட்டினார் பிரகாஷ் காரத். "அப்படி தீர்மானம் கொண்டு வந்தால் இந்த அரசே இருக்காது" என்று பிரணாப் முகர்ஜி மார்க்சிஸ்டுகளை மிரட்டினார். உடனே சரணடைந்தார்கள்.இன்றைக்கு சவடால் அடிக்கிறார்கள்.

"உலகமயமாக்கத்தை எதிர்க்கவில்லை, அது மனிதமுகத்துடன் இருக்கவேண்டும்", "சிறப்பு பொருளாதார மண்டலத்தை எதிர்க்கவில்லை, விவசாயிகளுக்கு போதுமான நட்ட ஈடு கொடுத்து நிலத்தைப் பறிமுதல் செய்ய வேண்டும்". "பொதுத்துறைகளைத் தனியார்மயமாக்குவதை எதிர்க்கவில்லை, தொழிலாளர்களின் வேலைக்கு உத்திரவாதம் தரவேண்டும்" - இதுதான் போலி கம்யூனிஸ்டுகளின் அரசியல். இப்போது , "அணுசக்தி ஒப்பந்தம் வேண்டாம் என்று சொல்லவில்லை, நாட்டின் இறையாண்மைக்கு பெரும் பாதிப்பு வந்துவிடக் கூடாது" என்று பசப்புகிறாரக்ள்.

"தனிப் பெரும்பான்மை இல்லாத ஒரு சிறுபான்மை அரசு துரோகத்தனமான ஒப்பந்தத்தைத் திருட்டுத்தனமாக இந்திய மக்கள் மேல் திணித்திருக்கிறது. இந்த அரசைக் கவிழ்ப்பதில் என்ன குற்றம்?" என்று நாடாளுமன்ற அரசியலின் வரம்புக்குட்பட்டு கேள்வி எழுப்பும் தைரியமும்கூட இவர்களுக்கு இல்லை.

"இந்த அரசு நிலைக்குமா என்பதை நாங்கள் ஏன் சொல்ல வேண்டும், அதை காங்கிரசு முடி செய்து கொள்ளட்டும்" என்று பேடித்தனமாக மழுப்புகிறார்கள்.

..
இந்த பசப்பல்களுக்கும், மழுப்பல்களுக்கும் காரணம் இருக்கிறது. "பன்னாட்டு நிறுவனங்களுக்கும் தரகு முதலாளிகளுக்கும் சலுகைகளை வாரி வழங்குவதன் மூலம் தான் நாட்டைத் தொழில்மயமாக்கி முன்னேற்ற முடியும்" என்ற கருத்தில் மன்மோகனுக்கும் மார்க்சிஸ்டுகளுக்கும் எந்தவித வேறுபாடும் இல்லை.

அதனால்தான் சிங்கூரிலும் நந்திக்கிராமிலும் எத்தகைய அட்டூழியங்கள் நடந்தாலும் மார்க்சிஸ்டுகளுக்குக் கொள்கை பூர்வமாக ஆதரவுக் கரம் நீட்டுகிறார் மன்மோகன் சிங், " அணுசக்தி ஒப்பந்தத்தை ஆதரிக்குமாறு புத்ததேவைத் தொலைபேசியில் கூப்பிட்டு உரிமையோடு கோரிக்கை வைக்கிறார்.

கட்சித் தலைமை கூடி முடிவெடுப்பதற்கு முன்னதாகவே "காங்கிரசு அரசை கவிழ்க்க மாட்டோம்" என்று முந்திக் கொண்டு அறிக்கை விடுகிறார் ஜோதிபாசு.

அது மட்டுமல்லல் டாடா, அம்பானி போன்ற தரகு முதலாளிகள் முகம் சுளித்து வருத்தப்படும் படியான காரியம் எதையும் மார்க்சிஸ்டுகள் ஒருக்காலும் செய்ய மாட்டார்கள்.மேலும், அமெரிக்காவின் வால் மார்ட்டையும் கொலைகார யூனியன் கார்பைடையும் மேற்கு வங்கத்தில் தொழில் தொடங்க பாக்கு வைத்து அழைக்கும் மார்க்சிஸ்டு கட்சி, அமெரிககாவுக்கு எதிராக அத்து மீறிப் பேச முடியுமா? அதனால்தான் அடக்கி வாசிக்கிறார்கள்.

"முழுவதும் நனைந்த பின் முக்காடு எதற்கு?" என்கிறார் மன்மோகன் சிங். "முக்காட்டை எடுப்பதற்கு மட்டும் நாங்கள் அனும்திக்கவே மாட்டோம்" என்று முழங்குகிறார்கள் மார்க்சிஸ்டுகள் இதுதான் அணுசக்தி ஒப்பந்தத்தில் இருவருக்கும் உள்ள 'கொள்கை' வேறுபாடு.

இன்றைக்கு 'பாஸ்' பொத்தானைத்தான் அமுக்கினோம் என்கிறார் யெச்சூரி.நெருக்கடி எப்ப வந்தது என்று கேட்கிறார்.

இவர்களுடைய வலைப்பதிவர் சந்திப்பு சொல்கிறார்...இந்த ஒப்பந்தமே நாங்கள் எதிர்த்தது (?) காரணமாகத்தான் மக்களுக்கு தெரியவந்துருக்கிறது என்கிறார்.

இது குறித்து தோழர் சந்திப்புக்கு சின்ன கட்டபொம்மன் அவர்கள் போட்ட பதில் பின்னூட்டத்தை கருத்து சுதந்திரம் மிக்க சந்திப்பு அவர்கள் பிரசுரிக்காமல் விட்டதால் அதனை இங்கு இணைத்துள்ளோம்.

தோழர் சந்திப்பு அவர்களே!

அணு சக்தி ஒப்பந்தத்தை மக்களிடம் அம்பலப்படுத்தியதில் இடதுசாரிகள் எனக் கருதிக்கொள்பவர்களின் பங்களிப்பை ஒத்துக்கொள்ளும் முன் ஒரு விசயம்.. இது ஏதோ தனியானதோர் ஒப்பந்தம் போலவும் இதற்கும் அமெரிக்க ராணுவ உடன்பாட்டுக்கும் சம்பந்தமில்லாதது போலவும் தோற்றத்தை உருவாக்குவது ஏன்? 2005இலேயே அமெரிக்காவுடன் உடன்பாடு எட்டப்பட்டு விட்டது..அதன் தொடர்ச்சியாகத்தானே 123?

இதெல்லாம் ஏதோ இன்றைக்குதான் தெரிந்தது போல பாராளுமன்றத்தில் சவடால் அடித்தது தவிர போலிகள் சாதித்தது என்ன?

கடந்த 2 ஆண்டுகளாக இதனை மக்கள் மத்தியில் எடுத்துச் சொல்லாமல் இருந்தது ஏன்?

நாட்டை அடிமையாக்குகிறது இந்த அரசு என்பது தெளிவான பின்னும் ஆதரவை திரும்பப்பெறுவதில் என்ன தயக்கம்? தேர்தலை சந்திக்கத் தயங்குவதுதானே? வங்காள விவசாயிகள் சிந்திய ரத்தம் வரும் தேர்தலில் காவு கேட்டு விடும் எனும் பயமா? காரத்தும், யெச்சூரியும் மாத்தி மாத்தி அடித்த சவடால்கள் கடைசியில் "வாபஸ் பெறுவதைப் பற்றி காங்கிரசு முடிவெடுக்கட்டும்" என்று பிளேட்டையே மாத்திப் போட்டதைப் பார்க்கும்போது, தப்பித்தவறி யெச்சூரியோ, காரத்தோ கோடம்பாக்கம் பக்கம் வந்தார்களென்றால் வடிவேலுவின் மார்க்கெட் சரிந்து விடும் என்பது நிச்சயம்!

அமெரிக்க-இந்திய அணுசக்தி ஒப்பந்தம் ! அடிமை அடியாள் அணுசக்தி !!

அடிமை ! அடியாள் !! அணுசக்தி !!!

நாட்டை விற்ற மாறன்களின் புதிய தருமதுரை வேடம் !

2007-08-27T10:55:00.000+05:30

2004 ஆம ஆண்டில் 'சன் பவுன்டேசன்' என்ற அமைப்பை உருவாக்கி 'முரசொலி மாறன்' நினைவாக
வருடந்தோறும் ரூபாய் 1 கோடியினை முரசொலி மாறன் மகன்களான கலாநிதி மாறனும், தயாநிதி மாறனும் மக்களுக்கு வழங்கிவருகின்றனர்.

..
சமீபத்திய நாட்களில் தயாநிதி மாறனும் அவரது குடும்பத்தினரும் கல்லூரிகளுக்கும், மருத்துவமனை, முதியோர் ஆதரவு காப்பகம் உள்ளிட்ட இடங்களுக்கும் சென்று விழாக்களில் பங்கேற்று பல லட்சங்களை நன்கொடையாகத் தருகிறார்கள்.

இவை நாளிதழ்களிலும், அவர்களது ஊடகங்களிலும் விளம்பரப்படுத்தப்படுகின்றன.

இப்படி தர்மகர்த்தாக்களாக இன்று அவதாரம் எடுத்து இருக்கும் மாறன்களின் பின்புலம் என்ன என்று பார்த்தால் தான் இவர்களின் உண்மையான நோக்கத்தைத் தெரிந்து கொள்ளமுடியும்.

முரசொலி மாறன் வர்த்தகத்துறை அமைச்சராக இருந்த போதுதான் இந்தியாவில் 1029 பொருட்கள் தங்குதடையின்றி வெளிநாட்டில் இருந்து இறக்குமதி செய்யப்படும் WTO வின் ஒப்பந்தத்தில் கையெழுத்திட்டு இந்தியாவின் லட்சக்கணக்கான சிறு தொழில் கூடங்கள் சீல் வைத்து மூடப்பட்டன.

பின்னர் இவரது மகன் தயாநிதி மாறன் தகவல் தொழில்நுட்ப அமைச்சராக இருந்த போதுதான் நோக்கியா போன்ற பல பன்னாட்டு நிறுவனங்கள் இந்தியாவில் கொள்ளையடிக்க ஒப்பந்தங்கள் செய்யப்பட்டன.

இரு மாறன்களின் பதவியையும், கலைஞர் அவர்களின் பதவியையும் வைத்துக்கொண்டு பல தொலைக்காட்சி அலைவரிசைகளை ஏற்படுத்தித் தங்கள் சொத்தின் மதிப்பை உயர்த்தி இன்று ஆசியாவிலே பெரிய கோடீஸ்வர்களாக மாறி விட்டனர்.

2001இல் ஆசியாவிலேயே 4ஆவது கோடீஸ்வரராக இருந்த கருணாநிதி குடும்பம் தற்போது இரண்டாவது இடத்துக்கு வந்துள்ளது.

1) 1951இல் ஒரு வீடு மட்டுமே இவர்களுக்குச் சொந்தம். ஆனால்

2) 1992இல் 80 கோடி ரூபாய் மதிப்புள்ள சொத்துக்கு அதிபதி

3) 2006இல் 17000 கோடியாக வளர்ச்சி. இது தவிர கருப்பில் 60000 கோடி

4) சன் நெட் 19 அலைவரிசைகள்

5) ஏர்செல்

6) பூங்கி டெக்ஸ்டைல்ஸ்

7) சேஷசாயி காகித ஆலை

8) தினகரன் 480 கோடி

9) விகடன் 100 கோடி

10) தமிழ் முரசு 280 கோடி

11) குங்குமம் 150 கோடி

12) முரசொலி 90 கோடி

குறிப்பு: மதுரை தினகரன் அலுவலகத் தாக்குதல் சம்பவத்துக்கு முன் வந்த மொத்தக்கணக்கு இது. இப்போது இதை இரண்டு தொகுப்பாய்ப் பிரித்துப் பார்த்துக் கொள்ள வேண்டியதுதான்.

(நன்றி: மண்மொழி வெளியீடு 17, 2007 ஜூலை-ஆகஸ்ட்)

முன்பு விழாக்களில் கலைஞர் பங்கேற்று சன் பவுண்டேசன் உதவியினைக் கொடுத்து வந்தார். தற்போது தயாநிதி மாறன், அவரது மனைவி, காவேரி கலாநிதி மாறன் என குடும்பம் சகிதமாக சென்று விழா எடுத்து 5 லட்சம் 10 லட்சம் என்று கொடுத்து தமிழகம் முழுவதும் சுற்று பயணம் செய்து வருகின்றார்.

இவ்வாறு தர்மகர்த்தா வேஷம் தரிப்பது தரகுமுதலாளியாக வளர்ந்துவிட்ட மாறன்களின் புதிய கண்டுபிடிப்பு இல்லை.

கொக்கோக்கோலா, நோக்கியா போன்ற பன்னாட்டு நிறுவனங்களின் கண்டுபிடிப்பு தான் இவை . மக்களை தாங்கள் கொள்ளையடிப்பது தெரியாமல் இருப்பதற்காக இன்று வள்ளல்களாக அவதரித்து பள்ளிகளில் குடிதண்ணீர் வசதி செய்து கொடுப்பது ,மருத்துவமனை கட்டிக் கொடுப்பது என்று தருமதுரை வேஷமிடுவதற்கு முன்னோடி இவர்கள்தான்.

இன்று தயாநிதி, மக்களை பார்த்து கூறுகிறார், "உங்கள் முகத்தில் நாங்கள் எங்கள் அப்பாவின் சிரிப்பை பார்ப்பதாக" வென்று.

ஆனால் மக்கள் இன்று வாழவழியற்றுப் போனதற்கு மாறன்கள் அமைச்சர்பதவிகளில் இருந்த போது செய்த 'பொருளாதார சீர்திருத்தத் திட்டங்கள்' தான் காரணம்.

இவை போன்ற எல்லாச் 'சீர்திருத்தவாதிகளை'ப் பற்றி அறியவிடாமல் தங்கள் தொலைக்காட்சி, பத்திரிக்கை மூலம் கலாச்சார, ஆபாச சீரழிவுகளைப் பரப்பி மக்களின் மூளையினை மழுங்கடித்து வருவதும் தான் காரணமாக இருக்கிறது.

இவ்வாறு பல்லாயிரக்கணக்கான கோடியினை கொள்ளையிட்டு சேர்த்த மாறன்கள் ;

வெறும் 1 கோடியினை தருவதற்கு பவுண்டேசன் வைத்து கொள்வதும், யாரிடமும் நன்கொடை வாங்காமல் செய்து வருகிறோம் என்று சொல்லிக் கொள்வதும் தான் சகிக்கமுடியவில்லை.

கிரிமினல்மயமானது தி.மு.க. வாரிசு அரசியல்

அமெரிக்க அடிமை நாய் மன்மோகன் வழங்கும் 123 அல்லது அடிமை சாசனம் !!

2007-08-24T13:15:00.000+05:30

1945 ஆம் வருடம் ஆகஸ்ட் 6 ஆம் தேதி ஹிரோஷிமா நகரின் மீது அணுகுண்டு வீசி 70,000 மக்களைக் கொன்று குவித்ததுடன் இன்றுவரை அங்கே பிறக்கும் குழந்தைகள் ஊனமுற்றவர்களாகப் பிறக்கும் அளவுக்கு பாதிப்புகளை ஏற்படுத்தியது அமெரிக்கா. அதற்கு 3 நாட்களுக்குப் பிறகு இன்னொரு ஜப்பானிய நகரமான நாகசாகியில் தனது கொலைவெறியை அரங்கேற்றி 74,000 மக்களைக் கொன்று குவித்தது.

மனித குலத்தையே வேரறுக்கக் கூடிய இந்த அணு ஆயுதத்தை முதன்முதலில் மனிதன் மீது பிரயோகித்த பெருமையைத் தன்னுடைய தாக்கிக் கொண்டாலும், அந்த அணுசக்தியிலிருந்து பலன் பெற்று மின்சாரம் தயாரிக்கும் வழிமுறை அமெரிக்காவிடம் இல்லை. சோவியத் ரஷ்யாவில்தான் 1954 ஆம் ஆண்டு முதன் முதலில் அணுசக்தியிலிருந்து மின்சாரம் தயாரிக்கப்பட்டது. ஆனால் அதற்கு மூன்று ஆண்டுகளுக்கு முன்பு, 1951 ல் இருந்தே இந்தியாவில் அணுசக்தி குறித்த ஆராய்ச்சிகளையும், அணு உலைகளை அமைத்து அணுசக்தியை மக்கள் நலனுக்குப் பயன்படுத்துவது பற்றியும் இந்திய அணுசக்தித் துறையின் தந்தை என அழைக்கப்படும் ஹோமி பாபா திட்டமிட்டு செயல்படுத்தியுள்ளார்.

அப்போதிருந்தே உலக அளவில் அணுசக்தித் துறையில் மற்ற நாடுகளுடன் இந்தியா போட்டி போட்டு வளர்ந்து வருகிறது. இன்றளவும் அதிவேக ஈனுலைகள் என்ற அணுசக்தித் தொழில்நுட்பத்தில் இந்தியா தான் முதலிடத்தில் உள்ளது. தோரியம் எனும் தனிமத்தைக் கொண்டு இயங்கக் கூடிய இந்த "அதிவேக ஈனுலைகள்" யுரேனியம் கொண்டு இயங்கும் மற்ற நாட்டு அணு உலைகளை விட 600 மடங்கு அதிக சக்தியைக் கொண்டது என்று முன்னாள் இந்திய அணுசக்தித்துறைத் தலைவர் சிதம்பரம் கூறியுள்ளார்.

இது மட்டுமின்றி வேறெந்த நாட்டின் உதவியுமின்றி சொந்தநாட்டிலேயே தயாரித்து, இதுவரை இரண்டு முறை அணு குண்டு வெடித்துச் சோதனை நடத்தியுள்ளது இந்தியா.இவ்வாறு மின்சாரத் தேவைக்கான அணுசக்தி ஆராய்ச்சி தொடங்கி, பக்கத்து நாடுகளை மிரட்டி அணுகுண்டு வெடிப்பது வரை இந்தத் துறையில் சொந்தத் தொழில்நுட்பத்தையே இந்தியா பயன்படுத்தி வந்துள்ளது.

ரஷ்யாவின் உதவியுடன் கல்பாக்கத்திலும், அமெரிக்காவின் உதவியுடன் தாராப்பூரிலும் அணுமின் நிலையங்களை நிறுவினாலும் அவை முற்றிலும் இந்திய அரசின் கட்டுப்பாட்டுக்கு உட்பட்டவையாகவே இருந்துள்ளன.

..
ஆனால் இப்போது '123 ஒப்பந்தம்' என்ற பெயரில் அமெரிக்காவுடன் இந்தியா செய்துள்ள அணுசக்தி ஒப்பந்தம் இந்தியாவின் இறையாண்மைக்கு ஆப்பறையும் விதத்தில் வந்துள்ளது.

இந்த ஒப்பந்ததின்படி அடுத்த 40 ஆண்டுகளுக்குத் இந்தியா அமெரிக்காவிடமிருந்து யுரேனியத்தை இறக்குமதி செய்து கொள்ளும். அப்படி இறக்குமதி செய்யும் யுரேனியத்தைக் கொண்டு மின்சாரம் மட்டுமே தயாரிக்க வேண்டும், அணுகுண்டு தயாரிக்கக் கூடாது. மீறி அணுகுண்டு தயாரித்தால் அமெரிக்கா கொடுத்த யுரேனியத்தை திரும்பப் பெற்றுக் கொள்ளும். இந்த யுரேனியத்தை நம்பி இந்தியா பல லட்சம் கோடி செலவில் அணு உலைகளை உருவாக்கியிருந்தாலும் அது பற்றி அவர்களுக்குக் கவலையில்லை. அணுகுண்டு வெடிக்காவிட்டாலும் அமெரிக்காவின் அனைத்து ராணுவ நடவடிக்கைகளுக்கும், வெளிநாட்டுக் கொள்கைகளுக்கும் இந்தியா ஒத்துழைப்புத் தரவேண்டும்.

ஏற்கனவே இரண்டு முறை ஈரான் -க்கு எதிராக ஐ.நா வில் அமெரிக்கா கொண்டுவந்த தீர்மானத்துக்கு இந்தியா வாக்களித்து உள்ளது.

இப்போது ஈரானை தாக்க அமெரிக்கா திட்டமிட்டு வருகிறது. அவ்வாறு தாக்குதல் தொடுக்குமானால் அப்போது இந்தியா கூலிப்படை அனுப்பி உதவ வேண்டும்.

அதேபோல மற்ற நாடுகள் அனுமதிக்காத 'நிமிட்ஸ்' போர்க் கப்பலை இந்தியக் கடலோரத்தில் இந்தியா அனுமதித்து உள்ளது. அந்த கப்பல் போர்க்கழிவுகளை கொட்டிவிட்டு சென்றதாக கூறப்படுகிறது.

இதேபோல எதிர்காலத்திலும் இதுபோன்ற கப்பல்களை தங்கு தடையின்றி வந்து போக அனுமதிக்க அமெரிக்கா நிர்பந்திக்கிறது.

அணு ஆராய்ச்சியை இந்திய விஞ்ஞானிகளைக் கொண்டு, குறைந்த விலைக்கு நடத்தித் தர அமெரிக்கா கோருகிறது.அணு உலைகளை கண்காணிக்க நிபுணர்குழுவினை இந்தியாவுக்குள் வந்து போக அணுமதிக்க வேண்டும் என்று நிர்பந்திக்கிறது..

இப்படிப்பட்ட நாசகார, மோசடியான ஒப்பந்தத்தை தாய்நாட்டின் மீது பற்றுக் கொண்ட யாரும் ஏற்றுக் கொண்டிருக்க மாட்டார்கள்.

ஆனால் அமெரிக்க அடிமை நாயாய் சேவகம் செய்யும் மன்மோகன் சிங் இதனை ஏற்று கொண்டுவிட்டார். மக்களையே சந்திக்காமல், தேர்தலிலேயே நிற்காமல் இந்த நாட்டின் பிரதம மந்திரியாய் உட்கார்ந்து கொண்டு இப்படி தாய்நாட்டை அமெரிக்காவுக்கு விலை பேசியுள்ளார்.

"நீ என்ன வேண்டுமானாலும் கூறிக்கொள், உன்னால் என்ன செய்ய முடியுமோ செய்து கொள். ஆனால் ஒப்பந்தத்தை திரும்ப பெற முடியாது. குறைந்த பட்சம் இது குறித்து விவாதம் செய்ய முடியாது." என்று மன்மோகன் சிங் கூறிகிறார்.

அமெரிக்க எஜமானன் போட்ட உத்தரவை இந்திய அடிமைகள் பரிசீலிப்பதா என்று இவர் விடும் அறிக்கைகளைப் படிக்கும் போது சிறிதளவேனும் தேசப்பற்றுடைய எவருக்கும் ரத்தம் கொதித்துப் போகும்.

இதையெல்லாம் விட்டுவிட்டு அணு குண்டு வெடிக்க முடியாது என்று கூறி இதனை எதிர்க்கிறது பா.ஜ.க. இந்த தேசவிரோத ஒப்பந்தம் நிறைவேறனுமா, வேண்டாமா என்று இவர்கள் கூறுவதில்லை. என்ன செய்ய முடியும், காங்கிரஸ் அல்சேஷன் என்றால் பா.ஜ.க டாபர்மேன் இல்லையா?

இந்த ஒப்பந்தத்தை குறித்த பேச்சுவார்த்தையை ஆரம்பித்துவைத்ததே வாஜ்பாயிதான் என்று குட்டை உடைத்துவிட்டார் எம்.கே.நாராயணன் (இந்திய பிரதமரின் தேசிய பாதுகாப்பு ஆலோசகர்) அத்தோடு இவர்களின் குலைக்கும் சத்தம் ஓய்ந்துவிட்டது.

"ஒப்பந்ததை ரத்து செய்யாவிட்டால் கடுமையான விளைவுகளை சந்திக்க நேரிடும் என மிரட்டிய போலிக் கம்யூனிஸ்டுகளைப் பார்த்து" மன்மோகன் சிங் "உங்களால் என்ன செய்ய முடியும், ஆட்சிக்கு ஆதரவை வாபஸ் வாங்கிக் கொள்வீர்கள்; வாங்கிக் கொள்ளுங்கள்" என்று கூறிவிட்டார்.

எனது எஜமானனுக்குச் சேவை செய்ய முடியாத ஆட்சி இருந்தாலென்ன போனால் என்ன கருதுகிறார் போலும்.

இந்தப் பிரதமர் பதவி அமெரிக்கா எனக்குப் போட்ட பிச்சை, 123 ஒப்பந்தத்திற்காக அதனை இழக்கவும் நான் தயங்கமாட்டேன் என்று கூறிய உடன் போலிக் கம்யூனிஸ்டுகளுக்கு பா.ஜ.க வின் மதவெறி நினைவுக்கு வர ஆட்சியையெல்லாம் கவிழ்க்க மாட்டோம் சும்மா இது பற்றி விவாதம் மட்டும் பண்ணினால் போதும், ஓட்டெடுப்பு கூட வேண்டாம் என்று இறங்கிவந்தார்கள்.

ஆனால் மன்மோகன் சிங்கோ தான் பிடித்த அமெரிக்க உச்சாணிக் கொம்பில் நின்று கொண்டு சிறிது கூட இறங்காமல் உனக்கும் பெப்பே உங்கப்பனுக்கும் பெப்பே என விவாதம்கூட செய்ய முடியாது என்று கூறிவிட்டார்.

உடனே 'தோழர்கள்' கடுமையான விளைவுகள் நேரிடும் என்று திரும்பவும் லாவணிபாட ஆரம்பித்து விட்டனர்.

கடந்த 100 ஆண்டுகளில் 50க்கும் மேற்பட்ட போர்களில் ஈடுபட்டு, உலகம் முழுவதிலும் பல லட்சம் மக்களைக் கொன்று குவித்த ஒரு ரத்தவெறி பிடித்த ஏகாதிபத்திய மிருகம் அமெரிக்கா. அதன் காலடியில் நமது நாட்டை,அதன் இறையாண்மையை, நமது எதிர்காலத்தை, மற்ற நாடுகளுடன் நமது உறவை அடமானம் வைக்கும் அடிமைச்சாசனம்தான் 123 ஒப்பந்தம்.

இந்த உண்மை எல்லா அரசியல்வாதிக்கும் தெரியும்.

அமெரிக்க பயங்கரவாதத்தின் வரலாறு

உலகில் அதிகமாக தூக்கு தண்டனையினை நிறைவேற்றி மனிதர்களை கொல்வதும் அமெரிக்காதான் !!

உலகில் அதிகமாக தூக்கு தண்டனையினை நிறைவேற்றி மனிதர்களை கொல்வதும் அமெரிக்காதான் !!

2007-08-23T08:42:00.000+05:30

அமெரிக்க போர்வெறியர்கள் 'சுதந்திரம்', 'பாதுகாப்பு' என்ற பெயரில் அத்துமீறி ஆக்கிரமிப்பு செய்து மற்ற நாட்டு மக்களை கொல்கின்றனர். தங்கள் நாட்டில் 'சட்டம்' என்று தூக்கு தண்டனை மூலம் மக்களை கொல்கின்றனர்.

உலகில் அதிகமான மக்களை சிறையில் வைத்துள்ள நாடும் அமெரிக்காதான். அதிலும் கருப்பின மக்கள் தான் அதிகம்.

ஈராக் : அமெரிக்கப் பயங்கரவாதத்தின் இரத்தச் சாட்சி

அமெரிக்க பயங்கரவாதத்தின் வரலாறு

"காட்டு நடனம்"

2007-08-22T10:01:00.000+05:30

சித்திரவதைச் செய்யப்பட்ட

எங்கள்

மார்புகளில் இருந்து

வசீகர வயலின்கள்

உயிர்த்தெழும்பும்

சுருள் வேலிக் கம்பிகள்

அவற்றின் தந்திகளாய்

நாதமெழுப்பும்

உடைந்த

எழும்புத் துண்டுகளோ

புல்லாங்குழல்களாய்

முகிழ்த்தெழும்பும்

அங்கு

ஒரு காட்டு நடனம்

அனல் கக்கும்.

- மிக்கிஸ் தியோடோ ராகிஸ்

(கிரேக்க கவிஞர், அரசியல் ஆய்வாளர்)

நலம், நலமறிய நக்சல்பரி...

2007-08-20T13:46:00.000+05:30

நக்சலைட்டுகளை

இயங்கவிடாமல் செய்துவிட்டதாம் அரசு

நம்புகிறார்கள் சிலர்.

உண்மையில்

இயங்கமுடியவில்லை மக்களால்.

கத்திக்கு எத்தனைச் சாணைபிடித்தாலும்

ஒரு இழவு விசாரித்துவர

பேருந்து கட்டணத்தைப்

பிடிக்க முடியாமல்

துருப்பிடித்துக் கிடக்கிறது

தொழிலாளியின் வாழ்க்கை.

அங்கங்கே ஆள் வைத்து

பணத்தாலே கண்ணி வைத்து

எத்தனை முறை கிளப்பினாலும்

எழுப்ப முடியவில்லை

'எம்ப்ளாய்மெண்ட்' எண்ணை.

ராகு மூணாம் இடம் போகிறார்

கேது நாலாம் இடம் வருகிறார்

கேட்ட பவுனைப் போட முடியாததால்

அக்காமார்கள் மட்டும்

அடுப்படியிலேயே கிடக்கிறார்கள்.

ரேசன் அரிசி வடித்த கஞ்சியில்

சலவை செய்த உயிரை உடுத்தி உடுத்தி

ராத்திரி அறுப்புக்குப் போய் வந்து படுத்த

அம்மாவின் கண்கள்

கடைசிவரை திறக்கவே இல்லை..

ஊரெல்லாம் கடன்பட்டு

தலைமறைவு வாழ்க்கை நடத்தும்

உங்களுக்குத் தெரியாதா?

புரட்சிக்குக் கடன்படாமல்

இனி இயங்க முடியாது என்பது.

-துரை.சண்முகம்

நன்றி : புதிய கலாச்சாரம் ஜூலை 2000

இருப்பதற்கு வாய்ப்பே இல்லை ! எது கடவுள் தானுங்க !!

2007-08-18T10:49:00.000+05:30

ஆத்திகமும், நாத்திகமும் ஒன்றுக்கொன்று நேர் முரணானவை. இவைகளுக்கிடையே சமரசம் கிடையாது; இருக்க முடியாது. ஆத்திகம் வெறிபிடித்து கூத்தாடத் தொடங்கியுள்ள இந்த நேரத்தில், ஆத்திகத்தின் அடித்தளத்தை விஞ்ஞான அறிவு கொண்டு, விஞ்ஞான ஆய்வு முறை கொண்டு தகர்த்தெறிய வேண்டும். இது ஒவ்வொரு முற்போக்காளனின் கடமை என்பதை மறப்பதற்கில்லை.

இதற்கு கீழே உள்ள உரையாடலை ஓரளவு உதவலாம். இன்றைய வளர்ந்துவிட்ட விஞ்ஞானத்தின் ஆதாரங்களையும் கணக்கிலெடுத்துக் கொள்ளுங்கள்.

நாத்திகர்: உயிரினங்களே இல்லாத ஒரு காலம் இருந்தது என்பது தெரியுமா?

ஆத்திகர் : தெரியும். பூமி என்ற கோளம் உயிரினங்கள் தோன்றி வளர்வதற்கு லாயக்கான நிலை அடையவே கோடி வருடங்கள் பிடித்தன என்று விஞ்ஞானிகள் உரைக்கின்றனர்.

நா:ஆக, உயிரினங்களே இல்லாத காலத்தில் பூமி இருந்ததல்லவா?

ஆ: இருந்தது.

நா: அக்காலத்தில் - உயிரனங்களே இல்லாத காலத்தில் - பூமி இருந்தது. ஆனால் எண்ணம், சிந்தனை இருந்திருக்க முடியுமா?

ஆ: இருந்திருக்காது.

நா: ஆகவே பிரபஞ்சமும் , அதன் பகுதியாக பல கோளங்களும் வெட்ட வெளியில் சுழன்று கொண்டு இருந்தன. அதாவது பொருள் அல்லது வஸ்து இருந்தது. சிந்தனை இருக்கவில்லை.... என்ன முழிக்கிறாயே... சரிதானா?

ஆ: இது சரியாகத்தான் படுகிறது.

நா: ஆகவே , பொருள்தான் முதலில் இருந்தது. அடிப்படையானது, பின்னால் ஒரு கட்டத்தில் பொருளுக்குள் ஏற்பட்ட மாற்றங்களினால் உயிர் என்ற குணத்தைப் பொருள் அடைந்தது. அந்த உயிர்ப்பொருள் எத்தனையோவித மாற்றங்களடைந்தது. அந்த மனிதனின் சிந்தனை,எண்ணம் என்பது பிந்தியது என்பதில் சந்தேகம் கொள்ள இடமுண்டோ?

ஆ: இல்லை.

நா: யோசித்துப் பார். பூதத் சாத்திரத்தை, வான சாத்திரத்தை, பிராணி சாத்திரத்தை, அதன் ஒரு பகுதியான பரிணாம சாத்திரத்தை ...ஏன் இன்று வளர்ந்துள்ள எல்லா சாத்திரங்களையும் மறுத்து ஒதுக்கித் தள்ளினால்தான் இந்தக் கூற்றைத் தள்ள முடியும்.

ஆ: அது வாஸ்தவம்தான். பொருள் முந்தியது, சிந்தனை பிந்தியது என்பது மறுக்க முடியாத விஞ்ஞான உண்மைதான்.

நா: சரி வேறு ஒரு கோணத்திலிருந்து இவ்விஷயத்தை ஆராய்வோம். பொருள் அல்லது வஸ்து அழிவடைகிறதா?

ஆ: இது என்ன? ஒன்றும் புரியவில்லையே?

நா: கல் என்ற பொருள் எடுத்துக் கொள்வோம். அதைச் சுக்கு நூறாக உடைத்து மாவு போன்ற பொடியாக்கலாம், கல் என்ற உருவம் போய் விடுகிறது. இல்லையா?

ஆ: ஆம்; பொடியாகப் போய்விடுகிறது.

நா: 'கல்' அழிந்து விட்டது. என்று சொல்லலாமா?

ஆ: சொல்லலாம்.

நா: சொல்லக்கூடாது ! கல் என்ற உருவம் தான் அழிந்தது. 'பொடி' என்ற உருவம் வந்துள்ளது. கல்லுக்குள் இருந்த அணுக்கள் அழியவில்லை. "பொருளின் உருவம்" தான் மாறிற்று.

ஆ: அது மெய்தான்.

நா: அதே போல 'ஐஸ்' என்ற பொருளைப் பார்ப்போம். கையில் எடுத்துப் பார்ப்பதற்கு முன் கசிந்து உருகி நீராக ஓடி விடுகிறது.

ஆ: 'ஐஸ்' என்ற உருவத்தை விட்டு 'நீர்' என்ற உருவத்தை அடைகிறது.

நா: அந்த நீரை ஒரு பாத்திரத்தில் வைத்து அடுப்பின் மீது வைத்தால் என்ன ஆகிறது?

ஆ: சூடு ஏறிய பின் ஆவியாக மாறிக் காற்றில் கலந்து விடுகிறது.

நா: நீர் என்ற உருவம் மாறி 'ஆவி' என்ற உருவத்தை அடைகிறது. அந்த ஆவியும் குவியலாக பாத்திரத்திலிருந்து வெளிக்கிளம்பும் பொழுது கன்ணுக்குத் தெரிகிறது. ஆனால் காற்றிலே கலந்தபின் கண்ணுக்கும் தெரிவதில்லை.

ஆ: ஆம்.

நா: ஆனால் நீரில் இருந்த அணுக்கள் அழிந்துவிட்டனவா?

ஆ: இல்லை.ஐஸ் நீராக மாறிய பொழுது ஐஸில் இருந்த அணுக்கள் அழியவில்லை. அதேபோல நீர் ஆவியாக மாறிய பொழுது நீரில் இருந்த அணுக்களும் அழியவில்லை. திடமாயிருந்த பொருள், திரவமாக மாறி , பின் ஆவியாக மாறிற்று. ஆனால் அழியவில்லை.

நா: அதே போல பிரபஞ்சத்தில் உள்ள எந்தப் பொருளும் வஸ்துவும் - கல்லோ , மண்ணோ, கட்டையோ, மரமோ, உயிருள்ளதோ, உயிரற்றதோ - எந்த நிலையிலும் அழிவதில்லை. நிலைமைக்குத் தகுந்த உருவமாற்றம் ஏற்படுகிறது.; அழிவதில்லை - இது சரிதானே?

ஆ: சரிதான்.

நா: இதைத்தான் பொருளின் அழியாத்தன்மை (Law of Conservation of Matter) என்று கூறுகின்றனர். பொருள் அழிவதேயில்லை என்றால், என்றென்றும் இருந்தது என்று அர்த்தம் அது சரி தானே?

ஆ: ஆம், அப்படித்தான் அர்த்தம்.

நா: அதாவது, பிரபஞ்சத்தில் உள்ள பொருள்கள் அனைத்தும் இல்லாதிருந்த காலமே இல்லை என்பது இதன் தர்க்கரீதியான முடிவு.

ஆ: ஆம் என்றென்றும் இருந்து வந்துள்ளன என்பதே முடிவு.

நா: அப்படியானால் சிருஷ்டி, அல்லது படைப்பு என்பதற்கு இடமேது?

ஆ: ம்.....ம்... இல்லைதான்

நா: ஆக படைப்பும் இல்லை; படைத்தவனும் இல்லை - கடவுள் இல்லை - என்பது மறுக்க முடியாத விஞ்ஞான சாத்தியம்.

ஆ: அப்படித்தான்.... இருந்தாலும் என்னமோ மனதில் சங்கடம் ஏற்படுகின்றதே?

நா: இவ்வளவுக்குப் பின்னால் சங்கடமாயிருக்கிறது என்கிறாயே? - ஒரே வார்த்தையில் சொல்லியிருந்தால் (கடவுள் இல்லை என்று) எப்படியிருந்திருக்கும்; கோபப்பட்டிருப்பாய்; ஆத்திரப்பட்டிருப்பாய்; அறிவு ரீதியான ஆய்வுக்கு முனையமாட்டாய். ஒரு வேளை வெறிபிடித்த ஆத்திகனாகக்கூட மாறியிருப்பாய் ! இப்போது இம் முடிவு விஞ்ஞான ரீதியாக மெய்ப்பிக்கப்படுகிறது என்று ஏற்றுக் கொண்டு விட்டாய்.... இன்னும் சில நாட்கள் ஆகிவிட்டால் மனதுக்கும் சங்கடமிருக்காது. போய் வா!

(ஏ. பாலசுப்ரமண்யம் அவர்கள் எழுதிய "கடவுள் உண்டா இல்லையா?" என்ற நூலில் இருந்து எடுக்கப்பட்டது)

Related:

மனிதன் எங்ஙனம் பேராற்றல் மிக்கவன் ஆனான்

எதனாலே? எதனாலே? எதனாலே?

நம்புங்கள் இது சுதந்திர இந்தியா தான் ! ஏழ்மையில் வாழ்வதற்கு !!

2007-08-15T12:19:00.001+05:30

ஜனநாயம் எனபது லட்சியமா, வழிமுறையா?

எங்க நாடு ஆகுது வல்லரசு அமெரிக்கா போலே...

2007-08-11T12:54:00.000+05:30

இன்றைக்கு நாடு வல்லரசு ஆகிவருகிறது என்ற மாயயை ஒருபுறம் தோற்றுவித்துக்கொண்டே மறுபுறம் நாட்டை படுவேகமாக அந்நியனுக்கு விற்று வருகின்றார்கள் இந்த மக்கள் விரோத ஆட்சியாளர்கள்.

நாட்டை பகுதி பகுதியாக அந்நியனுக்கு சிறப்பு பொருளாதார மண்டலம் என்ற பெயரில் தாரை வார்க்கிறார்கள், இன்னொருபுறம் அனைத்து துறைகளிலும் பன்னாட்டு நிறுவனங்களை அனுமதிச்சு உள்நாட்டு தொழில்களை நாசமாக்குகின்றனர்,அனுசக்தி ஒப்பந்தம் என்ற பெயரில் அமெரிக்கனுக்கு அடிமை சாசனம் எழுதிக்கொடுக்கின்றனர்.

இதில் எந்த ஓட்டுக்கட்சிக்கும் கருத்துவேறுபாடு என்பதே கிடையாது.

உதாரணமாக தனியார்மய, தாராளமய, உலகமய கொள்கையினை நாங்கள் ஆட்சிக்கு வந்தால் நடைமுறைப்படுத்த மாட்டோம், உலக வர்த்த கழகத்தில் இருந்து இந்தியா வெளியேறும் என்பது போன்ற வாக்குறுதிகளை எந்த ஓட்டுக்கட்சிக்கார்களும் சொல்வது கிடையாது.

இன்றைக்கு சிறப்பு பொருளாதார மண்டலத்தை எதிர்க்குறோம்; அனுசக்தி ஒப்பந்தத்தை எதிர்க்குறோம்; ரிலையன்ஸை எதிர்க்குறோம் என சொல்கிற எவரும் இதற்கனைத்துக்கும் அடிப்படையான மேலே உள்ள விஷயத்தை பற்றி மூச்சு கூட விடுவதில்லை.

ஏன்னா இவர்கள் ஆட்சிக்கு வந்தாலும் இதையேதான் நடைமுறைப்படுத்த போகிறார்கள்.இப்பவே மற்ற மாநிலங்களிலும் தங்களுடைய கட்சி ஆட்சியிலும் இத்தகைய கொள்கைகள் தான் நடைமுறைப்படுத்துகிறது என்றும் இந்த ஓட்டுக்கட்சி ஆட்சியாளர்களுக்கு தெரியும்.

ஆக நாடு காலனியாக்கப்பட்டு வருவதில், காலனியாக்குவதில் காங்கிரஸ், பா.ஜ.க, போலி கம்யூனிஸ்டுகள், தி.மு.க, அ.தி.மு.க, பா.ம.க, தே.மு.தி.க, சரத்குமார் என அனைவருக்கும் முழு சம்பந்தம்.

இதை எப்படி ஆக்குவது என்பதில் தான் தங்களுக்குள் வேறுபடுகின்றனர்.

இப்படிப்பட்ட நிலையிலும் இன்னமும் நாடு முன்னேறுது என்று கூறுபவர்கள் மேலே உள்ள "இந்தியாவின் 83 கோடி பேரின் தினசரி வருமானம் ரூ 20" என்பதற்கு என்ன பதில் சொல்லப் போகிறார்கள்.

..
இனியும் இந்திய ஆட்சியாளர்கள் மற்றும் கலாம்களின் பேச்சை நம்பிக்கொண்டு கனவு காண முயல்வதற்கு எந்த அடிப்படையும் இல்லை.

போராடுவதை தவிர வேறு மாற்று இல்லை என முகத்தில் அறைந்து சொல்கிறது தினமும் வரும் செய்திகள்.

http://blackboards.blogspot.com/2007/06/blog-post_16.html

ஈராக் : அமெரிக்கப் பயங்கரவாதத்தின் இரத்தச் சாட்சி !

2007-08-04T11:30:00.000+05:30

அமெரிக்க பயங்கரவாதத்தின் வரலாறு

கல்வி கொடுக்க வக்கில்ல என்னடா கவுர்ன்மென்ட்டு !!

2007-07-31T14:20:00.000+05:30

ஜூலை மாதம் முடிந்து ஆகஸ்ட் மாதம் பிறக்கவிருக்கிறது. 2007-08 ஆம் வருடத்திற்கான கல்வியாண்டு தொடங்கிவிட்டது. பள்ளிகளிலும் , கல்லூரிகளிலும் வகுப்புகள் தொடங்கப்பட்டுவிட்டது. பொறியியல் படிப்புக்கான அண்ணா பல்கலைக்கழக கவுன்சிலிங் தொடங்கி நடந்து வருகிறது. இந்தச் சூழ்நிலையில் "இன்றைய கல்வி" பற்றி ஒரு பதிவு எழுதலாம் என்று முயற்சிக்கிறேன்.

கல்வி என்பது மனிதனைப் பண்படுத்துவது என்பார்கள். ஒன்றுமே தெரியாத வெற்றுக் களிமண்ணாய் பிறக்கும் மனிதனுக்கு இந்த உலகத்தையே அறிமுகப்படுத்தி அதன் தோற்றம் முதல் இன்றைக்கு வரை நிகழந்த மாற்றங்களை, அறிவியல் கண்டுபிடிப்புகளை கலை இலக்கியங்களைப் போதித்து அவனை புடம் போட்டு வார்த்து எடுப்பதோடு, இந்த சமூகத்தில் அவன் யார்? அவனது பங்கு என்ன? என்பதை அவனுக்கு உணர்த்த வேண்டிய முக்கிய கடமை கல்விக்கிருக்கிறது.

ஆனால் இன்றைய சூழ்நிலையில் நாம் கல்வியை அப்படிப் பார்ப்பதில்லை. வேலைக்கு போய்ச் சம்பாதிக்க ஒரு தகுதியாக மட்டுமே கல்வி உள்ளது. எந்தத் தொழிலில் முதலீடு செய்தால் அதிக லாபம் ஈட்ட முடியும் என்று கணக்கு பார்ப்பது போல , எந்தப் படிப்பில் முதலீடுபோட்டால் பையன் அதிகமாகச் சம்பாதிப்பான் என்று கணக்குப் போடுகிறார்கள் . அவர்களைச் சொல்லி குற்றமில்லை.

இன்றைக்கு எந்த பத்திரிக்கையை எடுத்தாலும் இந்த படிப்புப்படித்தால் இவ்வளவு சம்பளத்தில் வேலை, இந்தக் கல்லூரியில் படித்தால் படிப்பை முடிக்கும் முன்பே வேலை என்று பக்கத்திற்குப் பக்கம் எழுதித் தள்ளுகிறார்கள். டி.வி-யில் எல்லா சேனல்களிலும் கல்லூரிகளைப் படம்பிடித்து சுண்டி இழுக்கும் விளம்பரங்களை ஒளிபரப்புகிறார்கள். இதையெல்லாம் பார்த்து நமது பெற்றோரும் இந்தக் கல்லூரிகளின் வலையில் தங்களது பணத்துடன் போய் விழுகிறார்கள்.

இன்றைக்கு இருக்கும் நடுத்தர இளைஞர்கள் ஒவ்வொருவரும் எப்படியாவது ஒரு இஞ்சினியராக வேண்டும் என்றுதான் கனவு காண்கிறார்கள். "கனவு காணுங்கள்" என்று உற்சாகமூட்டும் முதன் குடிமகன் இருந்தபோது படித்தவர்களாயிற்றே, அவர்கள் வேறு என்ன செய்வார்கள். ஆனால் அவர்கள் கனவை நினைவாக்க அவர்களது பெற்றோர் மென்மேலும் கடன் பட வேண்டியிருப்பதை அவர்கள் உணரவில்லை. பள்ளிப்படிப்பிற்கே தங்களது சேமிப்பு முழுவதையும் கறைத்துவிட்டு , கடனாளியாக நிற்கும் நடுத்தர வர்க்கத்து பெற்றோர் கல்லூரிப் படிப்பிற்காக மகனையும் கடனாளியாக்க வேண்டியுள்ளது. நடுத்தர வர்க்கத்திற்காவது வங்கிகள் கடன் கொடுக்கின்றன. ஆனால் ஏழை எளிய மக்களுக்கு அதுவும் கிடையாது.

பொறியியல் படிப்பு படிக்கக் குறைந்தது 2 லட்சம் முதல் 8 லட்சம் வரை செலவாகிறது. 10 லட்சம் இருந்தால் யார் வேண்டுமானாலும் ஒரு டாக்டராகலாம். இப்படி லட்சங்களில்தான் இன்றைக்கு உயர்கல்வி உள்ளது. எந்தக் கல்லூரியை எடுத்துக் கொண்டாலும் அரசு நிர்ணயிக்கும் கட்டணத்தை விட இருமடங்கு வசூலிக்கின்றனர்.இவர்களை யாரும் தட்டிக் கேட்பதோ தண்டிப்பதோ கிடையாது.

தமிழகத்தில் மட்டும் ஒவ்வொரு வருடமும் சராசரியாக 4.5 லட்சம் பேர் பள்ளிப் படிப்பை முடித்து வருகின்றார்கள். இவர்களுக்கென தரமான கல்வியை வழங்க இருக்கும் அரசு கல்லூரிகள் மொத்தம் 67 (மருத்துவம், பொறியியல், கலை கல்லூரிகள் எல்லாம்) இவற்றில் வெறும் 25 ஆயிரம் பேர் மட்டுமே படிக்க இயலும். மீதமுள்ள 4.25 லட்சம் பேருக்கு கல்வி வழங்கும் பொறுப்பை அரசு தட்டிக்கழித்துவிட்டது. அதை தங்களது தலைமேல் சுமக்கப் பல கல்வித்தந்தைகள் காத்திருகின்றனர்.

தமிழகம் முழுவதும், மாவட்டம் தோறும் இந்தக் கல்வித்தந்தைகள் முளைத்து கொண்டே இருக்கின்றனர். இவர்களைச் சற்று அருகில் சென்று பார்த்தோமானால் எல்லோரும் சட்டவிரோத , தேசவிரோத கூட்டம் எனபது நன்றாகத் தெரியும்.

ஜேப்பியார், உடையார் போன்ற சாராய முதலைகள்; தம்பித்துரை, ஏ.சி.சண்முகம் போன்ற அரசியல் பெருச்சாளிகள்; விஜயகாந்த், ரஜினி போன்ற கழிசடை கதாநாயகர்கள்; மலையாளத்து அம்மா முதல் மேல் மருவத்து அம்மா வரையிலான ஆன்மிக கொள்ளையர்கள்; இன்னும் சிலைதிருடர்கள், கள்ளநோட்டு களவாணிகள், விபச்சார புரோக்கர்கள், கடத்தல் மன்னர்கள்; முன்னாள்-இந்நாள் கட்டப்பஞ்சாயத்து ரவுடிகள் என ஒரு பெரிய தேசதுரோகக் கூட்டமே கல்வித்தந்தைப் பட்டத்தைச் சூட்டிக்கொண்டு திரிகிறது. இவர்கள் அனைவரும் கருப்புப்பணத்தைப் புரட்டுவதில் ஒருவருக்கொருவர் சளைத்தவர்கள் அல்லர்.

இவர்களை நம்பித்தான் நமது கல்வியை ஒப்படைத்துள்ளது இந்த அரசு. லாபம் தரும் பொதுத்துறை நிறுவனங்களை தனியாருக்கு விற்றுவிட்டு; வசூலிக்க வேண்டிய வரிப்பணத்தை பன்னாட்டு முதலாளிகளுக்கு வரிச்சலுகையாக அளித்துவிட்டு; செலவுக்கு பணமில்லையென்று சாராயம் காய்ச்சி விற்கும் கேடுகெட்ட இந்த அரசு, தன்னோடு சாராயம் காய்ச்சும் கூட்டாளியிடம் மக்களின் கல்வியை ஒப்படைத்திருப்பதில் அதிசியமில்லைதான். ஆனாலும் இவர்கள் ஏதோ கல்வியைத் தூக்கி நிறுத்திவிட்டதைப் போல காட்டிக்கொள்வதைதான் சகிக்கவில்லை.

இந்தக் கல்விக் கொள்ளையர்கள் அரசு நிர்ணயித்த கட்டணங்களை விட அதிகமாக வசூலிக்கும் போது, விதிமுறைகளை மீறி கல்லுரிகளை நடத்தும் போதும் , பாதிக்கப்படும் மாணவர்கள் தட்டிக்கேட்டால் அவர்களை ரவுடிகளைக் கொண்டு தாக்கும்போதும், இந்த அரசாங்கம் கண்டுகொள்வதே கிடையாது. ஏனென்றால் இன்றைக்கு ஆளும் வர்க்கமாய் உள்ள ஒவ்வொருவனுக்கும் ஒரு கல்லூரி இருக்கிறது. தமிழகத்தில் உள்ள எல்லாத் தனியார் கல்லூரிகளும் ஏதாவதொரு வடிவத்தில் இந்த ஆளும் வர்க்கத்துடன் பிணைக்கப்பட்டுள்ளது. அதனால்தான் இந்த கொள்ளையத் தடுப்பதற்கு பதில் அதனை வளரச் செய்கின்றனர்.

1950 ல் இந்தியா குடியரசு நாடு என அறிவிக்கப்பட்டபோது 10 வருடங்களில் 14 வயதுக்குட்பட்ட அனைவருக்கும் கல்வி கொடுபோம் என்று அறிவித்தார்கள். இன்றைக்கு 60 ஆண்டுகளுக்கு கிட்டே ஆகியும் இன்னமும் உலகின் எழுத்தறிவில்லாதவர்களில் 50 % பேர் இந்தியர்கள் என்று கூறுவது வெட்கக் கேடானது. இன்றைக்கு இந்தியாவில் 6-14 வயதுக்குக் கீழே உள்ள 20 கோடிக் குழந்தைகளில் கிட்டத்தட்ட 3 கோடிப்பேர் பள்ளிக்கு சென்றதில்லை. 6 1/2 கோடிப்பேர் 5-ம் வகுப்புடனும். 5 கோடிப்பேர் 7-ம் வகுப்புடனும் பள்ளியை விட்டு நின்றுவிடுகின்றனர்.

காங்கிரஸ், திமுக, அதிமுக, பா.ஜ.க, கம்யூனிஸ்டு ,பாமக, மதிமுக, தேமுதிக என மாற்றி மாற்றி யாருக்கு ஓட்டுப்போட்டாலும் இந்த நிலைமை மாறவில்லை, மாறாது. நம்மை விடச் சிறிய நாடான கியுபாவில் 10 ஆண்டுகளில் கல்லாமையை முற்றிலுமாக ஒழித்துவிட்டார்கள். நம்மால் முடியாதது அவர்களால் மட்டும் எப்படி முடிந்தது. அதற்குத் தேவை நாட்டுப்பற்றும்; மக்களின் மேல் உண்மையான அக்கறையும் கொண்ட ஒரு அரசு.

துப்பாக்கியை எடுத்துச் சென்று பாகிஸ்தானியரைச் சுடுவதை மட்டுமே நாட்டுப்பற்றாக போதிக்கும் இந்த அரசிடம் மக்களின் நலனை எதிர்பார்ப்பது முட்டாள்தனம், சொந்த லாபத்திற்காக நாட்டையே கூட்டிக் கொடுக்கும் அரசியல் வாதிகளிடம் நேர்மையை எதிர்பார்ப்பது மடத்தனம்.

அரசின் இந்தக் கல்விக் கொள்ளையை மட்டுமல்ல, இன்றைக்கு சமுதாயத்தில் இவர்கள் உருவாக்கிவரும் எல்லா பிரச்சினைக்கும் மூலகாரணமான தனியார்மயம், தாராளமயம், உலகமயம் என்ற பொருளாதாரக் கொள்கையினை எதிர்த்துப் போராடுவது மட்டுமே புத்திசாலித்தனம்.

ஏகாதிபத்திய அடிமைகளே ! பொய்யுரை பதிவர்களே !!

2007-07-30T15:01:00.000+05:30

நாட்டில் தொழிலாளர்கள், விவசாயிகள் என எல்லோரும் பாதிக்கப்பட்டு வருகிறார்கள், வாழவழியற்று தற்கொலை பண்ணிக்கிறாங்க என்ற இன்றைய நிலையினை அறிய பெரிய விஷய ஞானமோ, அறிவோ தேவையா என்றால் இல்லை,தினசரி நாளிதழ்களை பார்த்தா கூட தெரிஞ்சுக்க முடியும்.

செய்தி என்கிற அடிப்படையில் எல்லாவற்றையும் எழுதுகிறார்கள். ஆனால் இதுக்கு என்ன காரணம் என்று ஒருத்தரும் எழுதுறது இல்லை. போலி எதிர்ப்பாளர்களான NGOக்கள் முதல் லேட்டஸ்ட் ஒட்டுக்கட்சிகள் வரை ஒருத்தரும் சொல்றதுல்ல.

இதில் பத்திரிக்கை, இணைய தளம், ப்ளாக்குகள் உள்பட்ட தளங்களை பற்றி தான் இந்த பதிவு.

பொதுவாக இவர்கள்

விவசாயிகள் தற்கொலையில இருந்து இன்றைக்கு 2ரூ அரிசி வாங்க கூட வழியற்று மக்கள் அவதிப்படுவது வரை எதுக்குமே யாருடைய பொருளாதார கொள்கை, அதனை இந்த ஆட்சியாளர்கள் நடைமுறைப்படுத்த நிர்ப்பந்திப்பது எது என எந்த அடிப்படை காரணத்தையும் எழுதுவது இல்லை.

இதுல பத்திரிக்கையினை முழுக்க லாபம் ஈட்டும் ஒன்றாக மாற்றி விட்டார்கள்.நாம என்ன தெரிஞ்சுக்கனும், படிக்கனும் என அனைத்தையும் இன்றைக்கு ஏகாதிபத்தியங்கள் மற்றும் அவர்களோட கைக்கூலிகள் தான் முடிவு செய்கிறார்கள்.

சரி அப்படி கூட செய்தியாக எல்லாவற்றையும் கொடுக்கிறார்களா என்றால் இல்லை. அதுலயும் அவர்களுக்கு பிரச்சினை என சிலவற்றை மறைத்து விடுகிறார்கள்......

இந்த அடிப்படையில் செய்திகளை கொடுத்துவிட்டு....கூடவே " நாடு வளர்ச்சி பாதையில் ஜெட் வேகத்துல போகுது" என்ற குடியரசு (மொம்மை) தலைவர் முதல் ஆட்சியாளர்கள் என அனைவரின் பேச்சுக்களையும் எழுதிகின்றனர்.

ஒருபுறம் 1 லட்சத்துகும் மேற்ப்பட்ட ஆசிரியர்கள் வேலையில்லாமல் இருக்கிறாங்க, இன்னொருபுறம் ஆசிரியர் பணியிடங்கள் காலியாக கிடக்கிறது

பெப்சிக்கும் கொக்க கோலாவுக்கு பைசா கணக்கில் தன்ணீரை கொடுத்த மன்மோகன் சிங இன்னொருபுறம் நம்ம விவசயிகளுக்கு தண்ணீரோட அருமை தெரியலை, பணம் கொடுத்து வாங்கினால்தான் தெரியும் என பேசிகிறார்.

டாஸ்மாக் கடையில் ஆண்டுக்கு 7000 கோடி ரூபாய் வருமானம் கிடைக்கிறது. ஆனால் சுனாமிக்கு 3 ஆண்டுகளுகு பின்னும் உலகவங்கியிடம் 1000 கோடி கடனாக கேட்கிறது தமிழக அரசாங்கம்.

ஒருபுறம் பெப்சி குடிக்காதே, புகை குடிக்காதே, மது அருந்தாதே,டாடாவுக்கு எதிர்ப்பு , வாரிசு அரசியல் கூடாது என தனித்தனி அறிக்கை....மறுபுறம் அனைத்தையும் தடை செய்யும் அதிகாரம் உள்ள் மக்களையே சந்திக்காத மத்திய அமைச்சர் பதவியில் மகன், மத்திய, மாநில அரசுக்கு முழு ஆதரவு இதுதான் ராமதாஸ்

இப்படி முரண்பாடுகளை தனித்தனியாக இருப்பதை ஒன்றுபடுத்தி பார்க்கும் போதுதான் தெரியும், இன்று மக்கள் மீது இந்த அரசாங்கம் மறைமுகமாக ஒரு போரையே தொடுத்து வருகிறது என்று.

இதற்கிடையில் இந்த முரண்பாடுகளை எல்லாம் பொருத்தி

இன்றைக்கு நாட்டை படுவேகமாக அந்நியனுக்கு விற்றுக்கொண்டு இருக்கிறார்கள் இந்த மக்கள் நல (?) ஆட்சியாளர்கள் என்பதையும்
விவசாயிடம் இருந்து விவசாயம் பறிக்கப்பட்ட காலம் மாறி விவசாயத்திடம் இருந்தே விளைநிலம் பறிக்க பட்டு தொழிற்புரட்சி, வேலை வாய்ப்பு என்ற பேரில் அந்நியனுக்கு தாரை வார்க்கப் படுகிறது என்பது உள்பட

மக்களோட சகல கஷ்டங்கள் அனைத்துக்கும் என்ன காரண்ம், யார் காரணம் என்பதை தெரியப்படுத்த கூடிய பத்திரிக்கைகளும் இணையதளங்களும் உள்ளன. ப்ளாக்கர் உள்பட அனைத்து தளங்களிலும் போர்க்குரலாக ஒலிக்கிறது இது.

ஆனால் அடிமைத்தனத்திலேயே ஊறி திளைக்கின்ற சில அடிமைகள் ஆட்சியாளர்களோட முகமுடியாக செயல்பட முயற்சிக்கின்றன.

"நாட்டோட வளர்ச்சியை தடுக்குறாங்க, மேற்கு வங்காளத்தில் - பிற்போக்கு சக்திகள் ஒரு தொழிற்சாலை கூட வரவிடாமல் தடுத்து ரத்த ஆற்றை ஓட விட்டார்கள்; சும்மா 100 பேரை துண்டிவிட்டு; 100 பேருக்காக 10 ஆயிரம் பேருடைய வாய்ப்பு வசதிகளை குலைக்கின்றனர்" என்று இன்று ( 29 .7.07) டாடாவுக்கு 10 ஆயிரம் ஏக்கர் கொடுக்கிறதுக்கு எப்பவும் போல இது வளர்ச்சிக்குதான் என்ற அடிமுட்டாள்தனமான ஆட்சியாளர்களுடைய வாதத்தையே வைத்து கலைஞர் பேசியுள்ளார்.

நந்திகராம், சிங்கூர் போன்ற மக்கள் போராட்டத்தை கொச்சைப்படுத்தும் போலி கம்யூனிஸ்ட்களின் குரலை இந்த முற்போக்கு பெரியார் சீடர் வெளிப்படுத்தி உள்ளார்.

இன்றைக்கு தனியார்மய, தாராளமய, உலகமயமாக்கல் என்ற கொள்ளையினை ஏற்றுக்கொள்வதா , வேண்டாமா என்பதல்ல இந்த மன்மோன் சிங்,அத்வானி,போலி கம்யூனிஸ்டுகள், கருணாநிதி,ஜெயலலிதா, ராமதாஸ், விஜயகாந்த் போன்றவர்களுடைய பிரச்சனை. இதை எப்படி நடைமுறைபடுத்துவது எனபது தான் இவர்களுக்கிடையே உள்ள வேறுபாடு.

இந்த சூழ்நிலையில் இவர்களோட முகமூடியாக சிலர் செயல்பட முயற்சிக்கின்றனர் .

உதாரணமாக தமிழகத்தில் இன்று டாடாவுக்கு 10 ஆயிரம் ஏக்கர் நிலம் கையகப்படுத்தி தருவதற்கு அரசாங்கத்துக்கு ஒத்து ஊதக் கிளம்புகின்றனர்..

இதனை படிக்கும் அத்தகைய நபர்கள் மக்களநலனுக்கு எதிராக அவதூறாக எழுதுவதை கைவிட்டு - எழுதுவது; ஆரோக்கியமான ப்ளாகின் வளர்ச்சிக்கு உகந்ததாகும்.

நமக்கு தேவை சமச்சீரான வளர்ச்சி என்கிறதை புரிஞ்சிக்க முயற்சிப் பண்ணுங்க...

இல்லைன்னா

"வளர்ச்சி....முன்னேறுது.....அரசியல் படுத்துறாங்க.....என்று தனித்தனியாக எழுதி மக்களை முட்டாளாக்காம உங்களுடைய வாதத்தை உடைத்து எழுதும் பதிவுகளுக்கு மறுத்து விளக்கமாக உங்க பதிவை போட (?) முயற்சி பண்ணுங்க.... "

அதுவிட்டுட்டு சும்மா மக்கள் நலனோட விளையாடாதீங்க.

********************************************

Related:

*********

கார்பரேட் கட்சிகளும் மக்கள் நலனும்
..
பதவி ஆதாயத்துக்காகத் தொடரும் படுகொலைகள்!
..
விஜயகாந்தின் அரசியல்: கவர்ச்சி பாதி காவி பாதி

"வியாபாரமயமாகிய கல்வி" - கார்ட்டூன்

2007-07-29T10:05:00.000+05:30

நன்றி: தினமணி

உலக வங்கியிடம் ஏன் கை ஏந்துகிறாய்?

2007-07-27T16:10:00.000+05:30

1) உலக வங்கியிடம் சுனாமி நிவாரணத்துக்கு ரூ 1000 கோடி கடனாக தர வேண்டும் என கெஞ்சி கேட்டிருக்கிறார் தமிழக முதல்வர்.

2) தமிழகத்தில் டாஸ்மாக் கடைகளின் மூலம் கடந்த ஆண்டு வருமானம் ரூ 7000 கோடி.

டாஸ்மாக் கடை மூலம் இவ்வளவு வருமானம் வரும்போது உலகவங்கியிடம் கடன் கேட்பது எதற்காக?

அவ்வாறு பணம் வாங்கினால் வட்டி கட்டப்போவது யார்?

இந்த கடனுக்காக உலகவங்கி போட்ட உத்தரவுகள் என்னென்ன?

"சுயநல அறிவுஜீவிகள்"

2007-07-26T14:43:00.000+05:30

"ஏ சுயநல அறிவுஜீவிகளே !

நீங்கள் தப்பமாட்டீர்கள் !

உங்களுடைய கவிதைகளிலும் கதைகளிலும்

இடம் பிடிக்க முடியாதவர்கள்

ஆனால்

உங்களுக்கு உண்டி சமைக்கும்

உங்களுடைய ஆடையை விடுக்கும்

உங்களுடைய காரை ஓட்டும்

உங்களுடைய பூந்தொட்டியைப் பராமரிக்கும்

உங்களுடைய நாயைக் குளிப்பாட்டும்

அவர்கள் வந்தவுடனே

விசாரனை துவங்கும்.

ஏழை பாழைகளான எங்கள் வாழ்வும் கனவும்

எரிநெரிப்பில் கருகிக் கொண்டிருந்தபோது

ஏ, சுகபோகிகளே, செளந்தர்ய உபாசகர்களே

நீங்கள் என்ன செய்து கொண்டிருந்தீர்கள்?"

- ஆட்டோ ரெள காஸ்புலோ, சிலி

"விஷச்சக்கரம்"

2007-07-21T10:20:00.000+05:30

'எனக்கு எப்போது அப்பா சட்டை தைத்துத் தருவீர்கள்'

'கையில் காசு வரட்டும் மகனே'

'எப்போது அப்பா கையில் காசு வரும்?'

'ஆலை திறக்கட்டும் மகனே'

'ஆலை ஏன் அப்பா மூடிக்கிடக்கிறது?'

'ஆலையில் ஏராளமான துணி உற்பத்தியாகி முடங்கிக் கிடக்கிறது, யாரும் வாங்குவாரில்லை மகனே, எல்லாம் விற்றுப் போனதும் மீண்டும் துவங்குவார்கள்'

'நாம் கொஞ்சம் வாங்கினால் என்னப்பா?'

'அதான் கையிலே காசில்லை என்று சொன்னேனே மகனே'

-'சமுதாயமய'மான உற்பத்தியில் சுவிகரிப்பில் மட்டும் 'தனியுடைமை' நீடிப்பதால் ஏற்படும் 'விஷச்சுழல்' இது.

காசு இருந்தா சொகுசு பஸ்.... காசு இல்லைன்னா போலீஸ் அடி !

2007-07-16T13:13:00.000+05:30

இன்றைக்கு நாட்டை விற்கிறதை தீவிரமாக செய்துக்கிட்டு இருக்கிறார்கள். அதையே வளர்ச்சி , தவிர்க்க முடியாது (போலிகள் சாரி துரோகிகள்) என்கிற பேரில் நாடு முழுக்க முழுவேகத்தோடு இப்ப இந்த ஓட்டுக்கட்சிக்காரங்க அன்றாடம் நடைமுறைப்படுத்துகிறார்கள்.

அதுல ஒன்னுதான் பேருந்து விசயத்துல இன்றைய அரசாங்கம் செய்து உள்ளது. முன்பு வெள்ளை கலர், மஞ்சள் கலர் என்றும் பச்சை கலர் போர்டு என்றும் பேருந்து வீட்டார்கள். பின்பு M சர்வீஸ் என்றும் பேருந்து விட்டார்கள்.

இப்ப கலைஞர் அரசாங்கம் ,ஏற்கனவே இருந்த மூனு கலர் பேருந்துல பாதி வண்டி ஒட்ட ஒடசலா இயக்காம நின்னுக்கிறுந்தப்ப புதிசா வண்டிகளை வாங்கி ஆரங்சு கலர் போர்டு, நீலக்கலரு போர்டு, ஏர்பஸ் என விட்டு இருக்கிறார்கள்.

இப்படி குறைந்த கட்டணமே ஐந்து ரூபாய் என பேருந்து விட்டுட்டு, யாராவது இதை எதிர்த்து போராட்டம் , ஆர்ப்பாட்டம் என இறங்குனா அரசு கடுமையாக நடவடிக்கை எடுக்கும் என்று அறிவித்து பயமுறுத்துகிறார்கள்.

இப்படி உள்ளுர் மாநகராட்சி பேருந்து வண்டில மட்டும் இல்லாமல், வெளியூர் பேருந்துலேயும் டீலக்ஸ், சூப்பர் டீலக்ஸ் என்கிற வண்டிதான் இப்ப எல்லா வழித்தடங்கலிலும் அதிகமாக போகிறது.

சரி நல்லது தானுங்க நாடு முன்னேறுது, தனியாருக்கு நிகராக அரசு சொகுசு பேருந்து விடுவது, காசு இருக்கிரவங்க எங்க கஸ்டப்படனும் என்று சிலர் யோசிக்கலாம்.

ஆனா நாட்ல ஆக பெரும்பான்மையான மக்களை வாழவழியற்றவர்களாக ஆக்கிட்டு, ஒரு சிறு கூட்டம் வசதி வாய்ப்பாக இருக்கிறதை காண்பித்து இதை செய்கிறார்கள். 2 ஆயிரம், 3 ஆயிரம் சம்பளத்துல சென்னையில வாழ்க்கையை நடத்துகின்ற தொழிலாளிகள்,படிச்சுட்டு வேலைக் கிடைக்காம வேலை தேடுறதே வேலையாக வைத்து உள்ள இளைஞர்கள் என பெரும்பான்மை மக்களை ஆக்கிட்டு இதை பண்ணுகிறார்கள்.

காசு இல்லாதவனுக்கு இங்கு எதுவும் சொந்தம் இல்லை. வாழ உரிமையும் இல்லை என்கிற உலகமயமாக்கலோட ஒரு பகுதிதான் இந்த வர்க்கத்துக்கு ஏற்ற மாதிரி பேருந்து விட்டது.இன்றைக்கு வெளை கலர் போர்டுல மக்கள் அதிகம் பயணம் செய்றதை பார்க்கிறோம். ஏன்னா அவர்ங்களால பத்து ரூபாய் கட்டணம் கொடுக்க முடியாததுதான்.

இப்படி பெரும்பான்மை மக்களின் உழைப்புக்கு ஏற்ற ஊதியம் இல்லாமல் உழன்று கொண்டு இருக்குமாறு வாழ்க்கையை ஆக்கிட்டு, இங்க ஒரு சிறு கூட்டமான ஐ.டி, மற்ற மோசடி,பிழைப்புவாத கும்பல் சொகுசாக வாழ்க்கை வாழ இன்று ஏர் பஸ் விட்டு இருக்கிறார்கள்.

வெள்ளை கலர் போர்டு பேருந்துல மக்களை அனுப்பிட்டு, பின்னாடியே போலீசுக்காரங்களை அனுப்பி அடிக்கிறார்கள்.

ஆனால் அதிகமான மக்கள் வெள்ளை கலர்போர்டு பேருந்துல போறதுக்கும், படிக்கட்டில் பயணம் செய்யிறதுக்கும் யார் காரணம் ? மக்களா என்றால் இல்லை, இவர்களை இந்த நிலைக்கு தள்ளிய அரசு தான் காரணமாக இருக்கிறது.

இந்த உண்மைகளை எந்த பத்திரிக்கையும் எழுதுறது இல்ல. இவங்களோட செய்தி என்னான்னா "படிக்கட்டுல பயணம் செய்கின்றவர்களை போலீஸ்காரங்க அடிக்கிறாங்க" என்பது தான்.

ஆனால் உண்மையை பரிசீலித்தால்தான் தெரிஞ்சுக்க முடியும், இந்த " மக்கள் விரோத அரசின் யோக்கியதையும்", "நாலாவது தூணோட யோக்கியதையும்".

தமிழ் மக்கள் இசை விழாவின் கலை நிகழ்ச்சியிலிருந்து I

2007-07-02T13:33:00.000+05:30

வெளிவந்து விட்டன ! தமிழ் மக்கள் இசை விழா ஒளிக் குறுந்தகடுகள் (DVD)

திமுக-பாஜக வழங்கும் 'ராமன் கட்டிய பாலம்' அரட்டை அரங்கம்

2007-06-21T11:01:00.000+05:30

மன்னாருக்கும் தனுஷ்கோடிக்கும் இடையில் ஆதாம் பாலம் என்றும் ராமன் பாலம் என்றும் அழைக்கப்படும், கடலுக்கடியில் கிடக்கும் மணல்திட்டுகளை வெட்டி எடுக்கும் பணி சேது சமுத்திரத் திட்டத்திற்காக ஆரம்பித்திருக்கும் இவ்வேளையில் பார்ப்பனர்கள் அனைவரும் ஒரே அணியில் இணைந்து கொண்டு 'ராமர் கட்டிய பாலத்தை இடிக்காதே!' என ஓலமிட ஆரம்பித்துள்ளனர்.

பாஜக, விஸ்வ இந்து பரிசத் போன்ற இந்து மதவெறிக் கூட்டத்துடன் சுப்பிரமணிய சாமியும், பார்ப்பன ஜெயலலிதாவும் அறிக்கை மேல் அறிக்கை விடுகின்றனர். பதிலுக்கு ஜனநாயக முற்போக்குக் கூட்டணியில் இருந்தும் பதில் அறிக்கை என லாவணிக்கச்சேரி களை கட்டி உள்ளது.

இந்த லாவணிக்கச்சேரியை ரசிப்பவர்கள் சில குறிப்பிட்ட விசயங்களை மறந்து விடும் செலக்டிவ் அம்னீசியா நோயாளிகளாகவே இருந்து விட்டால்தான் எவ்வளவு நல்லா இருக்கும்!
'வெடிகுண்டு வைத்து ராமர் பாலத்தைத் தகர்க்கப் போகின்றார்கள்' என இல.கணேசன் பீதியூட்டி 'தொன்மையான வரலாற்று சின்னமாகவும் மக்களின் நம்பிக்கைக்கு ஆதாரமாகவும் விளங்கும் பாலம்' என்று மணல்திட்டைக் காப்பாற்றத் துடிப்பதைக் கேட்பவர்கள், திட்டப்பணி நடைபெறும் பாதை எண்-6 வழியாக (ஆதாம் பாலம்) கால்வாய் வெட்டச் சொன்னதே முந்தைய பாஜக அரசின் திருநாவுக்கரசர் தலைமையிலான அமைச்சகம்தான் என்பதை மறக்க வேண்டும்.

பாராளுமன்றத்தில் பாஜகவின் மல்ஹோத்ரா 'பாலத்தை இடித்தால் அரசு கவிழ்ந்துவிடும்' என சாபமிட்டபோது டி.ஆர்.பாலு முழங்கினாரே '400 ஆண்டு காலப் பழைமை வாய்ந்த மசூதியை இடித்த நீங்கள் இப்போது இல்லாத பாலத்தை இடிப்பதாக என்மீது பழி போடுகிறீர்கள்' என்று! மசூதி இடித்த பின்னர்தான் தேஜகூ அரசில் இதே பாலு மந்திரியாய் இருந்து ஒரே குட்டையில் புரண்டார் என்பதை மறக்க வேண்டும்.

'ஆங்கிலேயர்கள் வரைந்த படங்களில்கூட ராமர் பாலம் இருந்தது. தற்போது இடிக்கப்படும் பாலத்தின் கற்களை இரகசியமாக கப்பலில் எடுத்துச் செல்கின்றனர். பிரதமரும் ஜனாதிபதியும் உடனே தலையிட வேண்டும்' என்று ஊளையிடும் ஜெயா மாமியின் அதிமுகதான் 2001 தேர்தல் அறிக்கையில் 'ஆதாம் பாலத்து மணலை அகற்றி கால்வாய் அமைக்கப்படும்' என்று சொன்னதென்பதை மறக்க வேண்டும்.

இந்த வாதப்பிரதிவாதத்தில் கருணாநிதி 'அயோத்தியில் ராமர் கோவில் என்று சொல்லி பாபர் மசூதியை இடித்து அதன் காரணமாக ரத்த ஆறு ஓடக் காரணமானவர்கள்'தான் சேதுக்கால்வாயை எதிர்க்கிறார்கள் எனச் சாடினார். அதே மதவெறியர்கள் 2002ல் குஜராத் முஸ்லிம்களை மாதக்கணக்கில் கொன்று போட்டபோது 'அது உள் மாநிலப்பிரச்சினை' என்று அவர் சொன்னதை மறக்க வேண்டும்.

இந்த அரட்டைகளைக் காது கொடுத்துக் கேட்பபவர்கள் இந்த அறிக்கைப்புலிகளைக் கேள்வி எதுவும் கேட்கப் போவதில்லைதான்.

தயானந்த சரஸ்வதி எனும் பண்டாரம் 'ராமேஸ்வரம் கடல் பகுதியில் உள்ளது இயற்கையான பாலமல்ல. கி.பி. 15 ஆம் நூற்றாண்டு வரை அப்பாலத்தில் மக்கள் சென்று வந்தனர்' என்று சொல்கிறார். 'அப்படியென்றால் 11ஆம் நூற்றாண்டில் ராஜராஜ சோழன் ஏன் அப்பாலத்தைப் பயன்படுத்தாமல் கடற்படையை ஏவி ஈழம் வென்றான்?' என்று அவரை யாரும் கேட்கப் போவதில்லை.

'பலகோடி இந்துக்களின் உணர்வுகளைப் புண்படுத்தும் வகையில் ராமர் பாலத்தை இடிப்பதை மைய அரசு செய்யக்கூடாது. சேதுக்கால்வாயால் வெளி நாட்டவருக்குதான் அதிகப்பலன்' என்று திடீர் தேசப்பற்றை விதைக்கும் விஷ்வ இந்து பரிசத், தனக்கு நன்கொடைகளை அமெரிக்கா, பிரிட்டனில் இருந்து ஏன் பெறுகின்றது? என யாரும் கேட்கப்போவதில்லை.

சேதுக்கால்வாய்க்காக வாதாடுவதற்கென்றே திமுக,மதிமுக,அதிமுக,திமுக, மீண்டும் மதிமுக எனப் பலமுறை கட்சி மாறிய மதிமுக அறிவுஜீவி கே.எஸ்.ராதாகிருஷ்ணனிடம் 'ஜெயாவின் சேதுக்கால்வாய் எதிர்ப்பு' பற்றி யாரும் கருத்து கேட்கப் போவதில்லை.

சொல்லி வைத்த மாதிரி எல்லோரும் 'அமெரிக்காவின் நாசாவே வெளியிட்டிருக்கும் செயற்கைக்கோள் படத்தில் ராமர் பாலம் இருக்கிறது' என்கிறார்கள். அவர்களிடம் 'நாசாவின் இணைய தளமோ, கடலில் நடக்கும் இயற்கை மாற்றத்தால் உண்டான மணல்திட்டுக்களே அவை. அங்கு மனிதனால் உருவாக்கப்பட்ட எவ்விதமான கட்டிடங்களும் இல்லை' எனச் சொன்னதையும், 'நாசா சொன்ன மணல் திட்டுக்களைப் பாலம் எனத் திரித்தவர்கள் ஹரே ராமா ஹரே கிருஷ்ணா இயக்கத்தினர்தானே!' என்பதையும் யாரும் கேட்கப் போவதில்லை.

ராமர் பாலம் கட்டினாரா? அது பாக் நீரிணைப்பில் (இலங்கை-இந்தியாவைப் பிரிக்கும் நீர்ச்சந்தி)தான் உள்ளதா? என்ற விவாதம் இல.கணேசனுக்கும் திமுகவுக்கும் இடையே நடந்து வருகிறது.

'மொகலாயர் காலத்து நூல்களிலும், தஞ்சை சரஸ்வதி மகால் நூலகத்தில் உள்ள எண்ணற்ற நூல்களிலும் ராமர் கட்டிய பாலத்துக்கு ஆதாரம் உள்ளது' என இல கணேசன் சொல்லவே, டி.ஆர். பாலு சரஸ்வதி மகால் நூலகத்திற்கு சென்று 4 மணி நேரம் குறிப்பெடுத்தார். பெரியாரை ரவிக்குமார் தொடர்ந்து அவதூறு செய்து வந்தபோது கூட திமுக காரர்கள், அதற்கு மறுப்பு சொல்ல 4 மணிநேரம் பெரியார் நூல்களைத் தேடி இருக்க மாட்டார்கள். உடனே 'நூலகத்தில் நுழைந்து ஆதாரங்களை அழித்தார்' என்று பாசிச ஜெயா சொன்னார். அதையே பாஜகவும் வாந்தி எடுத்தது. பாராளுமன்றத்தில் 'பாலத்தை இதிகாச ரீதியாகவும் அறிவியல் ரீதியாகவும் வாதாடத் தயார்' எனப் பாலு அறிவித்ததும், ஆதாரப்புளுகுகளை நிறுத்தி விட்டு பாஜக 'இது இந்துக்களின் நம்பிக்கை சம்பந்தப்பட்ட விசயம்' எனச் சொல்ல ஆரம்பித்தது.

இதையெல்லாம் காது குளிரக் கேட்ட பிறகு ராமன் கட்டிய பாலம் குறித்து நமது மண்டைக்குள்ளும் சில கேள்விகள் எழுகின்றன.

ராமனே கட்டிய பாலம் என்கிறார்களே! அவன் கட்டியது உண்மை என்றே கொண்டாலும் ஆனானப்பட்ட ராமன் கட்டிய பாலத்தையும் கடல் விழுங்கி விட்டதே.. அதை ஏன் இப்போது இடிக்கக் கூடாது?

தமிழக மக்களின் சிரமத்தைக் குறைத்துப் போக்குவரத்தை மேம்படுத்தவா ராமன் பாலம் கட்டினான்? மாற்றானிடம் சென்று விட்ட அல்லது கடத்தப்பட்ட தன் பெண்டாட்டியை மீண்டும் அழைத்து வரத்தானே அந்தப் பாலத்தைக் கட்டினான்?

இலங்கைக்கு செல்ல, கடலைக் கடக்க பாலம் கட்டிய ராமன், பாம்பனில் இருந்து ராமேஸ்வரம் வரை எப்படிப் போனான்?

ராமன் கட்டிய பாலம் தனுஷ்கோடியில் இருக்கையில் அனுமன் பறக்கையில் கீழே விழுந்ததால் உருவானதாகச் சொல்லப்படும் மருத்துவ மலை மட்டும் ஏன் கன்னியாகுமரிக்கருகில் இருக்கிறது?

'ராமன் பாலத்துக்கு 15 லட்சம் வருச வரலாறுண்டு' என்று ஜெ.யும் பாஜகவும் சொல்கிறார்கள். மனித இனம் உருவாகியே 5 லட்சம் ஆண்டுகள்தானே ஆகின்றன.

ராமன் பாலத்தை உடைப்பது குறித்துக் குதிக்கும் ராம.கோபாலன் கிராமங்களில் இன்னமும் இருக்கும் ரெட்டை டம்ளர்களை உடைக்க எப்போது வருவார்?

ராமநாதபுரம் மாவட்டத்திலே மலைகள் ஏதும் இல்லையே. பாலம் கட்ட பெரும்பாறைகளுக்கு ராமன் என்ன செய்தான்? கரசேவை நடத்திக் கல் வரவழைக்க அன்றைக்கு அத்வானி போன்றவர்கள் இல்லையே!

இவ்வளவு பழமையான பாலத்தைக் காக்க ஏன் இவர்கள் ஆண்ட 6 ஆண்டுகளில் தொல்பொருள் சின்னமாக அதனை அறிவிக்கவில்லை? உமாபாரதி சுரங்கத்துறை அமைச்சராக இருந்தபோது அப்பகுதியில் 21 மீட்டர் வரை தோண்டிப்பார்த்தும் கட்டிடங்கள் ஏதும் தென்படாததாலா?

உண்மையில் பாக் நீரிணைப்பில் பாலம் இருந்ததா? கடலியலாளர் ஜெயகரன் "நூறாண்டுகளுக்கு 1 மீட்டர் வரை கடல் மட்டம் உயர்ந்து வருவதால் 5000 ஆண்டுகளுக்கு முன்பு வரை தமிழ்நாட்டுடன் தரையால் இணைக்கப்பட்டிருந்த இலங்கை தீவாகிப் போனது" என்பதைப் பல ஆதாரங்களுடன் சொல்கிறார். (ஆதாரம்:- 'குமரி நில நீட்சி' ஜெயகரன்)

லட்சக்கணக்கான வருசங்கள் என்ன, 5000 வருசத்துக்கு முன்னர் வெறும் தரையில் நடந்தே போய்விடக்கூடிய இடத்துக்கு பாலம் கட்டப்பட்டது என்றால் ஒன்று கட்டியவன் கூமுட்டை. இதை நம்புபவன் கேணை.

இத்திட்டத்தை மதக்காரணம் காட்டி எதிர்ப்பவர்களை காங்கிரசின் கிருஷ்ணசாமி 'தமிழகத்தின் துரோகிகள்' என்றால் கருணாநிதியோ 'தேசத்துரோகிகள்' என்கிறார்.

கருணாநிதி எரிந்து விழுகிற மாதிரி பாஜக உண்மையிலேயே இத்திட்டத்தை எதிர்க்கிறதா? என்றால் இல்லவே இல்லை. அவர்கள் 5000 வருடங்களுக்கு முன்னர் ராமன் கட்டிய பாலத்தை இடிப்பதை மட்டுமே எதிர்க்கின்றார்களே தவிர சேதுக்கால்வாயை எதிர்க்கவில்லை. 'எண்ணெய் தடவாமல் தலை சீவ முடியுமா?' எனக் கருணாநிதி கேட்டால் 'எண்ணெய் தடவாமலே தலை சீவுவதுதான் ·பேசன்' என்று இல.கணேசன், மாற்று வழியில் தோண்டச் சொல்கிறார்.

பாஜக இந்தப்பிரச்சினையில் ராமன் பெயரைச் சொல்லி தனக்கெனெ ஓர் ஆதரவுத் தளத்தை உருவாக்க முயல்கிறது. ஏற்கெனெவே கரசேவையை ஆதரித்த, மோடிக்காக பரிந்து பேசிய ஜெயா இக்கும்பலுடன் ஐக்கியமாகாமல் இருந்திருந்தால்தான் அது ஆச்சரியம். ஏற்கெனவே, கிறித்துவ மீனவர்கள் வலை காயவைக்கும் பாறையை விவேகானந்தர் பாறை எனக் கைப்பற்றி கன்னியாகுமரியில் காலூன்றியது போல் இவ்விசயத்தையும் இக்கும்பல் கையில் எடுத்துள்ளது.

எதிர்முகாமில் இருந்து எதிர்ப்பு வருவதைக்கண்ட கருணாநிதி தன் கூட்டணியை வைத்தே 'சேது சமுத்திரத்திட்டப் பாதுகாப்புக்குழு' ஒன்றை உருவாக்கி, 'சேதுக்கால்வாய் போன்றவற்றை நிறைவேற்றவே திமுக தனிநாடு கேட்டதாகவும், மய்ய அரசே என்னென்ன வேண்டும் சொல்லுங்கள் எனக்கேட்டதும் தனிநாடு கொள்கையைக் கைவிட்டு இந்தியாவில் இருந்து கொண்டே சேதுக்கால்வாய் வெட்டலாமென்று பிரிவினையைக் கைவிட்டதாகவும்' புத்தம் புது திரைக்கதை ஒன்றைச் சொன்னார்.

ராமதாசோ 'இத்திட்டம் நிறைவேற்றி முடிக்கப்பட்டால் தமிழகத்தில் தொழில்வளம் பெருகும். வணிகம் வளர்ச்சி அடையும். பல துறைமுகங்கள் ஏற்பட்டு வேலை வாய்ப்புகள் பெருகும்' என்று கற்பனையைத் தூண்டிவிடுகிறார். மார்க்சிஸ்ட் கட்சியின் சீத்தாராம் யெச்சூரியோ சிறந்ததொரு தரகு முதலாளியின் வார்த்தைகளிலேயே 'உலக அளவில் கப்பல் போக்குவரத்தில் மிகப்பெரிய வளர்ச்சி ஏற்பட்டுள்ளது. இத்துறையில் மலேசியா, சிங்கப்பூர் நாடுகளுக்கு இணையாக இந்தியாவும் முன்னேற வேண்டும் என்றால் இது போன்ற திட்டங்கள் அவசியம்' என்கிறார்.

துறைமுகங்கள் வளருவதால் வேலை வாய்ப்பு பெருகும் என்பது கடைந்தெடுத்த பொய்யாகும். சேதுக்கால்வாய் திட்டம் வருவதற்கு முன்னரே 80களில் தூத்துக்குடி துறைமுகத்தில் வேலை செய்து வந்த ஆயிரக்கணக்கான டி.எஸ்.ஏ. தொழிலாளர்களை துறைமுக நவீனமயமாக்கம் இன்று வீதிக்கு எறிந்து விட்டது. துறைமுகங்கள் முழுக்க கணிணிகளால் இயக்கப்படுகின்றன. 1990 களுக்குப் பின்னர் பின்பற்றப்படும் மக்கள் விரோதப் பொருளாதாரக் கொள்கையால் பல லட்சம் சிறுதொழில்கள் அழிந்து விட்டன. கிராமங்களின் கைவினைஞர்களும், விவசாயிகளும் பெருநகரங்களை நோக்கி படையெடுக்கின்றனர்.

ஏற்கெனெவே இருந்த வாழ்வை அழித்து விட்டு சேதுக்கால்வாய் மூலம் தொழில் பெருகும், வணிகம் பெருகும் என்று சொல்வதில் கடுகளவும் பொருளில்லை.

சேது சமுத்திரத் திட்டத்தை ஆதரிக்கும் கருணாநிதி, 'நாற்கர சாலைகள் போட்ட பின்னர் 2 மணி நேரத்திலேயே சென்னையில் இருந்து வேலூருக்கு போக முடிகிறது. முன்பெல்லாம் 4 மணி நேரம் ஆனது' என்று சொல்கிறார். வெள்ளைக்காரன் ரயில் விட்ட கதை மாதிரிதான் இதுவும். காலனி நாடுகளில் இருந்து சுரண்டப்படும் செல்வத்தை விரைந்து எடுத்துச் செல்லவும் தனது படைகளை விரைவாக நகர்த்தவும் போட்ட இருப்புப்பாதையை சும்மா போட்டு வைக்காமல் மக்களுக்கும் பயன்படுத்தச் சொன்னான், வெள்ளைக்காரன். இன்று துறைமுகங்களை சிறப்புப் பொருளாதார மண்டலங்களுடன் நான்கு வழிச்சாலைகள் மூலம் இணைத்து அதிவேகமாக சரக்கைக் கையாள உலக வங்கி நிதியுடன் போடப்படும் சாலையையே ஏதோ மக்கள் விரைந்து செல்லப் போட்டது போலப் படம் காட்டுகிறார் கருணாநிதி.

சேது சமுத்திரத் திட்டத்தை ஜனநாயக முற்போக்குக் கூட்டணி ஆதரித்தால், 'வேறு இடத்தில் வெட்டுங்களேன்' என்று அதை எதிர்க்கிற மாதிரி பாஜகவும் ஜெயலலிதாவும் ஆதரிக்கின்றனர் . இதனை 'தமிழனின் கனவுத் திட்டம்' என்று சொல்லிடும் கால்வாய்க் கனவையே பிரிட்டிஷ் காரன் தான் உருவாக்கினான். 1860களில் பஞ்சங்களை உருவாக்கிய வெள்ளை ஏகாதிபத்தியம் பருத்தி,அவுரி போன்றவற்றையும் தேக்கு போன்ற மரங்களையும் விரைவாய்க் கொண்டு செல்ல வடிவமைத்த திட்டத்தை 'தமிழனின் கனவு'த் திட்டம் என்று சொல்வதே அடிமைப்புத்தியாகும். அன்று பிரிட்டனால் நிறைவேற்ற முடியாமல் போன இந்தத் திட்டத்தை,இன்று உலக நிதி மூலதனம் நிறைவேற்றக் கிளம்பியுள்ளது.

இத்திட்டத்தின் ஆதரவாளர்கள் 'சேதுவால் நம்நாடு மட்டுமல்ல. தென் கிழக்காசிய நாடுகளும் கடலோரப் பகுதிகளில் அமைந்துள்ள நாடுகளும் பயன்பெறும். வணிகமும் தொழிலும் பெருகும். அன்னிய முதலீடு அதிகரிக்கும். அந்நியச் செலாவணி அதிகரிக்கும். ஏற்றுமதி அதிகரிக்கும். துறைமுகங்களின் சரக்குக் கையாளும் திறன் அதிகரிக்கும்' என்று சேதுவின் உண்மை நோக்கத்தை சொல்லிவிடுகிறார்கள். சென்னைக்கு அருகில் ஹோண்டாவும், ஹ¥ண்டாயும் பல கோடி அந்நிய முதலீட்டில்தான் வந்தன. எத்தனை பேருக்கு வேலை கிடைத்தது? அவர்கள் கார்களை ஒருங்கிணைத்து சென்னை துறைமுகம் மூலமாகத்தான் ஏற்றுமதி செய்கின்றனர். இதன் மூலம் துறைமுகத்தில் வேலை வாய்ப்பு பெருகியுள்ளதா? இல்லவே இல்லை.

அந்நிய முதலீடுகளை வரவேற்க எனச் சாலைகளை அகலப்படுத்துவதற்காக பலரின் வீடுகள், கடைகள் தரைமட்டமாக்கப்பட்டதுதான் மிச்சம். ஜார்க்கண்ட், ஒரிஸ்ஸா,சத்திஸ்கர் முதல் பல மாநிலங்களின் சுரங்கங்கள் பன்னாட்டு நிறுவனங்களுக்கு தாரைவார்க்கப்பட்டு வருகின்றன. வெட்டி எடுக்கும் தாதுக்களையும் சிறப்புப் பொருளாதார மண்டல உற்பத்திப் பொருட்களையும் அதிவிரைவாக எடுத்துக் கொண்டு துறைமுகங்களை நோக்கிக் கொண்டு செல்லத்தான் நான்கு வழிச்சாலைகள் போடப்பட்டு வருகின்றன. இந்தப் பூதாகரமான சாலை விரிவாக்கத்தினால் பல இடங்களில் சிற்றூர்களின் பல தெருக்களே அழிக்கப்பட்டு விட்டன. பல்லாண்டு பழைமையான மரங்கள் பெயர்த்தெறியப்பட்டு விட்டன.

உலகில் அருகி வரும் கடல் ஆமைகள் முட்டையிடும் பகுதி என்றும் பவளப்பாறைகள் செறிந்த பகுதி என்றும் உயிரியலாளர்களால் போற்றப்படும் மன்னார் வளைகுடாவை ஏகாதிபத்தியம் சேதுக்கால்வாய் திட்டத்தின் மூலம் தனது கோரப்பசிக்குப் பலியாக்கி வருகின்றது. ஏகாதிபத்தியத்திற்காகப் போடப்படும் சேதுக்கால்வாயின் மைய நோக்கத்தைப் பற்றி யாரும் யோசிக்க விடாமல் இருக்க ஓட்டுக்கட்சிகள் 'ராமன் பாலம் கட்டினானா?' இல்லையா? என்ற பட்டிமன்றத்தில் இறங்கி விட்டன. 15 ஆண்டுகளுக்கு முன் பாபர், ராமர் கோவிலை இடித்தாரா இல்லையா என்ற விவாதத்தில் மக்களை மோதவிட்டு, ஆட்சியாளர்கள் காட் ஒப்பந்தத்தில் கையெழுத்திட்டனர். அதே தந்திரம்தான் இன்று பாலப் பிரச்சினையிலும் பின்பற்றப்படுகின்றது.

ஓட்டுக்கட்சிகளின் திசைதிருப்பும் இந்த உத்திக்குப் பலியாகாமல் சேது சமுத்திரத்திட்டம் மூலம் நம் மண்ணை ஆதிக்கம் செய்யப்போகும் ஏகாதிபத்தியத்தை நாம் எதிர்த்துப் போராடுவோம்.

ஜனநாயகத்தின் மீது ஓட்டு கட்சிகளின் நம்பிக்கை ?

2007-06-20T09:19:00.000+05:30

இது ஜனநாயக நாடு... நாங்கள் ஜனநாயகத்தின் மீது நம்பிக்கை கொண்டவர்கள் என எப்போதும் மார்தட்டிக் கொள்ளுகின்றனர் ஓட்டுக் கட்சிகள்.

ஆனால் இவர்களுக்குதான் ஜனநாயகத்தின் மீது துளி கூட நம்பிக்கை இல்லை என்பதை ஒவ்வொரு தேர்தலிலும் நிரூபிக்கின்றனர்.

தேர்தலில் கள்ள ஓட்டு போடுவது, வாக்குச்சாவடியை கைப்பற்றுவது, வாக்குப்பெட்டியை கடத்துவது என அனைத்தையும் செய்வது, இந்த ஜனநாயகவாதிகள் தான்.

இவர்களுடைய ஜனநாயகம் ஒவ்வொரு தேர்தலும் பல்லாயிரக்கணக்கான ரானுவத்தினரையும், போலீஸையும் வைத்து நிலைநாட்டப்படுகிறது.

************************************************************************************

மதுரை இடைத் தேர்தல்-ஆயுதங்களுடன் துணை ராணுவம் ரோந்து

ஜூன் 19, 2007

மதுரை: மதுரை மேற்கு தொகுதி தேர்தலை அமைதியாக நடத்தும் வகையில் மத்திய துணை ராணுவத்தினர் ஆயுதங்களுடன் ரோந்துப் பணியில் ஈடுபடுத்தப்பட்டுள்ளனர்.

இத் தொகுதியில் வரும் 26ம் தேதி வாக்குப் பதிவு நடக்கிறது. ஒரு பக்கம் அழகிரியின் அஞ்சா நெஞ்சன் படையினர், இன்னொரு பக்கம் அதிமுகவின் தென் மாவட்ட பெருந்தலைகள் என மதுரையே கதி கலங்கிக் கிடக்கிறது.

தேர்தலை அமைதியாக நடத்த மத்திய துணை ராணுவ படையினர் வரவழைக்கப்பட்டுள்ளனர்.

நேற்று முதல் அவர்கள் துப்பாக்கியுடன் ரோந்து பணியில் ஈடுபட்டுள்ளனர்.

பதட்டமானவையாக அடையாளம் காணப்பட்டுள்ள 21 வார்டுகளில் 24 மணி நேரமும் அவர்கள் பாதுகாப்பு பணியில் ஈடுபட்டுள்ளனர் . இதுமட்டுமின்றி வெளி மாவட்டங்களிலிருந்து 2,000 போலீஸாரும், தமிழக சிறப்பு அதிரடிப் படையினரும் வரவழைக்கப்பட்டுள்ளனர்.

************************************************************************************

கார்பரேட் கட்சிகளும் மக்கள் நலனும்

2007-06-16T16:24:00.000+05:30

இன்று இந்தியாவில் உள்ள அனைத்து ஒட்டுக் கட்சிகளும் நிறுவனமயமாக்கப்பட்டு விட்டன. அவற்றில் எது ஆட்சிக்கு வந்தாலும் இன்றைய உலக மக்கள் விரோதிகளான உலக வங்கி, உலக வர்ததக கழகத்தின் கைப்பாவையாக மட்டுமே செயற்படுகின்றன.

இந்தகட்சி கம்பெனிகளுக்குள் எந்த விதமான கொள்கை வேறுபாடும் இல்லை. எல்லோரும் பன்னாட்டு நிறுவனங்களுக்கு நாட்டை காட்டிககொடுப்பதும், அதன் மூலம் தன்னையும் தன்னை ஆதர்¢க்கும் தரகு முதலாளிகளையும் வளப்படுத்திக்கொள்கின்றன. ஆனால் தாங்கள் ஆட்சியில் இல்லாத போதும், தனது இருப்புக்கு மக்களால் பங்கம் நேர்கின்ற போதும் இவற்றை எதிர்ப்பது போலக் காட்டுகின்றன. இந்த ஏமாற்று வேலையையே தனது் கொள்கைகளாக வைத்து இருக்கின்றன. ஆனால் மிகவும் சிரமப்பட்டு தங்களுக்குள் வேறுபாடு இருப்பது போல நடிக்கின்றன. மாறி மாறி இவர்களேதான் கூட்டணியாக ஆட்சிக்கு வந்துகொண்டு இருக்கிறார்கள், ஆனால் நாடு ஜெட் வேகத்தில் விற்கபடுவதில் எந்த தடங்கலும் இல்லை.

இந்த நாட்டு மக்களுக்கு உணவு மானியத்தை, வேளாண் மானியத்தை படிப்படியாக குறைத்து நிறுத்தவும் முயற்சி செய்கிறார்கள். தாய் மண்ணை விட்டுத்தர முடியாது என்று முஸ்லீம்களை கொல்கிறார்கள். ஆனால் விவசாயத்தை விட்டு - நிலத்தை விட்டு மக்களை வெளியேற்றுகிறார்கள். அதே நேரத்தில் பன்னாட்டு நிறுவனங்களுக்கு பகுதி பகுதியாக தனி சாம்ராஜியம் (sez), வரிச்சலுகை, வசதிகள் என செய்து கொடுக்கிறார்கள்..

இப்படி நாட்டை தொடர்ந்து காட்டி கொடுத்து வருவதை (இதை முன்னேற்றம் என்று வேறு கூறுகிறார்கள்) மக்கள் எதிர்க்கும் முன் இவனே 2 ரூபாய் அரசி, இலவச கலர் டி..வி., ஒரு சிலருக்கு நிலம் என கொடுத்து, தான் அடிக்கும் கொள்ளையை மறைத்துவிடுகிறார்கள். இவர்களுடைய இந்தக் கொள்ளையினால் தான் நமது நாட்டின் நிலமை இப்படி இருக்கிறது என்பதை இதன் மூலம் மறைக்க முயல்கிறார்கள்.

மக்கள் முன்னேற்றதுக்கு மிகவும் முக்கியமான கல்வி, மருத்துவ வசதி, போன்ற அத்தியாவசியத் துறைகளை தனியாரிடம் கொடுத்து அதில் அவர்கள் கோடி கோடியாகச் சம்பாரிக்க வசதி செய்து கொடுத்து, காசிருந்தால்தான் கல்வி மருத்துவம் எல்லாம் என்ற நிலையை உருவாக்கிவிட்டார்கள். மக்களை குடிக்கு அடிமைப்படுத்தி மந்தைகளாக மாற்றி போராடும் குணத்தை மழுங்கடிப்பதற்க்காக அரசே மதுக்கடைகளை (டாஸ்மார்க்) நடத்தும் அவலம் தமிழகத்தில் இருக்கிறது.

இது தமிழ்நாட்டில் மட்டும் நிகழ்ந்ததல்ல, திராவிட கட்சிகள் மட்டும் இதனைச் செய்யவில்லை, இந்தியா முழுவதும், அனைத்து ஓட்டுக் கட்சிகளும் , கட்சிப் பாகுபாடின்றி 50 வருடங்களுக்கும் மேலாக மாறி மாறி ஆட்சிக்கு வந்து இதையேதான் செய்கின்றன.

இந்த கார்ப்ரெட் கட்சிகள் சிலவற்றின் செயல்கள், பேச்சுக்கள், யோக்கியதைகளை பார்க்கும்போது இவர்கள் எப்படியெல்லம் மக்களை ஏமாளிகளாக நினைத்துக்கொண்டு வேலைசெய்கிறார்கள் என்பது புர்¢கிறது.....

காங்கிரசின் எடுப்பார் கைப்பிள்ளை மன்மோகன் சிங் நாடு முன்னேறாமைக்குக் கூறும் காரணம்.." விவசாயத் துறை 10 ஆண்டுகளாக படுபாதளத்துக்கு போய்விட்டது. இது நாட்டு வளர்ச்சிக்கு நல்லதல்ல. வறுமை ஒழிய வேண்டுமானால் விவசாயத்துறை வளர்ச்சி அவசியம்" என்கிறார்

இவர் கூறுவதைப் பார்த்தால் ஏதோ விவசாயத்துறை தானாக வண்டி பிடித்து பாதாளத்துக்கு போனது போலவும், இவருக்கு அதுபற்றி எதுவும் தெறியாது என்பதுபோலவும் இருக்கிறது. ஒரு பிரதமர் பேசும் பேச்சா இது. விவசாயிகள் அனைவரும் தற்கொலைக்குத் தள்ளப்படும் இந்த நிலைமைக்கு யார் காரணம், என்ன காரணம், இதனை மாற்ற என்ன செய்யலாம், என்ன செய்யப் போகிறீர்கள், இதுவரை அரசு என்ன நடவடிக்கை எடுத்துள்ளது, அவை ஏன் தோல்வியுற்றன, சற்று யோசித்துப் பார்த்தால் பொருளாதார சீர்திருத்தம் என்ற பெயரில் பல ஆயிரம் விவசாயிகளைக் கொன்று, நாட்டின் முன்னேற்றத்தை அதல பாதாலத்திற்க்குத் தள்ளியது இதே மன்மோகன் சிங் தான் என்ற இவர்களது நிஜமுகம் நமக்குத் தெறியும்.

காங்கிரஸை விட்டால் அடுத்து RSS, BJP, ராமர் பாலம்(?), பால் குடிக்கும் பிள்ளையார் சதுர்த்தி, என நவீன விஞ்ஞானம்(!) பேசி மதவெறி ஆட்சி செய்ய இவர்கள் தயாராக இருக்கிறார்கள். இவர்கள் யோக்கியதை இவர்களது சுதேசி இயக்கத்திலேயே தெறிந்துவிட்டது, "அன்னிய பொருட்களை வாங்காதீர்கள், உள்நாட்டு சுதேசிப் பொருட்களை மட்டுமே வாங்குகள்" (அதுவும் கடைகளில் 'ஓம்' ஸ்டிக்கர் இருக்கிறதா எனப் பார்த்து வாங்குங்கள்...) என தேசப்பற்று மிக்க (!) பிரச்சாரம் செய்துகொண்டே, சத்தமின்றி தேயிலை உட்பட 120 பொருட்களை காட் ஒப்பந்தத்தின் படி வரியே இல்லாமல் இறக்குமதி செய்ய அனுமதித்து உள்ளூர் விவசாயிகளின் வயிற்றில் அடித்தார்கள். (ஒரு வேளை கிளிண்டன் கடையில் 'ஓம்' ஸ்டிக்கர் ஒட்டிருந்துச்சோ)

அனுகுண்டு வெடிப்பு, கார்கில் யுத்தம் என்று நாட்டுபற்றை(!) எல்லா இந்தியர் உடலிலும் ஸிரஞ்சு போட்டு ஏற்றிவிட்டு அவன் அந்த மயக்கத்தில் இருக்கும் போதே நம்நாட்டு வளங்களை (தண்ணீர்,மனிதவளம் உட்பட அனைத்தையும்) பன்னாட்டுக் கம்பெனிகளுக்கு எழுதிக் கொடுத்து விட்டார்கள்

அடுத்து கம்யூனிஸ்டுகள் எனச் சொல்லிக் கொள்ளும் CPM கட்சிகாரங்க, இவர்கள் வேலை என்னவென்றால், ஆட்சியிலிருப்பவர்கள் போடுற ஒப்பந்தம் ஏதாவது வெளிச்சத்துக்கு வந்து அரசு அம்மணமா நிற்க்கும் போது, கிருஷ்ண பரமாத்மா கணக்காக களத்தில் இறங்கி அவர்களைக் காப்பாற்றுவது தான். அட அமெரிக்கன எதிர்க்கிறேங்கிறீங்க அப்புறம் அவனுக்கு அடிவருடியான காங்கிரஸ் ஆதரிக்கிறீங்க, கேட்டா பி.ஜே.பிக் கெதிரான சக்தியா காங்கிரஸ் இருக்குங்கிறீங்க. நாட்ட விக்கிறதுல பி.ஜே.பி க்கும் காங்கிரஸிக்கும் வித்தியாசமே இல்லாதப்பே நீங்க பி.ஜே.பியை ஆதரிச்சாலும் ஒன்னுதான் காங்கிரஸ ஆதரிச்சாலும் ஒன்னுதானே. எதுக்குக் குழப்பம் அமெரிக்காவையே ஆதரிச்சுட்டுப் போங்களென். உங்களுக்குத்தான் எவ்வளவு பெரிய மனசு, இந்தோனேஷியாவில் கம்யூனிஸ்டுக்களைக் கொன்று குவித்த சுகர்த்தோவின் சலீம் கம்பெனியை ஆதரித்து, நந்திகிராமத்தில் நம் நாட்டு மக்களைக் கொன்றவர்கள்தானே நீங்கள்.

சி.பி.எம் தலைவர் பிரகாஷ் கரத் சமீபத்திய பேட்டியில் "சிறு வணிகத்தில் பெரிய நிறுவனங்களை வருவதை நிறுத்த வேண்டும் என நாஙகள் விரும்புகிறோம்" என்றார்.

லட்சக்கணக்கான சிறுவனிக மக்கள் அழிந்து வருகின்றனர், அடுத்தடுத்து இன்னும் பலர் பாதிக்க பட போகிறார்கள். இதற்கு என்ன பதில் என்றால் , பெரிய நிறுவனங்கள் வரக் கூடாது என்பதை விரும்புறோம், இது ஒரு பதிலா? மக்கள் சாகிறார்கள் என்றால், சாககூடாது என்று விரும்புகிறோம் என்கிறார்கள

சரி தேசியக்கட்சிகள்தான் இப்படி நம்ம மாநிலக் கட்சிகளில் யாராவது உண்மையாக இருக்கிறார்களா என்றால்,

முதலில் வருவது தி.மு.க குடும்பம், இதன் தலைவர் மிகப் பெரிய ராஜதந்திரி கருணாநிதி, நாட்டை விற்ப்பதில் இவரை மிஞ்ச ஆளே இல்ல. தினமும் காலை தொண்டர்களைப் பார்க்கிறாரோ இல்லையோ இரண்டு மூனு வெள்ளைக்காரர்களைப் பார்த்தே ஆகவேண்டும். இவருக்கு வெள்ளைக்காரங்க கூட போட்டோவுக்குப் போஸ் கொடுப்பதில் அப்படி ஒரு ஆசை, தினமும் இரண்டு மூனு போட்டோக்களாவது பேப்பரில் வந்துவிடனும்.

ஒரு நாள் இந்த வெள்ளைக்காரனுங்களுக்கே பயமாய் போய் தலைவரே இப்படி தினப்படிக்கு இந்த ஊரு உனக்கு அந்த ஊரு உனக்குன்னு எல்லா ஊரையும் எழுதி எழுதித் தறீங்களே உங்க நாட்டு மக்கள் ஏதாச்சும் குண்டக்க மண்டக்க செஞ்சு எங்கள ஏறக்கட்டிட மாட்டாங்களா என்று கேட்டாங்களாம். அதுக்கு நம்ம தலைவரய்யா " இது ஒரு பெரிய விஷயமே இல்ல, நாடு முன்னேறுது அதான் வெள்ளைக்காரன் வர்றான்னு சொன்னா ஜனங்க நம்பிடப் போறாங்க, அப்படியே எதிர்க்கிற மாதிரி தெரிஞ்சா, கலர் டி.வி, கக்கூஸ்ன்னு ( உங்க உலக வங்கிட்ட கடன வாங்கி) எதையாவது குடுத்து வாய அடைச்சரலாம்" என்று சொன்னாரு.

கட்சிக்கு அழகிரி, ஆட்சிக்கு ஸ்டாலின், மத்தியில் கனிமொழி என்று தனது வாரிசுகளுக்குப் பட்டம் சூட்டக் காத்திருக்கும் தமிழ்நாட்டு மகாராஜா இவர்தான். மக்களை மழுங்கடிப்பதில், முதுகில் குத்துவதில் கருணாநிதிக்கு நிகர் அவரேதான்.

அடுத்தது, என்னதான் கருணாநிதி அளவுக்கு ராஜதந்திரியா இல்லாவிட்டாலும், அமெரிக்க ஜனாதிபதியா வர அளவுக்குத் திறமையிருந்தும் ( அதுக்கு ஒரு வெங்காயமும் தேவையில்லை) தமிழ்நாட்டுக்கு சேவை செய்யவே இருப்பவர் ஜெயலலிதா. இந்தம்மா நாட்டைக் கொள்ளையடிச்ச கதையப் பத்தி பேசவே பத்து நாளாகும். இடைஇடையில் தன்னோட பார்பன புத்தியக்காட்ட " மதம்மாற்றத் தடை" , "கிடாவெட்டத் தடை", என்று தன்னிஷ்டப்படி நாட்டை ஆட்டிவைப்பது இவருடைய தனித்திறமை. எம்.ஜி.ஆரின் கருப்புப் பணத்தில் உருவான அதிமுக என்ற டிரஸ்டின் நிரந்திர காவல் தெய்வம். கருணாநிதியை விட்டால் தமிழ்நாட்டைக் காப்பாத்த (கூட்டிக் கொடுக்க) இவங்க தான் அடுத்த இடத்துல நிக்கிறது.

அடுத்து நம்ம மருத்துவர் ஐயா, இவருக்கு அடிக்கடி ஞாபக மறதி வந்துவிடும். மக்கள் பிரச்சினைகளைப் பற்றி பக்கம் பக்கமா அறிக்கை விட்டுடிவாரு. அதுக்கப்பறம் உக்கார்ந்து யோசித்தால் எல்லா பிரிச்சனைக்கும் காரணம் அவர் அங்கம் வகிக்கும் ஆட்சிதான் என்று புரிந்துவிடும். நம்ம மகன் தேர்தல்லே நிக்காமலே மத்தியமைச்சரா இருக்க உதவி செஞ்சவங்களப் பகைக்க முடியுமான்னு அமைதியாயிடுவாரு. அடிக்கடி புகையிலை, மதுவிலக்கு, ரிலையன்ஸ் என்று ஏதாவொரு பிரச்சினை அவரைத் தொடும் போது ஒரு அறிக்கை விட்டுபுட்டு தைலாபுரம் தோட்டத்துல போய் அமைதியா ரெஸ்ட் எடுத்துக்கொள்வார். தி.மு.க, அதிமுக இரண்டு கட்சிக்கும் நல்ல பிள்ளை. யார் ஆட்சிக்கு வந்தாலும் மத்தியில் இரண்டு மந்திரி பதவி. கட்சியும் வளருது இவரது சொத்து மதிப்பும் வளருது.

கடைசியாக தமிழகத்தின் அடுத்த முதல்வர், விஜயகாந்த், கறுப்பு எம்.ஜி.ஆர், கேப்டன், புரட்சிக் கலைஞர் என்றெல்லாம் ரசிகத் தொண்டர்களெல்லாம், கொண்டாடும் இவர் கட்சி ஆரம்பித்ததே கருப்புப் பணத்தை வெள்ளையாக்கவும், கல்யாண மண்டபத்தைக் காப்பாற்றவும்தான். பிந்தையதத்தான் காப்பாற்ற முடியவில்லை முந்தியதையாவது காப்பாற்றும் நிலைக்கு தள்ளப்பட்டுள்ளார். உங்க கட்சிக் கொள்கை என்ன என்று கேட்டால், அது உங்களுக்கு எதற்க்கு, எனக்கு ஓட்டுபோட்டால் மற்ற எல்லோரையும் விட சிறப்பாக ஆட்சி செய்வேன், வேண்டுமென்றால் என்னை முதலமைச்சராக்குங்கள் அப்புறமாக நான் என்ன செய்கிறேன் என்று பாருங்கள், என்று திமிராகப் பேசும் பாசிச எம்.ஜி.ஆரின் ஜெராக்ஸ் காப்பி தான் இந்த விஜயகாந்த்.

மற்றப்படிக்கு சில அரசியல் அசிங்கங்கள், ஜால்ரா கோஷ்டிகளைப் பற்றி பதிவின் நீளம் கருதி எழுத முடிய வில்லை.என்றாலும் இவர்கள் அடிக்கடி கூட்டணி மாறி திமுகவிக்கும் அதிமுகவுக்கும் 6 வித்தியாசம் கண்டுபிடிப்பது இருக்கே, மகா கேவலம்.

இவர்கள் அனைவருமே, ஒரு கும்பல் நாட்டை விற்பதால் ஏற்படும் விளைவினை வைத்து இன்னொடு கும்பல் ஆட்சியை கைப்பற்றி அதே கொள்கையினை நடைமுறைப்படுத்துவது என்பதை வழக்கமாக கொண்டு உள்ளனர். மக்கள் தினமும் உலகமயத்தினால், இந்து மத வெறியினால் கொலையுண்டு வருவதை தடுக்க போராடனும் என்றால், இல்லை பார்த்துக் கொண்டு நல்லவனாக இருப்பதே பெரிய காரியம் என்கின்ற நிலையினை திட்டமிட்டு உருவாக்குகின்றனர் .

இவர்களை எதிர்த்து போராடும் போது இவர்களின் நிஜமுகத்தை பார்க்கலாம். இவர்களை எதிர்க்க நாம் பயப்படுவது தான், இவர்களது மூலதனமாக உள்ளது.. அந்த பயத்தினை உதிர்க்கின்ற அந்த கணமே இந்த மக்கள் விரோத அரசு நொறுங்குவதை பார்க்க முடியும். நந்திகிராமத்தில் மக்கள் இதனை உணர்ந்து, இணைந்து போராடியதால் தான் அங்கு நில ஆக்கிரமிப்பு நிறுத்துப்பட்டு உள்ளது.

இன்று இந்த நாடு பார்ப்பனிய பயங்கரவாதத்தாலும், அரசு பயங்கரவாதத்தாலும் ஆக்கிரமிக்கப் பட்டு உள்ளது. இதனை அரசாங்கங்களை(வாட்ச் மேன்களை) மாற்றுவதால் மாற்ற முடியாது எனபது கடந்த ஐம்பது ஆண்டுகளுக்கு மேலாக நாம் நேரில் பார்ப்பதில் இருந்து உணர முடியும்.

மக்களுக்கான ஒர் பொருளாதாரத்தை, கொள்கையினை உருவாக்கிட முதலில் நமக்கான ஒரு அரசை, மக்களே நேரிடையாக பங்கு கொள்ளும் ஒரு அரசை, அனைத்து அதிகாரிகளையும் மக்களே தேர்ந்தெடுத்துத் திருப்பியழைக்கும் உரிமையுடன் கூடிய அரசை ஏற்படுத்த வேண்டும்.

போராடுவதை தவிர வேறு மாற்று இல்லை என்ற நிலையினை, அனைவரும் ஒன்று சேர்ந்தாக வேண்டும் என்ற நிலையினை இந்த அரசே உருவாக்கி வருகிறது, இந்த யதார்த்ததை மக்கள் புரிந்துகொள்ளும் போது அந்த பன்னாட்டு நிறுவனங்களுடன், இந்த கார்பரேட் கட்சிகளும் நாட்டைவிட்டே ஓடவேண்டிவரும்.

தமிழ் மக்கள் இசை விழா ஒளிக் குறுந்தகடுகள் (DVD)

2007-06-14T09:01:00.000+05:30

வெளிவந்து விட்டன !

பதினான்காம் ஆண்டு

தமிழ் மக்கள் இசை விழா ஒளிக் குறுந்தகடுகள் (DVD)

கருத்தரங்க உரைகள் - ரூ 50
கலை நிகழ்ச்சிகள் -ரூ 5o
வெளியிடுவோர்:

மக்கள் கலை இலக்கியக் கழகம், தமிழ்நாடு

குறுந்தகடுகளை அஞசலில் பெற அஞ்சல் (கூரியர்) செலவு - ரூ 25
உடன் சேர்த்து அனுப்புமாறு கேட்டு கொள்கிறோம்

அனுப்ப வேண்டிய முகவரி மற்றும் இதர தொடர்புக்கு:

இரா.சீனிவாசன்,

16,முல்லைநகர் வணிக வளாகம்,
2-வது நிழற்சாலை,(15-வது தெரு அருகில்),
அசோக் நகர்,
சென்னை - 600 083.
044- 2836 0344

மேல் விவரங்களுக்கு

வெளிவந்து விட்டன ! தமிழ் மக்கள் இசை விழா ஒளிக் குறுந்தகடுகள் (DVD)

நன்றி போர்முரசு

தொடர்புடைய சுட்டிகள்:

தமிழ் மக்கள் இசை விழா - விடுதலையின் காலைக் கதிர்

தமிழ் மக்கள் இசை விழா' வின் கேள்வி "நீங்கள் பொறுப்பானவர்களா?

தமிழ் மக்கள் இசை விழா - III

தமிழ் மக்கள் இசை விழா - II

இசைவிழா பிரசுரம்நிகழ்ச்சி நிரல் பிப்' 24 - சனிக்கிழமை, தஞ்சை, திருவள்ளுவர் திடல்

ஓய்வு - பொழுதுபோக்கு - இசை ரசனை

ஓட்டு பொறுக்கி அரசியல்

2007-06-12T09:29:00.000+05:30

மீண்டும் திமுகவுக்குப் பாய்ந்த க.சுப்பு

ஜூன் 10, 2007 சென்னை:

சமீபத்தில் அதிமுகவிலிருந்து நீக்கப்பட்ட முன்னாள் எம்.எல்.ஏ க.சுப்பு மீண்டும் திமுகவில் இணைந்து விட்டார்.

பல கட்சிகளில் இருந்த நீண்ட, நெடிய அனுபவம் கொண்டவர் பிரபல தொழிற்சங்கவாதியான க.சுப்பு. ஆரம்பத்தில் இந்திய கம்யூனிஸ்ட் கட்சியில் இருந்தவர். அக்கட்சியின் சார்பில் 1971ம் ஆண்டு சட்டசபைக்குத் தேர்ந்தெடுக்கப்பட்டார்.

பின்னர் அக்கட்சியிலிருந்து விலகி திமுகவில் இணைந்தார். 80களில் சட்டசபையில், முன்னாள் முதல்வர் எம்.ஜி.ஆருக்கு எதிராக சட்டசபையில் க.சுப்பு தீவிரமாக செயல்பட்டார். அவருக்குத் துணையாக துரைமுருகனும், ரகுமான்கானும் செயல்பட்டனர்.

பின்னர் திமுகவிலிருந்து விலகினார் சுப்பு. அதிரடியாக அதிமுகவுக்குத் தாவினார். ஆனால் அங்கும் நீண்ட காலம் அவர் நீடிக்கவில்லை. அதிமுகவிலிருந்து விலகி காங்கிரஸில் சேர்ந்தார். அதன் பிறகு மீண்டும் திமுகவுக்குத் திரும்பினார். அது சில காலம் மட்டுமே நீடித்தது. திமுகவிலிருந்து விலகி அதிமுகவுக்குத் தாவினார்.

அதிமுக சட்டமன்ற உறுப்பினர்களுக்கு உதவும் வகையிலான பொறுப்பை ஜெயலலிதா கொடுத்திருந்தார். இந்த நிலையில் சமீபத்தில் முதல்வர் கருணாநிதியின் சட்டசபை பொன்விழாவையொட்டி அவரைப் பாராட்டிப் பேட்டி கொடுத்திருந்தார் சுப்பு.

இதனால் கடுப்பான ஜெயலலிதா சுப்புவைக் கட்சியிலிருந்து தூக்கி விட்டார். இந்தச் சூழ்நிலையில் நேற்று முதல்வர் கருணாநிதியை சந்தித்து மீண்டும் திமுகவில் தன்னை இணைத்துக் கொண்டார் சுப்பு.

"ஓய்வு - பொழுதுபோக்கு - இசை ரசனை"

2007-06-07T15:01:00.000+05:30

"நமக்குத் தேவைப்படுவதோ புதிய உணர்வு. உழைப்பைத் துன்பமாகவும் ஒய்வை இன்பமாகவும் கருத வைக்கும் இந்த முதலாளித்துவ உடைமை உறவினை ஒழிப்பதன் மூலம் உழைப்பையே இன்பமாக உணரும் புதிய சமுகத்தைஉருவாக்கத் தேவையான - விடுதலை உணர்வு.

இந்தப் புதிய உணர்வினைத் தருகின்ற இசையையும், அந்த உணர்வினைப் பெறுகின்ற ரசயனையையும் எந்த விளம்பரதாரரும் நமக்குத் தயாரித்து வழங்க முடியாது. "

********************************************************************************************

8ம் ஆண்டு தமிழ் மக்கள் இசை விழாவில் தோழர் மருதையன் அவர்கள்

"ஓய்வு - பொழுதுபோக்கு - இசை ரசனை" என்ற தலைப்பில் ஆற்றிய

உரையினை இங்கே கேட்கலாம்.

இந்திய விவசாயிகள்- வெடிக்கக் காத்திருக்கும் எரிமலைகள்

2007-06-04T12:55:00.000+05:30

"வழக்குப் போட்டு என்னைச் சிறையில் தள்ளும் இவர்களின்(ஜென்மி-ஜமீன்தார்களின்) கொடுமையை இனியும் பொறுத்துக் கொண்டிருக்க முடியாது என்று உணர்ந்தேன். தியாகிகளாக மரணம் தழுவப் பலர் ஆயத்தமாக இருப்பதை அறிந்தேன். நான் அவர்களுடன் இணைந்து இவர்களின் கொடுமைகளுக்கெல்லாம் ஒரு முடிவு கட்டுவேன்" - மீள முடியாத கடனில் மூழ்கிய குத்தகை விவசாயி- மாப்ளா கலகத்தில் பிடிபட்ட அம்பாத் அய்த்ரோஸின் வாக்குமூலம் - 16 மார்ச் 1896.

காலங்காலமாய் தங்களை ஒட்டச்சுரண்டி வந்த நம்பூதிரி நாயர் ஜன்மிகளுக்கெதிராக கிளர்ந்தெழுந்து போரிட்டுத் தொடர்ச்சியாக வீரச்சாவெய்தினார்கள் மாப்ளா விவசாயிகள். நூறாண்டுகளுக்கு முன் எக்காரணிகள் மாப்ளாக்களின் கோபத்தைக் கிளறிப் போரிடத் தூண்டியதோ அதே காரணிகள் முன்னைக்காட்டிலும் இன்று துல்லியமாக மேலெழுந்து வந்து கொண்டுள்ளன. நாடெங்கும் இன்று விவசாயிகள் வெடிக்கக் காத்திருக்கும் எரிமலையின் நிலைமையில்தான் உள்ளனர்.

உலகமயமாக்கலின் கோரப்பற்களுக்கிடையில் தினந்தினமும் அரைபட்டுக் கொண்டுள்ளது இந்திய விவசாயியின் வாழ்க்கை. ஆந்திர மாநிலம் திம்மராஜப்பேட்டையில் 1990 வரை 12 ஏக்கரில் திராட்சை பயிரிட்டு நல்ல நிலைமையில் இருந்த நல்லப்ப ரெட்டி 10 ஆண்டுகளுக்கு முன் ஆந்திர கிராமின் வங்கியில் விவசாயத்துக்கு கடன்வாங்கியிருந்தார். 1970 வரை சொந்தமாய் லாரி வைத்து தொழில் நடத்தி வந்த இவர், திடீரென்று விவசாயம் செய்து பார்க்க இறங்கிநார். இவரின் நிலைமை உலகமயமாக்கல் ஆரம்பித்த 1990களுக்கு பின் தொடர் துயரமாகி விட்டது. வட்டி மேல் வட்டி சேர்ந்து கடன் சுமை எகிறிய நிலையில் நல்லப்ப ரெட்டி, 34 ஆயிரம் வரை கட்டி கடனை அடைக்க முயற்சி செய்தார். ஆனால் வங்கியோ ஒரு லட்சத்தை இவரிடம் எதிர்பார்த்தது. தொடர்ந்து வறட்சியாலும், விளைபொருளுக்கு விலையின்மையாலும் நஷ்டமடைந்த நல்லப்ப ரெட்டி ஒரு லட்சத்தை செலுத்த இயலாததால் அவரை சிறைக்குள் தள்ளியது வங்கி.

லட்சக்கணக்கான விவசாயிகளின் நிலைமையும் நல்லப்ப ரெட்டியியைப் போலவேதான் உள்ளது. பத்து வருசத்துக்கு முன்பு, இடுபொருட்கள் விலை உயர்வாலும், வங்கிக்கடன் மறுக்கப்பட்டதாலும் அவர் நஷ்டம் அடைந்தார். "தண்ணீர், மின்சாரம் போன்றவை விலை ஏறியதால் நிலைமை ரொம்பச் சிக்கலாகி விட்டது". பிறகு தண்ணீரும் வற்றி விட்டது. "பத்து ஏக்கர் நிலத்தில் நாலைந்து வருடங்களில் 32 முறை போர் போட்டேன். ஒன்றும் பலனில்லை". இதே வட்டத்தில்தான் சந்திரசேகர் ரெட்டி என்பவர் 2004 ஆம் ஆண்டு 4 போர்களை சுடுகாட்டில் இறக்கி 8 கிமீ தூரத்துக்கு குழாய் போட்டு தண்ணீர் கொண்டு வர முயன்றார். அந்தளவுக்கு நிலத்தடிநீர் வறண்ட பகுதி அது. (ஜூலை 18, 2004, சாய்நாத் கட்டுரை) பிறகு அவரும் செத்துப்போய்விட்டார். அவர் போட்ட அந்த சுடுகாட்டுப் போர்களில் இரண்டில் இப்போது தண்ணீர் வருகிறது. போர் பதித்தவரோ சுடுகாட்டுக்குப் போய்விட்டார்.

நல்லப்பரெட்டியைப் போன்றே சிறைக்கு சென்ற, காதிரி வட்டத்தைச் சேர்ந்த கெங்கி ரெட்டி "நான் முழுசாய் ஒரு மாசம் சிறையில் கிடந்தேன். அப்போ சந்திரபாபு நாயுடுவோட ஆட்சி. நானும் அசலுடன் மேற்கொண்டு கொஞ்சம் சேர்த்துக் கட்டி கடனை அடைக்க முயற்சி செய்தேன். என்னுடைய ஆறு ஏக்கர் நிலத்தில் இருந்து கொஞ்சத்தை விற்றுப் பணத்தை எடுத்துக்கொள்ளக்கூட சொன்னேன். (அதே வங்கியின் காதிரி கிளையை சேர்ந்த) வங்கி மேனேஜரோ முரட்டடியா சொல்லிட்டார் - 'ஒன் நிலம் எங்களுக்கு வேண்டாம். உடனடியா பணம். இல்லாட்டா ஜெயில்'னு. சொன்னபடியே ஜெயிலுக்கு அனுப்பினார். பின்னாடி பாசன வசதி கொண்ட என் நிலம் ஒன்றை விற்றுத்தான் கடனை அடைத்தேன்" என்கிறார்.

"சந்திரபாபு நாயுடு ஆட்சியில் இருந்த காலத்திலும் இது மாதிரி நடந்தது. இப்போது மறுபடியும், முன்னை விடத் தீவிரமாக நிகழ ஆரம்பித்துள்ளது" என்று, ஆந்திர விவசாயிகள் சிறைப்படுத்தப்படுவதைச் சொல்கிறார், ஆந்திர பிரதேச ரயத்து சங்கப் பொதுச் செயலர் மல்லாரெட்டி. "வங்கிகள் விவசாயிகளிடம் மட்டும் விதிமுறைகளைக் கறாராக்கி அவர்களைச் சிறைச்சாலைக்குத் தள்ளுகின்றன. கொஞ்சம் எண்ணிப் பாருங்கள். இவர்கள் எல்லோரும், வறட்சியால் தொடர்ந்து பாதிப்புக்குள்ளாகும் பகுதியைச் சேர்ந்தவர்கள். விளைச்சல் ஏதும் இல்லை. கடனைத் திருப்பிச் செலுத்தும் நிலைமையிலும் இல்லை. ஆனால் பல கோடி ரூபாய்களைக் கடனாகப் பெற்றுக்கொண்டு, கடனை அடைக்காமல் இருக்கும் பெரும் தொழிலதிபர்களை இவ்வங்கிகள் ஒன்றும் செய்வதில்லை. ஆயிரக்கணக்கில் மட்டும் பாக்கி வைத்திருக்கும் விவசாயிகளோ சிறைக்குள் தள்ளப்படுகின்றனர்" எனப் பொறுமுகிறார் அவர். மொத்தத்தில் ஆயிரம் கோடி ரூபா வரை கடன் பாக்கி வைத்திருக்கும் தொழிலதிபர்கள், அரசியல்வாதிகள், ஒப்பந்தக்காரர்கள் என 200 முக்கியப்பிரமுகர்களின் பெயரை ஆந்திரப் பிரதேச கடன் வசூல் தீர்ப்பாயத்தின் இணைய தளம் அண்மையில் கூட பட்டியலிட்டுள்ளது.இந்தப் பணம் ஏதுமே வசூலிக்கப்படவில்லை.

உலகமயம்,தாராளமயம் எனும் பெயரில் மானிய வெட்டு, ஒப்பந்த விவசாயத்தால் சாவின் விளிம்பு நோக்கி இந்த நாட்டுக்கே சோறு போடும் விவசாயிகள் தள்ளப்படுவதும், மழை பொய்த்தும், நிலத்தடி நீர் வளம் வற்றிப்போயும் திருப்பிக்கட்ட முடியாத விவசாயிகளின் கடன்களை வசூலிக்க வங்கிகள் சிறைக்கொடுமை, ஜப்தி எனக் கடுமையைக் காட்டுவதும் ஆந்திராவில் மட்டுமல்ல நாடெங்கும் தொடர்கிறது.

கர்நாடக மாநிலம் பீடார் மாவட்டத்தில் உள்ள விவசாயிகள், சர்க்கரை ஆலைகள் சொல்லித்தான் கரும்பு பயிரிட்டார்கள். 12 மாதங்கள் கடந்தும் கரும்பு வெட்ட ஆலை உத்தரவிடாமல், பயிர்கள் பூத்தும் விட்டன. நடப்பில் கரும்புப்பயிரை 10ல் இருந்து 12 மாதங்களுக்குள் வெட்டாமல் விட்டு விட்டால் அது முற்றி அதன் இனிப்புத்தன்மையை இழந்து வெறும் விறகாகி விடும். அப்பயிரை உருவாக்க உழைத்த 12 மாத உழைப்பு, உரம், களை எடுப்பு என எண்ணற்ற செலவு இத்தனையும் தாங்குவதற்கு இயலாமல் தன் 7 வயது மகனுடன் மே தினத்தன்று 30 வயது கர்ப்பிணியான மல்லம்மா எனும் விவசாயி செய்து கொண்ட தற்கொலையுடன் சேர்த்து அம்மாவட்டத்தில் இவ்வாண்டு ஜனவரி முதல் இதுவரை 25 பேர்கள் வாழ்க்கையை அழித்துக்கொண்டுள்ளனர். 2007-08 இல் இந்தியாவின் சர்க்கரை உற்பத்தியோ 2.6 கோடி டன்களைத் தாண்டிவிட்டதாலும் கையிருப்பு மட்டும் 1.146 கோடி டன்களாக இருப்பதாலும் விவசாயிகள் இனி கரும்பு பயிரிட வேண்டாம் என்று இத்தனை தற்கொலைகளுக்குப் பின்னர் அறிவுரை கூறுகின்றனர், வேளாண்மை விஞ்ஞானிகள். பல மாநிலங்களிலும் கரும்பு வெட்ட உத்தரவு வராததால், தற்கொலை செய்த விவசாயிகளைத் தவிரப் பலரும் கரும்புக்கொல்லைகளை தீவைத்து அழித்த பின்னர் அறிவுரை சொல்லத்தான் இந்த அறிவாளிகளால் முடிகிறது.

விவசாயிகளின் துயரம் மிக்க இந்தச்சூழலை மாற்றிடுகிறோம் எனும் பெயரில் மிகப்பெரிய சதித்திட்டத்துடன் ஏகாதிபத்தியமும் காலை உள்ளே வைத்துள்ளது.

நூறு கோடி இந்திய மக்களுக்கும் அத்தியாவசியமான உணவுப்பயிரை உற்பத்தி செய்து வரும் பாரம்பரிய விவசாயிகளிடம் 'உணவுப்பயிர் விளைச்சலைக் கை விட்டு தோட்டப்பயிர், மூலிகைப்பண்ணை, பழத்தோட்டம், பயோ டீசல் உற்பத்திக்கு மாற்றுதல்' எனும் சதித்திட்டத்தைப் பல்வேறு உத்திகளுடன் செய்யத் தொடங்கியுள்ளனர்.

இதற்காக ஆந்திர அரசு,'சிறு, நடுத்தர விவசாயிகள் பழச்சாகுபடிக்கு மாறினால் அவர்களுக்கு ஐந்து ஏக்கர் வரைக்கும் 100% மானியம் தரப்போவதாகவும், அவர்கள் பழமரக்கன்றுகள், உரம்,சொட்டுநீர்ப்பாசனம் போன்றவற்றிற்கு 70% மானியம் பெறுவார்கள்' என்றும் அறிவித்துள்ளது. இந்த ஆண்டு மட்டும் சுமார் 1 லட்சம் விவசாயிகளை உணவுப்பயிரில் இருந்து அகற்றிவிட்டு பழங்களை விளைவிக்க ஆந்திர அரசிடம் திட்டமுள்ளது . 19 ஆண்டுகளாக இந்திய மாம்பழங்களை இறக்குமதி செய்யத் தடை விதித்திருந்த அமெரிக்கா திடீரெனத் தடையை நீக்கியதிலிருந்து, ஆந்திர அரசின் இந்த அறிவிப்பு முற்றிலும் ஏற்றுமதிக்காகத்தான் என்பது தெரிகின்றது. அத்துடன் ஆந்திர அரசே 100% மானியத்தை பயோ-டீசல் உற்பத்திக்காக வளர்க்கப்படும் காட்டாமணக்குக்கும் அறிவித்துள்ளது. நெல்லுக்குத் தேவையான யூரியா மானியத்தை வெட்டும் அரசு பணப்பயிருக்கும், காட்டாமணக்குக்கும் மானியம் தந்து நாட்டின் உணவு உற்பத்தியை முடக்கி உணவுக்கு ஏகாதிபத்தியத்தை சார்ந்திருக்கும் நிலைக்கு நம்மைத் தள்ளப்போகின்றது.

ஆந்திரத்துடம் மராட்டியம், ஒரிசா,ராஜஸ்தான், தமிழ்நாடு ஆகிய மாநிலங்களையும் இணைத்து உலகவங்கி ஒரு திட்டத்தைத் தீட்டி அமுல்படுத்துகிறது. விவசாயத்துறையில் பெரும் தொழில் நிறுவனங்களை ஒப்பந்த விவசாயத்தில் ஊக்குவிக்கவும், பெரும் சில்லறை விற்பனை நிறுவனங்களான ரிலயன்சு-·ப்ரெஷ், வால்மார்ட் போன்றவை நேரடியாக விவசாயிகளிடம் இருந்து கொள்முதல் செய்து சிறுவணிகர்களை ஒழித்துக்கட்டவும், தோட்டப்பயிர், பழத்தோட்டங்கள் முதலான வேளாண்-வர்த்தகத்தை ஊக்குவிக்கவும் உலகவங்கி தீட்டி உள்ள இத்திட்டத்திற்கு 'பல்நிலை வேளாண் போட்டித் திட்டம்' என்று பெயர் வைத்துள்ளது. இத்திட்டத்தின் நோக்கங்களுக்கு தக்கபடி மைய அரசும் ஆந்திர அரசும் சந்தைச் சட்டங்களை திருத்தி உள்ளன. பிற மாநிலங்களும் அடுத்து சட்டங்களை இதற்குத் தக்கபடி மாற்றப்போகின்றன.

மே 5 அன்று அமெரிக்க வேளாண்மைத் துறை விஞ்ஞானிகளும் இந்திய வேளாண்மை ஆராய்ச்சி கவுன்சிலும் இணைந்து ஒரு கலந்தாலோசனையை நடத்தியுள்ளன. அதில் அடுத்த 5 ஆண்டுகளில் ஒப்பந்த விவசாயத்தை வளரச்செய்து இந்திய விவசாயிகளை, சங்கிலித் தொடர் நிறுவனங்களான வால்மார்ட் போன்ற பெரும் நிறுவனங்களுக்கு கொத்தடிமைகளாக மாற்றவும், அவர்களின் சிறப்பங்காடிகளின் தேவைக்கு ஏற்ப விளைவிக்கவும், பதப்படுத்தப்பட்ட உணவு, பழ வகைகள் உற்பத்தியில் ஈடுபடுத்தவும் ஆலோசிக்கப்பட்டுள்ளன. இந்த வேளாண்-வர்த்தகத்தில் பெருமளவு முதலீட்டைச் செய்யத் தேவையான உள் கட்டுமானங்களை ஏற்படுத்திக்கொடுக்க வேளாண்மை அமைச்சர் சரத்பவார் உறுதியளித்துள்ளார்.

இந்தியாவின் உணவுக்களஞ்சியம் என்று போற்றப்படும் பஞ்சாபில் மாற்று விவசாயத்தை வெகு தீவிரமாக நடைமுறைப்படுத்தி கோதுமை பயிரிடப்படும் நிலப்பரப்பை சுருக்கிக்கொண்டு வருகின்றனர். இதனை வளர்ச்சிப்பாதை எனக் கொண்டாடும் இந்தியா டுடே, பாட்டியாலாவில் 150 ஏக்கரில் காளாண் பண்ணை நிறுவி மெக்சிகோ, அமெரிக்கா, ஜெர்மனி, ரஷ்யாவுக்கு காளான்களை ஏற்றுமதி செய்து கோடீஸ்வரனாகிய மல்வீந்தர் சிங், கோலா போன்ற உற்சாக பானங்களுக்கு தேவைப்படும் கா·பின் எனும் நஞ்சை கரும்புச்சாற்றின் கழிவில் (மொலாசஸ்) இருந்து வடித்தெடுத்து ஏற்றுமதி செய்து கோடிகளை ஈட்டிய ஜிஜேந்திர சிங் போன்றோரையும் கொண்டாடி இவர்களை முன்னோடி விவசாயிகளாகக் காட்டுகின்றது. கா·பின் நஞ்சை பேரளவில் உற்பத்தி செய்ய பஞ்சாபில் ஜிஜேந்திர சிங், 40 ஆயிரம் ஏக்கரில் ஒப்பந்த விவசாயம் மூலம் இனிப்புச் சோளம் பயிரிடப்போகின்றானாம். கோதுமையை விட்டு விட்டு நம்மை, மனிந்தர்பால் சிங் போல 150 ஏக்கரில் ரோஜா பயிரிட்டு, அதில் இருந்து அத்தர் உற்பத்தி செய்யச் சொல்கிறது இந்தியா டுடே.

பயோ டீசலுக்கான சாராயத்தை வடித்தெடுக்க, இனிப்புச் சோளத்தை தென் அமெரிக்காவில் சாகுபடி செய்யச் சொல்லி அமெரிக்கா செய்யும் பிரச்சாரம், மூன்றாம் உலக நாடுகளின் உணவு உற்பத்தியை முடக்கி, அமெரிக்க உணவை வலுக்கட்டாயமாக ஏற்றுமதி மூலம் திணிக்கப்போகும் அமெரிக்க சதி என்று மரணத்தை எதிர் நோக்கிய நிலையிலும் தெளிவாக அம்பலப்படுத்துகிறார், கியூபத் தலைவர் காஸ்ட்ரோ. ஆனால் நமக்கு வாய்த்த குடியரசுத் தலைவரோ காட்டாமணக்கை பயிரிடச் சொல்லி இந்தியா முழுக்க பிரச்சாரம் செய்கிறார்.

தன்மானத்தளபதியின் பெரியார் புரா, தமிழ் நாட்டின் நெற்களஞ்சியத்தை அழிக்க, அவுரி, மூலிகைச் செடிகள், காட்டாமணக்குக்கு மாறச் சொல்லி பிரச்சாரம் செய்கிறது. சமீபத்தில் புரா, மூங்கிலை வளர்க்கப் பயிற்சியும் தந்துள்ளது.

இந்த ஆண்டு முதல் தமிழ் நாட்டில் உள்ள வேளாண்மைக்கல்லூரிகளில் 'மூலிகைச் சாகுபடி' பயிற்சி வகுப்பை கிராமப்புற இளைஞர்களுக்கும், மகளிர் சுய உதவிக்குழுக்களுக்கும் நடத்த உள்ளனர்.

இவ்வளவு சதிகளும் போதாதென்று, எம்.எஸ்.சுவாமிநாதனும் 'சிறப்புப் பொருளாதார மண்டலங்களை'ப் போன்று நாடெங்கும் 'சிறப்பு விவசாய மண்டலங்களை' உருவாக்கச் செயல்திட்டம் வகுக்கிறார். மரபணு மாற்றம் செய்யப்பட்ட மலட்டு விதைகளை மையமாக வைத்து இந்திய விவசாயத்தை மறுபடியும் சூறையாட வந்துள்ள இரண்டாம் பசுமைப் புரட்சியை சிறப்பாக அமுல்படுத்தவே இம்மண்டலங்கள் உருவாக்கப்பட உள்ளன. கடன் வசதி, காப்பீட்டு வசதி போன்ற கவர்ச்சிகளைக் காட்டி விவசாயிகளை மரபீனி விதைகளுக்குள் தள்ளி, விவசாயத்தை லாபவெறியூட்டும் 'வேளாண்-வர்த்தகமாக்க' சுவாமிநாதன் திட்டம் வகுத்து வருகிறார்.

இரண்டாம் உலகப்போருக்குப் பின்னர், பூச்சிக்கொல்லி மருந்துகள், உரங்கள் போன்றவற்றை மூன்றாம் உலக நாடுகளில் தள்ளின ஏகாதிபத்தியங்கள். சுற்றுச் சூழலையும் ஆரோக்கியத்தையும் நாசமாக்கும் இவற்றிற்கு எதிராக 'ஒற்றை வைக்கோல் புரட்சி' இயற்கை வேளாண்முறையை வளர்த்தெடுத்தார், ஜப்பானின் மசானபு ·புக்காகோ.இன்று இம்மாற்றுமுறையில் - இயற்கை உரங்களால் விளைந்தவற்றை ஐரோப்பாவும், அமெரிக்காவும் விரும்பிப் பயன்படுத்துவதால், இயற்கை விளைபொருட்களின் சந்தை வளரத்தொடங்கியுள்ளது. அதே ஏகாதிபத்தியம், இந்தியாவின் பெரும் நிலப்பரப்பில் இயற்கை வேளாண்மையை செய்து தனக்குத் தேவையான விளைபொருட்களை இந்தியாவிலிருந்து ஏற்றுமதி செய்ய விரும்புகிறது. இதற்காகவும் உணவுப்பயிர் விளைவிக்கும் பரப்பு பறிபோகின்றது. இந்தச் சதிக்குத் துணையாக 'பாரம்பரிய வேளாண்மை முறைகள்' பற்றிச்சொற்பொழிவு நிகழ்த்துகிறது, அமெரிக்க போர்டு பவுண்டேசனின் நிதியில் உயிர் வாழும் 'தேசிய நாட்டுப்புறவியல் உதவி மய்யம்'.

ஆக, விவசாயிகளிடம் இருந்து உணவுப்பயிர் உற்பத்தி முடக்கப்படுகிறது. அற்ப சொற்ப கடன்களுக்காக எல்லாம் விவசாயிகள் சிறை, சித்திரவதைக்குள் தள்ளப்படுகின்றனர். விளைச்சல் நிலங்களை சிறப்புப் பொருளாதார மண்டலங்கள் பறிக்கத் தொடங்கியுள்ளன. ஆந்திராவில் பருத்தி விவசாயிகளும், கர்நாடகாவில் பாக்கு,கரும்பு விவசாயிகளும் தற்கொலை நோக்கித் தள்ளப்படுகின்றனர். விவசாயிகளுக்கு எதிரிகளாக அரசும், பன்னாட்டு நிறுவனங்களும், வங்கிகளும் அணிவகுத்து தொடர்ச்சியாய் தாக்குதலை நடத்திவருகின்றன. புதுப்புது உத்திகளுடன் விவசாயி நசுக்கப்படுகின்றான். அன்று மலபாரில் இருந்த மாப்ளாக்களின் அதே கொதி நிலைக்கு விவசாயிகள் தள்ளப்பட்டு வருகின்றனர். மாப்ளா, புன்னபுரா, வயலார், தெலங்கானா என அனைத்துப் பகுதிகளிலும் நிலவுடைமையையும், ஏகாதிபத்தியத்தையும் முறியடிக்க வலிமையான தாக்குதலைக் கொடுத்தனர் விவசாயிகள். தற்கொலைப்பாதையை விட்டு விட்டு, விவசாயிகளுக்கு எதிராக நடத்தப்படும் அனைத்து சதித்திட்டங்களையும் முறியடிக்க விவசாயிகள் புரட்சிகர இயக்கங்களுடன் கை கோர்த்துப் போராட முன்வரவேண்டும்.

இந்தியாவின் ஜனநாயகமும் - விவசாயமும், சிறு தொழில் துறையும்

பத்ரியின் கிராமப் பொருளாதாரக் கட்டுரை - ஒரு உட்டோ அடிமை நாடும், போலி சுதந்திரமும்

இழிச்சவாயர்களும், இந்திய விவசாயமும்

அவனுடைய உமியும் - நம்முடைய நெல்லும்!

கட்டாய ஹெல்மெட் - சில கேள்விகள்

2007-05-31T16:49:00.000+05:30

மகன், மகள்
பேரன், பேத்திகளுக்கு அப்பால்
'மக்கள்' உயிரின் மீதும் கரிசனம்
நம் மாண்புமிகு முதல்வருக்கு.

ஹெல்மெட் முதலாளிகள்
முடியில்லாத தலைக்கு
வைரம் பதித்ததங்க
ஹெல்மெட் தந்திருப்பார்களோ!

விசுவாசமான காவல்துறைக்கு
'புதிய போனசு'
அறிவிப்போ?

'வாக்கு வங்கி'வாழ்ந்தால்தான்
நாமும், நம் சந்ததியினரும்
வாழமுடியும் என்ற
தொலைதூர சிந்தனையோ?-

நன்றி - Socrates

கார்ப்ரேட் கட்சிகளின் அட்டவணை 1.0

2007-05-31T09:53:00.000+05:30

வரைபடம் தெளிவாக பார்க்க - படத்தின் மீது, ஒரு 'க்ளிக்' செய்யுங்கள்.

சிறு காய்கறி & மளிகைக் கடைக்காரர்களை விழுங்க வரும் ரிலையன்ஸ் பிரஸ்

2007-05-23T08:56:00.000+05:30

speechAgainstRelia...

Hosted by eSnips

Oust Reliance

தள்ளுவண்டி & தரைக்கடை வியாபாரிகளை விழுங்கும் ரிலையன்ஸ் பிரஸ்

2007-05-21T21:53:00.000+05:30

speechAgainstRelia...

Hosted by eSnips

ரிலையன்ஸ் பிரஷ் முற்றுகை - தோழர் மருதையன் உரையின் குறுந்தகடு வெளியீடு

2007-05-19T16:55:00.000+05:30

சிறுவணிகம் சிறு தொழில்கள் உயர்த்திப்புடி ! சூறையாடும் ரிலையன்சை துரத்தியடி !

21-04- 2007 புரசைவாக்கத்தில் நடந்த பொதுக்கூட்டத்தில் தோழர் மருதையன் உரையினை குறுந்தகடாக வெளியீடப்பட்டு உள்ளது.

speechAgainstRelia...

Hosted by eSnips

நன்கொடை ரூ 25

பிரதிகள் கிடைக்குமிடம் :

புதிய கலாச்சாரம்
16,முல்லைநகர் வணிக வளாகம்,
2-வது நிழற்சாலை,
அசோக் நகர்,
சென்னை - 600 083.

தொலைபேசி: 044-23718706

மின் அஞ்சல் முகவரி: puthiyakalacharam@rediffmail.com

சில்லறை வணிகத்தில் ரிலையன்ஸ்

மே 1 சென்னையில் ரிலையன்ஸ் பிரஷ் முற்றுகை

சில்லறை வணிகம் எனும் பெருங்காதை!

சிதம்பரம் கோயிலில் தேவாரம் பாட மீண்டும் அனுமதி மறுப்பு

2007-05-18T10:42:00.000+05:30

நேற்று(மே 17) மனித உரிமை பாதுகாப்பு மையம் மற்றும் தமிழ் அமைப்பினருடன் சிவனடியார் ஆறுமுகச்சாமி மீண்டும் சிதம்பரம் நடராசர் கோயிலில் தேவாரம் பாட நுழைய முயன்ற போது போலீசார் தடுத்து நிறுத்தி அனைவரையும் கைது செய்தனர்.

திருச்சிற்றம்பலத்தில் தேவாரம் - திருவாசகம் பாடத் தடை மனுநீதித் தீர்ப்பு

தீண்டாமை பார்ப்பன இந்துக் கோயில்கள் மையங்கள்!

இந்திய ஆட்சியாளர்களின் ட்ரையாஜ் கொள்கை !!

2007-05-17T15:53:00.000+05:30

சாலை சந்திப்புகளில் நிற்கும் பிச்சைக்காரர்களுக்கு பிச்சை போடும் வாகன ஒட்டிகள்,அதில் பயணம் செய்பவர்களுக்கு ரூ 600 அபராதம் விதிக்கப்படும் இப்படி டெல்லி போலீசார் அறிவித்து உள்ளனர். ஏன்னா வரும் 2012-ல் டெல்லில் காமன்வெல்த் போட்டி நடைபெற இருக்கிறது. காமன்வெல்த் போட்டி நடைபெறும் போது பிச்சைக்காரர்கள் இருந்தால் வருகின்ற பன்னாட்டு வீரர்கள் இந்திய நாட்டை கேவலமாக பார்ப்பார்கள் என்று பிச்சைக்காரர்களை ஒழிக்க அரசு முடிவு செய்து உள்ளது.

இதற்காக யோசிக்கும் போது இப்படி பிச்சைக்காரர்களை ஒழிக்கவே ஒரு மோட்டார் வாகன சட்டத்திருத்தம் 2002-ல் நிறைவேற்றப்பட்டு உள்ளது தற்போது தெரியவந்தது. அதன் படி சாலை சந்திப்புகளில் காத்து நிற்கும்போது பிச்சைக்காரர்களுக்கு பிச்சை போடும் வாகன ஓட்டுனர்களுக்கும், அதில் பயணம் செய்பவர்களுக்கும் அபராதமாக ரூ 600 /- விதிக்கப்படும். இதனை தற்போது அமுலாக்க முடிவு செய்து உள்ளனர்.

"பிச்சை போடுபவர்கள் இருந்தால்தான் பிச்சை எடுப்பவர்கள் இருப்பார்கள் எனவே பிச்சை போடுவதை தடுக்கிறோம்" என்கிறார்கள்.இதே கண்டுபிடிப்பைக் கொண்டு தான் மும்பையில் நகரை அழகுபடுத்த போகிறோம் என்று தாரவி பகுதியில் இருந்த சேரிகளை காலிசெய்தார்கள், சென்னையில் மெரீனா கடற்கரையை அழகுபடுத்த என்று கடலோர குப்பங்களை காலிசெய்தார்கள்.

இன்றைக்கு இந்த பெரிய நகரங்களின் ஜொலிக்கும் கட்டிடங்களும், மாடமாளிகைகளும், கூட கோபுரங்களும் இந்த மக்களின் உழைப்பில் உருவானது. ஒவ்வொரு கட்டிடம் கட்டும்போது ஒரு தொழிலாளி உயிரிழக்கிறான்.இப்படி தங்களது உயிரையே கொடுத்துதான் பெரிய நகரங்களை உருவாக்கினார்கள்.இன்று இந்த மக்களையே அசிங்கம் என்று ஒழிக்க முடிவு செய்து குப்பைப்போல வீசியெறிய முடிவு செய்து விட்டார்கள்.

இவ்வாறு நாட்டின் பெரும்பான்மை மக்கள் இவர்களின் தனியார்மய, தாராளமய, உலகமய கொள்கையினால் வாழ்க்கையை இழந்து தெருக்களில் வீசியெறியப்பட்டு வருகின்றனர்.

இதை நேரடியாக நீங்கள் பார்க்கலாம்.சில்லரை வணிகத்தில் இன்றைக்கு ரிலையன்ஸ் உள்ளிட்ட பராசுர கம்பெனிகளை அனுமதித்து சிறு மளிகை கடைகாரர்களையும், சிறு காய்கறி கடைக்காரர்களையும் வெளியேற்றுகிறார்கள்.இதனால் சிறுகடை வைத்து இருப்பவர்கள் தள்ளுவண்டி கடைக்கு மாறி வருகின்றனர். அதேபோல தள்ளுவண்டிக்கடைக்காரர்கள் தரைக்கடைக்காரர்களாகவும், தரைக்கடைக்காரர்கள் கூலி தொழிலாளர்களாகவும் மாறி வருகின்றனர். இவர்களில் பெரும்பான்மை மக்கள் சொல்கிறார்கள் தாங்கள் தங்கள் உணவை இரண்டு வேலையாக குறைத்து கொண்டோம் என்று.

ஏற்கனவே கூலித்தொழிலாளர்கள் போன்றவர்கள் வாழவழியற்று ஒன்று தற்கொலை செய்து கொள்கின்றனர் அல்லது சிலர் பிச்சையெடுக்கின்றார்கள்.இப்படி இந்த அரசின் மூலம் பிச்சைக்காரர்களாக மாற்றப்பட்டவர்களுக்கு இன்று பிச்சைபோடுவதை தடுக்கப் போகிறார்கள். இது பிச்சைக்காரர்களை கொலைசெய்வதே ஆகும்.நேரடியாக பிச்சைக்காரர்களை கொல்ல இன்றைய சமுதாயம் ஒத்துக்கொள்ளாது என்பதால் இப்படி பிச்சை போடுபவர்களை நிறுத்தி விட்டால் தன்னாலே பிச்சைக்காரர்கள் செத்து விடுவார்கள்.

இவ்வாறு இவர்கள் எடுக்கும் நடவடிக்கை ஒரு வகையில் ட்ரையாஜ் கொள்கை போல தான் உள்ளது.அது என்ன ட்ரையாஜ் கொள்கை என்கீற்களா. ட்ரையாஜ் என்பது மெடிக்கல் எமர்ஜென்சிக்காக ஏற்படுத்தப்பட்ட வார்த்தை.அதாவது ஒரு விபத்து ஏற்பட்டவுடன் அதில் ஒரு சிலர் எப்படியும் இறந்து விடுவார்கள் எனில் அவர்களை காப்பாற்ற முயற்சி செய்வது வீண் என்று விட்டுட்டு மற்றவர்களை காப்பாற்றுவது.

"எப்படியும் எதிர்காலத்தில் மக்கள் பெருக்கத்தினால் சாப்பாடு, நீர் இல்லாமல் பலர் இறக்கத்தான் போகிறார்கள், அதனால் எல்லோரையும் அழைத்து செல்வதை விட அதில் பாதிப் பேரை பட்டினி போட்டே கொன்ற வேண்டியது தான்" இதுதான் அமெரிக்கா போன்ற வல்லரசுகளால் உருவாக்கப்பட்ட ட்ரையாஜ் கொள்கை.

இதனைதான் ஏழை, எளிய நாடுகளின் மீது இவர்கள் இன்று நடைமுறைப்படுத்துகிறார்கள்.தனக்கு கொள்ளையடிக்க அனுமதிக்காத நாடுகளின் மீதும்,

தன் முடிவுகளை ஏற்காத - ஆதரிக்காத நாடுகளின் மீது பொருளாதார தடை என்ற பெயரில் இந்த ட்ரையாஜ் கொள்கை நடைமுறைப்படுத்துகின்றனர்.

"நாம் உதவிகள் அளித்துக்கொண்டே இருக்கத்தான் இந்த நாடுகளின் மக்கள் குழந்தைகளை மட்டும் பெற்று கொண்டே திரிகிறார்கள்"இப்படிதான் இன்று ஆப்பிரிக்க, ஆசிய போன்ற மூன்றாம் ஏழை எளிய நாடுகள் பற்றி அமெரிக்க பிரஜைகள் பேசிக்கொண்டு இருக்கிறார்கள்.

ஒட்டுமொத்த உலகத்திற்கும் அமெரிக்காதான் படியளப்பதாக அவர்கள் நினைத்துக் கொண்டு இருக்கிறார்கள். ஏழை நாடுகளின் மக்கள் உழைக்காமல் அமெரிக்காவின் பிச்சைக்காசில் உயிர் வாழ்வதாகக் கருதுகிறார்கள்.

"பிச்சைகாரர்களை ஒழிக்க ,பிச்சைப்போடுவதை நிறுத்தினாலே போதும்" என்று "இந்தியா போன்ற ஏழை நாட்டுப் பிரஜைகளை (பிச்சைக்காரர்களை) ஒழிக்க (பட்டினி போட்டு சாகடிக்க) அமெரிக்கா தரும் உதவிகளை நிறுத்த வேண்டும்",-இப்படி தான் சிந்தனைரிதியிலே அமெரிக்கனை மாற்றி உள்ளார்கள்.

ஆனால் ஆப்பிரிக்க, ஆசிய நாடுகளின் மக்கள் இப்படி வறுமையில் இருப்பதற்கே இவர்கள் கொளுத்து திரிவது தான் காரணம். இன்றைக்கு உலக மக்கள் தொகை 600 கோடி. இதில் அமெரிக்க மக்கள் தொகை 36 கோடி. அதாவது 6%. ஆனால் இந்த 6% தான் உலக உற்பத்தியில் 40% சாப்பிடுகின்றனர். மீதம் உள்ள 564 கோடிப்பேர் அதாவது 94% பேர் 60% உற்பத்தியை சுவீகரிக்கிறார்கள்.

இப்படி ஒட்டுமொத்த உலகின் உழைப்பை உறிஞ்சிக் குடித்துவிட்டு, அவர்களைப் பிச்சைக்காரர்களாக பார்க்கிறான் அமெரிக்கன்.இதேபோலத்தான் இன்றைக்கு இந்தியாவில் ஒரு சிலர் 5 இலக்க, 6 இலக்க சம்பளம் வாங்க பல லட்சம் பேரைப் பிச்சைகாரர்களக மாற்றி, அவர்களை ஒழிக்கிறோம் என்று இப்போது கிளம்பியுள்ளார்கள்.

பிச்சைக்காரர்களை ஒழிக்க, பிச்சை போடுபவர்களுக்கு அபராதம் என்பதா தீர்வாக இருக்க முடியும். ஏற்கனவே வேலையற்றவர்களுக்கு இந்த அரசாங்கம் தான் 300,400 என பிச்சை போட்டு வருகிறது. ஆனால் உண்மையாக பிச்சைக்காரர்களை ஒழிக்க என்ன செய்ய வேண்டும், பிச்சைக்காரர்கள் உருவாகாமல் தடுக்க வேண்டும்.

அதற்கு இவர்கள் தங்களின் தனியார்மய, தாராளமய , உலகமய கொள்கைகளை கைவிட்டு , பன்னாட்டு & தரகு முதலாளிகளுக்கு சேவை செய்வதற்கு பதில், மக்கள் நலனில் அக்கறையுடன் செயல்பட வேண்டும். ஆனால் இதை இந்த ஆட்சியாளர்களால் செய்ய முடியுமா என்றால் முடியாது என்று தான் சொல்ல வேண்டும். ஏன்னா இந்த அமைப்பே பன்னாட்டு,தரகு முதலாளிகளுக்கு சேவை செய்வதற்காக உருவாக்கப்பட்டது. இதற்குள் மக்கள் நலன் என்று ஒன்றை சித்திக்க கூட முடியாது.

ஐந்திலக்க சம்பளத்தில் எச்சில் பருக்கை!

நாலாவது தூண்களும், நாறும் போலி ஜனநாயகமும்!!

நவீன கிழக்கிந்திய கம்பேனிகள் - SEZ!

சில்லறை வணிகம் எனும் பெருங்காதை!

பதவி ஆதாயத்துக்காகத் தொடரும் படுகொலைகள்!

ராஞ்சியில் ரிலையன்ஸ் பிரஸ் கடை தகர்ப்பு - சென்னையில் எப்போது ?

2007-05-13T08:50:00.000+05:30

http://www.ibnlive.com/videos/40431/reliance-veg-mart-attacked-in-ranchi.html

சில்லறை வணிகத்தில் ரிலையன்ஸ்

சில்லறை வணிகம் எனும் பெருங்காதை!

கருணாநிதியின் அரிசியும், ஹிட்லரின் ரொட்டித் துண்டும்....

பதவி ஆதாயத்துக்காகத் தொடரும் படுகொலைகள்!

2007-05-11T11:33:00.000+05:30

ஒரு மாநில முதலமைச்சரின் மகன், பல கோடி ரூபாய் சொத்துகளுக்கு வாரிசு, மந்திரி - கலெக்டர் முதல் ஏட்டு எடுபிடி வரை வணங்குமளவுக்கு அதிகார பலம், ஒரு முன்னாள் அமைச்சரையே கொன்றாலும் ஒரு துளி சேதாரமின்றி நடமாட முடியுமென்கிற அரசியல் பலம், மதுரை மாவட்டத்தையே ஆட்டிவைக்கும் குண்டர் செல்வாக்கு, இத்தனைக்கும் மேலாக ஒரு குறுநில மன்னன் போல தொண்டர் படை பரிவாரங்களின் மூலம் தென்மாவட்டங்கள் முழுவதும் பரவியிருக்கும் கட்டப்பஞ்சாயத்து ராஜாங்கம் இவைதான் முக. அழகிரி.

இதற்கும் சற்றும் குறையாத பணபலம், அரசியல் அதிகார பலம், தமிழ்நாடு முழுவதும் பரவியுள்ள தொண்டர், குண்டர் பலம், திமுக வில் முக்கிய பொறுப்பு, அரசாங்கத்தில் அமைச்சர் அந்தஸ்து இவைதான் முக. ஸ்டாலின்.

தந்தை திமுகவிலும், மத்திய அமைச்சரவையிலும் மிக முக்கியமான் அமைச்சராகப் பதவி வகித்தவர், தனையன் பத்திரிகை, தொலைக்காட்சி என வெகுஜன ஊடகங்களை ஆட்டுவிக்கும் வல்லமை கொண்டவர், திமுகவில் வளர்ந்து வரும் செல்வாக்கு, மத்திய அமைச்சரவையில் முக்கியமான தொலைதொடர்பு மற்றும் தகவல் தொழில்நூட்ப துறை அமைச்சர் , இவைதான் தயாநிதி மாறன்.

இந்த மூன்று பேருக்கும் உள்ள ஒற்றுமை திமுக தலைமையைக் கைப்பற்றும் இவர்களது கனவு . இன்றைக்கு கருணாநிதி, மாறன் குடும்பத்திற்கு இந்தியா முழுவதும் - உலகம் முழுவதும் உள்ள சொத்துக்களைப் பாதுகாக்கும் பொறுப்பு, தமிழகத்தின் முதலமைச்சராகும் வாய்ப்பு இதன் மூலம் நிறைவேறும். இந்த கனவுதான் ஒரே குடும்பத்தைச் சேர்ந்த இவர்களை எதிர்எதிராகத் திருப்பிள்ளது.

இவர்களின் இந்த ஆசையை நிறைவேற்றிக்கொள்ள இவர்களது ஆதரவாளர்களை வைத்து இவர்களுக்கு , இவர்களே விழா எடுப்பதும், பாராட்டிப் புகழ்வதும் தொடர்ந்து வருகிறது.

அழகிரியின் பிறந்தநாளுக்கு மதுரை நகரையே அல்லகோலப்படுத்தி விளம்பரங்கள் வாழ்த்துக் கட் அவுட்கள், தமுக்கம் மைதானம் முழுவதும் போடப்பட்ட அழகிரியின் ஓவியம், அதை ஹெலிகாப்டரிலிருந்து பார்வையிடும் அழகிரி, பிறந்த நாள் விழாவில் கருணாநிதி கலந்து கொண்டு கேக் வெட்டுவது என ஆடம்பரத் திருவிழா போல் நடந்த அந்த விழாவில் தெரிந்ததெல்லாம் அழகிரியின் செல்வாக்கு, கருணாநிதியின் சமீபத்திய நெருக்கம் ஆகியன.

இதேபோல ஸ்டாலினும் தன் பங்குக்கு தமிழகம் முழுவதும் உள்ள தனது ஆதரவாளர்களின் மூலம் பல விழாக்கள், வாழ்த்துக்கள் என வாங்கிக் குவித்துத் தனது இமேஜை சரி செய்ய, தயாநிதி மாறனோ அமைதியாக, ஆர்ப்பாட்டமின்றி கருணாநிதியின் செல்லப்பிள்ளையாக, பொறுப்பான மத்திய அமைச்சராக, மாநில அரசு எடுக்கும் எல்லா திட்டங்களிலும் விழாக்களிலும் தனது தலையீட்டை உறுதி செய்து, சன் டி.வி, தினகரன், ஹிந்து செய்திகளில் தினமும் கலைஞருடன் போட்டோவுக்கு போஸ் கொடுத்துக் கொண்டு தனது இருப்பை நூதனமான் அதேசமயம் ஆழமாக வெளிப்படுத்தி வருகின்றார்.

இவர்கள் மூவரும் ஒருவர் மற்றொருவரை எப்படி ஏய்ப்பது, என்று எப்போதுமே தருணம் பார்த்துக் காத்துக்கிடக்கின்றனர்.

இந்நிலையில் மாறன் குடும்பத்தினர் நடத்தும் தினகரன் பத்திரிகையில் மே 9- இதழில் கருணாநிதியின் அரசியல் வாரிசு யார் என்ற கருத்துக்கணிப்பு வெளியாகியிருந்தது. இந்தக் கருந்துக்கணிப்பில் முக.ஸ்டாலினுக்கு முதல் இடமும்; மற்றவர்கள் (தயாநிதி மாறன்) இரண்டாம் இடமும், முக.அழகிரிக்கு வெறும் 2% கடைசி இடமும் கிடைத்துள்ளதாகக் கூறப்பட்டது.

இதைப் பார்த்த மதுரை மாவட்டத்தின் அழகிரி தொண்டர் குண்டர்கள், அழகிரிக்குத் தங்களது விசுவாசத்தை வெளிப்படுத்தி, தங்களது பதவிகளைத் தக்கவைத்துக் கொள்ளவும், எதிர்காலத்தில் பதவிகளை அடையவும் இதைப் பயன்படுத்த முடிவு செய்து கலாட்டாவில் இறங்கியுள்ளனர்.

பதவி ஆசையால் கண்கள் மறைக்கப்பட்ட இந்த பாசிச கும்பல் நடத்தும் வெறியாட்டங்கள் மிகவும் பயங்கரமானவை. 7 அரசுப் பேருந்துகளைக் கொளுத்தியும், பல கடைகளை அடித்து நொறுக்கியும் தீராத வெறி, கடைசியில் சன்.டி.வி. அலுவலகத்தில் பெட்ரோல் குண்டு வீசி 3 பேரின் உயிரைப் பலி கொண்டு முடிந்திருக்கிறது.

இப்படி ஒரு குடும்பச்சண்டைக்காக , கருணாநிதிக்குப் பிறகு கட்சித் தலைமையையும், முதலமைச்சர் பதவியையும் யார் பிடிப்பது என்ற பதவித் தகராறில் மூன்று பேரைக் கொல்வது வரை இவர்கள் சென்றுள்ளனர்.

ஏழு ஆண்டுக்களுக்கு முன்பு இதே போன்றதொரு வெறியாட்டத்தை, ஜெயலலிதாவிற்கு கொடைக்கானல் பிளஸ்ன்டே ஹோட்டல் வழக்கில் தண்டனை கொடுத்த போது நடத்திய அதிமுகவினர், கொஞ்சம் கூட மனிதத்தன்மையின்றி தர்மபுரியில் ஒரு கல்லுரி பேருந்தை நிறுத்தி, மாணவிகள் அனைவரையும் உள்ளேயே பூட்டி நெருப்பு வைத்துக் கூண்டோடு கொல்ல முயற்ச்சித்தனர், இதில் மூன்று மாணவிகள் உயிரோடு எரிக்கப்பட்டு கொல்லப்பட்டதும், அந்தக் கொலைக் குற்றவாளிகளுக்கு ஏழு ஆண்டுகளுக்கு பிறகு தண்டனை கொடுக்கப் பட்டுள்ளதும் அனைவரும் அறிந்ததே.

பதவி ஆதாயத்துக்காக பொதுமக்களை கொலை செய்வதில் எந்தவொரு ஓட்டுகட்சியும் மற்றவர்களுக்குச் சளைத்ததல்ல என்று மாறி மாறி நிரூபித்து வருகின்றனர்.

ஏழு ஆண்டுகளுக்கு முன்பு தங்கள்து கட்சி கட்டுக்கோப்பானது என்று பிதற்றினார் கருணாநிதி. இன்றைக்கு நடந்துள்ள இந்த விஷயம் அந்த கட்டுகோப்பின் வெளிப்பாடா?

தி.மு.க வின் உட்கட்சி பூசலுக்கு இதுவரை கட்சிக்குள்ளேயே தீர்வு (த.கிருட்டிணன்) கண்டுவந்தனர். ஒட்டு போய்விடும் என்ற காரணத்துக்காக பொதுமக்கள் மீது கைவைக்க எப்போதும் சற்று தயங்கும் இவர்களுக்கு கடந்த உள்ளாட்சித் தேர்தல்தான் தைரியத்தைக் கொடுத்துள்ளது. ஒட்டுப் போட மக்கள் யாரும் முன்வராவிட்டாலும் கூட அராஜகத்தின் மூலம் கள்ள ஓட்டுப்போட்டும், ஓட்டுப் பெட்டிகளைக் கடத்தியும் ஜெயிக்க முடியும் என்பதை கடந்த இரண்டு முறை நடந்த உள்ளாட்சித் தேர்தல் நிரூபித்தது.

தர்மபுரி பஸ் எரிப்பு வழக்கின் கொலையாளிகளை அதிமுக தொடர்ந்து ஆதரிப்பதும், அவர்கள் மீது கொலைக்குற்றம் நிரூபிக்கப்பட்டு மரணதண்டனை விதிக்கப்பட்ட பிறகும் அவர்களது குடும்பத்திற்கு பல லட்சம் நிதியுதவியும், மேல் முறையீட்டிற்கு மறைமுக ஆதரவையும் ஜெயலலிதா கொடுத்து வருகிறார். இதே நம்பிக்கை தான் இன்றைக்கு மதுரையில் வெறியாட்டம் போட்ட அழகிரியின் ஆட்களுக்கும் ஊக்க மாக இருக்கிறது.

திமுகவும் சரி, அதிமுகவும் சரி ஆட்சியிலிருக்கும் போதும், எதிர்க்கட்சிளாக இருக்கும்போது மக்கள் பிரச்சினைகள் குறித்து எந்தவித கவலையுமின்றி இஷ்டம் போலச் சொத்து சேர்த்தும், தங்களை ஆதரிப்பவர்களைப் பதவியில் அமர்த்தி அவ்ர்களுக்கும் சுரண்ட வழி செய்தும் வருகின்றனர்.

கட்சியின் முக்கிய பொறுப்பில் உள்ளவர்களின் கடைக்கண் பார்வை தங்கள் மேல் பட்டாலே தாங்கள் கோடீஸ்வரர்களாகி விடுவோம் என்ற நம்பிக்கை ஒவ்வொரு உறுப்பினரிடமும் உள்ளது.

கட்சித் தலைவர்கள் எல்லோரும் தங்களுக்கெனத் தனி கும்பலை வளர்த்துக் கொண்டு வலம் வருகின்றனர். இன்றைக்கு ஒட்டுக்கட்சி அரசியலில் ஈடுபடும் ஒவ்வொரு தொண்டனுக்கும் எதிர்காலத்தில் மக்களைக் கொள்ளையிட்டுப் பெரும் பணம் சேர்க்கும் ஆசை உள்ளது.

இதையெல்லாம் வைத்து , சரியான நேரத்தில் தங்களது தலைவரின் பார்வை தங்கள் மீது படவேண்டும் என்பதற்காக போஸ்டர்கள், பேனர்கள் கட் அவுட்கள் , விழாககள் எனத் திட்டமிட்டு காய் நகர்த்தும் இவர்கள் , இது போன்ற தொரு பொன்னான வாய்ப்பை மற்றவர் எவரும் பயன்படுத்தும் முன்பு தான் முன்னின்று பெயர் வாங்க வேண்டும் என்று முந்திக் கொண்டு செயல்படுகின்றனர்.

தங்களது பதவி ஆசைக்காகவும், தங்களது தலைவர்களின் அரசியல் ஆதாயத்திற்காகவும் எந்த அராஜகத்திலும் ஈடுபட அவர்கள் தயங்குவதில்லை.

திமுக, அதிமுக தவிர மற்ற கட்சிகளெல்லாம் யோக்கியமா என்றால் அதுதான் இல்லை. 2012 ஆட்சியை பிடிப்பதாகக் கூறிக் கொள்ளும் பாமக முதல் நேற்றைக்கு ஆரம்பிக்கபட்ட விஜயகாந்த் கட்சி வரை பாரபட்சமின்றி எல்லா கட்சிக்கும், எல்லா உறுப்பினருக்கும் குறுகிய காலத்தில் மக்களைக் கொள்ளையடித்துப் பெரும் பணக்காரன் ஆகும் கனவு உள்ளது. இதனை இல்லை என மறுக்கும் தைரியம் எந்த கட்சிக்கும் இல்லை.

விஜயகாந்த் கட்சியில் கூட சமீபத்தில் நடந்த கோஷ்டி மோதலில் ஒருவர் வெட்டப்பட்டு மருத்துவமனையில், இப்படி ஓட்டுமொத்தமாகப் புரையோடிப்போய் மக்களை சுரண்டி கொழுக்கும் எண்ணம் கொண்டவர்கள் மட்டுமே ஆட்சிக்கு வரும் நிலையில் இன்றைய ஜனநாயகம் உள்ளது.

ஓட்டுப்பொறுக்கி ஆட்சியமைக்கும் எல்லா கட்சிக்களும் பாரபட்சமின்றி இதையே லட்சியமாகக் கொண்டுள்ளனர். இவர்களுக்கு இடையே நடைபெறும் சண்டையில் ஒருவர் மீது ஒருவர் சேற்றை வாரி இறைத்து மக்கள் முன்பு அம்பலப்பட்டு, அம்மணமாக நிற்கின்றனர். இனி இவர்கள் வந்து நாட்டைக் காப்பாற்றுவார்கள் என்று நம்பி இருப்பது வீண்.

இனி மக்களுக்கான ஜனநாயகத்தை புரட்சிகர இயக்கங்கள் மூலம் தான் உருவாக்கமுடியும். மக்கள் அனைவரும் பங்குபெறும் ஒரு அரசை ஏற்படுத்தவும் முடியும். அத்தகைய அரசில் தான் "அதிகாரம் அனைத்தும் நமது உழைக்கும் மக்களின் கைகளில்" இருக்கும்.

கருணாநிதியின் அரிசியும், ஹிட்லரின் ரொட்டித் துண்டும்...

கார்ல் மார்க்ஸ்

2007-05-05T18:42:00.000+05:30

"....நாம் ஒரு புதியகொள்கையுடன், இதுதான் உண்மை, இதற்கு முன்னால் மண்டியிடுங்க்ள் என்று வறட்டுக் கோட்பாட்டுத் தனமான முறையில் உலகத்தை நோக்கிச் செல்லவில்லை. உலகத்தின் சொந்தக் கோட்பாடுகளிலிருந்தே உலகத்தின் புதிய கொள்கைகளை உருவாக்குகிறோம்."

குஜராத் படுகொலை பற்றிய டாக்குமென்ட்ரி -- ராகேஷ் சர்மா

2007-05-03T10:30:00.000+05:30

"Final Solution"

"என்ன இருந்தாலும் தோழரே...... "

2007-05-03T10:00:00.000+05:30

பொதுவாக இந்த சமுதாயம் மாற வேண்டும், புரட்சி வரவேண்டும் என்ற எண்ணம் எல்லோருக்கும் இருக்கிறது. புரட்சி என்பதை பொதுச் சொல்லாக உச்சரிப்பது இன்பமாகவும் இருக்கிறது. அதனை ஒரு வினைச் சொல்லாக்கும் வேலைகளில் ஈடுபடுவதோ கஷ்டமாகப்படுகிறது.

புரட்சி என்பது உலகை மாற்றுவது மட்டுமல்ல. சமுதாய நலனுக்காக முதலில் நம்மை மாற்றிக் கொள்வது . எதிரி வர்க்கத்தின் மேல் விமரிசித்துக் கை வைக்கும் வீரம் எளிதாக வந்து விடுகிறது. நம்மீது கைவைத்துப் பார்க்கும் தைரியம் மட்டும் அவ்வளவு சீக்கிரம் வருவதில்லை,

புரட்சியின் மீது ஆர்வம் , அதே நேரத்தில் அதற்கான வேலை செய்வதில் தயக்கம். இதன் வகை மாதிரியாய் இருக்கும் இளைஞர் ஒருவரைச் சமீபத்தில் சந்தித்துப் பேசினேன்.

**************************************************************************************

*என்ன ஆரோக்கியசாமி நல்லாயிருக்கீங்களா?

*அட ! வாங்க தோழர். உங்கள் வந்து பார்க்க முடியல, நீங்களே வந்துட்டீங்க.

*ரொம்ப வேலையா? போன வாரம் ஆர்ப்பாட்டப் பிரசுரங்கள் கூட அனுப்பியிருந்தேன் வரக்காணுமே....

*(சிறிது நேரம் தயக்கத்துடன்) உங்க கிட்ட பொய் சொல்றதுக்கில்லை தோழர் ! முழுமையா செயல்படணும். சும்மா பத்திரிகை மட்டும் வாங்கிப் படிச்சிட்டு , எதிலவும் ஈடுபடாம இருக்கிறதனால, உங்க பொகத்துல முழிக்கவே கஷ்டமா இருக்கு தோழர்.

*என்னங்க வட்டிக்காரன் கிட்ட பேசுற மாதிரி பேசுறீங்க. இதுல தனிப்பட்ட கவுரவப் பிரச்சினை ஒன்னுங் கெடயாது. மக்களுடைய நலனுக்காக உழைக்கனும்னு பொறுப்புணர்வுதான் முக்கியம். அப்புறம் என்ன, அமைப்பு வேலைய சேர்ந்து செய்யுங்க. (என் கையிலுள்ள தமிழ் மக்கள் இசைவிழா பிரசுரத்தைப் பார்த்தவுடன் ஆவல் பொங்கி உற்சாகத்துடன் பேச்சை வேறு கோணத்துக்குத் திருப்பினார்)

*என்ன தோழர் இசைவிழா பிரசுரம் வந்துடிச்சா, முன்கூட்டியே டிக்கெட் ரிசர்வ் பண்ணிடுறேன் தோழர் (என் முகத்தை உற்றுப் பார்த்தவர் என்னிடமிருந்து பதில் வரவில்லை என்றாலும் மேற்கொண்டு தனது ஆவலை வெளிப்படுத்தினார்.) தோழர், போனமுறை ஒயிலாட்டம், படுகர் ஆட்டம் , தேவராட்டம் நல்லயிருந்திச்சு. இந்த முறை வேற ஏதாவது புது ஆட்டம் இருக்குமா தோழர்.

*ஊம் , இந்த முறை புது ஆட்டம் என்னங்கிறதை பெறகு பாப்போம். உங்க கிட்ட ஊசலாட்டம்னு ஒண்ணு இருக்கே அதபத்தி இப்ப பேசுவோமே.

*சிரிச்சா தப்பா எடுத்துக்காதீங்க தோழர். நாந்தான் ஏற்கனவே சொன்ன மாதிரி. நான்ல்லாம் சும்மா வேஸ்ட். உங்கள மாதிரி .....முடியலையே.

*எங்கள் மாதிரி , உங்களை மாதிரின்னு இந்த தெய்வமாக்குற வேலையெல்லாம் விடுங்க. நாம ஒண்ணும் குறி சொல்ற ஆளுங்க கெடையாது. ஒக்காந்த எடத்துலேயே ஜீபூம்பான்னு ஊதிவுடுறதுக்கு, நம்ம குறிக்கோள் அடையனும்னா ஜனங்க மத்தியிலே போகனும். அவங்க பிரச்சினைகள முதல்ல நாம தெரிஞ்சிக்கணும். இதெல்லாம் செய்யிறதுக்குதாங்க மார்க்சியம், சும்மா டி.என்.பி.எஸ்.ஸி. கைடு மாதிரி வீட்ல உக்காந்து மார்க்சிய புத்தகத்த படிச்சா புரட்சி நடக்குமா சொல்லுங்க .

*ஆமா தோழர், பக்கத்து ஊர்ல , இப்ப கூட சாராய சாவு நடந்திச்சி, யாராவது தோழர்கள் வந்திருந்தா நாம போயி தகவல் திரட்டியிருக்கலாம்.

*அது சரிங்க. உடனே நீங்க போயி பார்த்து தகவல் விசாரிக்கிறதுல என்ன பிரச்சினை?

*அந்த ஊர்ள எல்லாம் தெரிஞ்ச மொகம் தோழர். எங்க அப்பா அந்த ஊர்லதான் டீச்சரு. உங்க பையன் இந்த கட்சியில் எல்லாம் இருக்கான்னு சொல்லுவாங்க. உடனே எங்க அம்மா வீட்ல பிரச்சினை பண்ண ஆரம்பிச்சிடுவாங்க. மெயின 'போலீஸ்காரன்' இழுத்துப்ப்போட்டு அடுப்பாண்டா உனக்கு ஏண்டா அந்த தலையெழுத்து'ன்னு சத்தம் போடுவாங்க. பெரிய தொல்லைங்க.

*அவங்க கண்ணோட்டத்துக்கு அப்படித்தான் பேசுவாங்க . நீங்க எந்த வர்க்கத்திற்காக வாழ விரும்புறீங்களோ அதுக்காக இறங்கி வந்து உங்க கருத்தைப் பேசுங்க. ஏசுவ சிலுவையில் அறைஞ்சா மட்டும் தியாகம் , போலீஸ்காரன் நம்மளச் செவுள்ல அறைஞ்சா மட்டும் கேவலமா? மக்களுக்காக அந்த வன்முறையையும் எதிர்கொள்றோம்னு உங்க கருத்த நீங்க பேச ஏன் தயங்குறீங்க ?

*இல்ல தோழர், அம்மா , அப்பா கிட்ட பிரச்சினை பண்ணிகிட்டு மீறி நான் இயங்குறதில்ல. அது எங்கிட்ட உள்ள குறைபாடுதான்.

*அப்ப அரசாங்கம் வழியா ஒடுக்குமுறை வந்தா எதிர்ப்பீங்க, அதுவே அம்மா அப்பா வழியே வந்தா சகிச்சிக்கலாமா? எங்க சுத்தி வந்தாலும் அதாங்க. புரட்சின்னா மொதல்ல நம்மள மாத்திக்க போராடணும். அதுக்கு ஏன் தயக்கம் காட்டுறீங்க?

*அதாவது தோழர், அப்பா அம்மா 'கெவர்கெண்ட் ஸ்டாப்' நான் ஒரே பையன். ஏதாவது வாதம் பண்ணி வெளிய வந்திட்டா கஷ்டமாயிருக்கும்.

*யாருக்கு கஷ்டமாயிருக்கும்? ஒரு பேச்சுக்கு வெச்சிக்குவோம்; ஒருவேளை நீங்க வீட்ட விட்டு வெளிய போயிட்ட, அய்யோ புள்ள இருந்திருந்தா இந்நேரம் ரேசன் வாங்கிக்கிட்டு வந்து வச்சிருப்பான் . புள்ள இருந்திருந்தா, இந்நேரம் மளிகை சாமான் வாங்கியாந்து போட்டிருப்பான். அப்படின்னு நினைக்கிற அளவுக்கு உங்க வீட்ல நீங்க எந்த வேலையிலெயும் பங்கெடுக்குறதில்ல. ஒரே புள்ள இப்படி கட்சி வேலைன்னு வெளியே போயிட்டானேன்னு கவலைப்படுவாங்களே தவிர மத்தபடி உங்க வீட்லேயே உங்களுக்கு சொல்ற உபதேசம் என்ன? முடிஞ்சா வேலைக்குப் போ இல்ல பேசாம சிங்கப்பூர், மலேசியான்னு ஏற்பாடு பண்றோம்தானே அவுங்களும் சொல்றாங்க.

*ஆமாந் தோழர் , நம்ம "அமெரிக்க போகம்" புத்தகத்த படிச்சிட்டு "விஷயம் சரிதான் நாமெல்லாம் அதுக்காக ஏதாவது 'டொனேஷன்' தர்றதோட நிறுத்திக்கணும். அசதி இல்லாதவன் போராடட்டும் . யார் தப்புன்னு சொல்றா"ன்னு பச்சையா சொல்றாங்க.

நீ வீட்டவிட்டு மொதல்ல வெளில போனாதான் உருப்படுவ , மொதல்ல அதுக்கு ஏற்பாடு பண்றேன்ன்னு பணம் கொடுத்து வேல வாங்கற ஐடியாகூட இருக்கு.

*வீட்ட விட்டு வெளில போய்ட்டா அவங்களுக்கு அவங்களுக்குக் கஷ்டமாயிருக்குமுன்னு நீங்க நெனக்கிறீங்க. உண்மை என்னான்னா? எல்லா அப்பா அம்மாக்களுடைய பிரகடனமே 'வீட்டை விட்டு வெளியே போ' அப்படீங்கறதுதான். நாமளும் அதான் சொல்றோம். ஆனா அவுங்க வெளியே போயி சுயநலத்துக்கான ஜோலியப் பாருங்குறாங்க. நாம மக்களுடைய நலனுக்கான வேலையைப் பாருங்குறோம்.

*அவங்களுக்கு விஷயம் நல்லாத் தெரியிது தோழர். ஆன எவ்வளவு சொன்னாலும் ஏத்துக்க மாட்டேங்குறாங்க.

*விஷயம் தெரிஞ்சதனாலதாங்க அவுங்க ஏத்துக்க மாட்டேங்குறாங்க. நீங்கதான் முடிவு பண்ணனும் வர்ககப் பாசமா? தாய்ப்பாசமா ?

*இல்ல தோழர். எனக்கு சின்ன புள்ளையிலேர்ந்தே பாசம் ஜாஸ்தி அதான் நான் தடுமாறிக்கிட்ட இருக்கிறது. என்ன இருந்தாலும் அப்பா அம்மா மீறி செய்யிறதுக்குக் கஷ்டமா இருக்குது தோழர்.

*நீங்க சொல்ற காரணத்த வெச்சி பார்த்தாக்கூட வீட்டவிட்டு வீதிக்கு வந்து போராடியாகணும். உங்க அம்மா அப்பா இவ்வளவு செலவு பண்ணி உங்கள ஆசிரியர் தகுதிக்குப் படிக்க வெச்சிருக்காங்க. ஆனா அரசாங்கம் இனிம ஆளே எடுக்கப் போறதில்லேன்னு அறிவிச்சிடுச்சி. உங்க அம்மா , அப்பா எதிர்பார்ப்ப, குடும்பப் பாசத்த கொலைச்சது யாரு? புரட்சிகர அமைப்புகளா ? ஜெயலலிதாவா(அன்று) ?

கொஞ்சம் கஷ்டமா இருந்தாலும் சொல்லட்டுங்களா? உண்மை என்னான்னா, இப்படியே காலைல மெதுவா தூங்கி எழுந்திருச்சா அம்மா கைல காப்பி தருவாங்க ஒரு ரவுண்ட் வெளியே போயுட்டு வந்தா டிபனு. மத்தியான்ம் ஒரு நல்ல தூக்கம் அப்படியே சயங்காலம் யாராவது தோழர்களப் பார்த்தா மார்க்சியம், விவாதம், அப்படியே நைட்ல டி.வி. உலகச் செய்திகல், புதிய கலாச்சாரம். இப்படியே இப்ப இருக்கிற வர்க்க நலன் குறையாம கம்யூனிசம் பேசிக் கிட்டு இருக்குறதுதான் உங்களுக்குப் பிடிக்குது.

இந்தக் சுகங்களை உதறிவிட்டு வர உங்களால முடியல அப்படீங்குறதுதான் உண்மையான பிரச்சினை . இந்த வீடு , அம்மா, அப்பா....இதெல்லாம் இது மேல பூசப்பட்ட வண்ணக் கலவையாத்தான் படுது.

இல்ல வேற என்னதான் பிரச்சினைன்னு நீங்கதான் சொல்லுங்க விவாதிப்போம்.

(அந்தத் தோழர் நீண்ட நேரம் மெளனமானார்.)

புதிய கலாச்சாரம் ஜனவரி 2002 -ல் இருந்து.

"மே 1" ரிலையன்ஸ் முற்றுகைப் போராட்டம் பற்றிய தொலைக்காட்சி செய்தி

2007-05-02T21:22:00.000+05:30

"மே 1" ரிலையன்ஸ் முற்றுகைப் போராட்டம் பற்றிய பத்திரிக்கை செய்திகள்

2007-05-02T12:01:00.000+05:30

மே 1 காலை சென்னை, சின்மயா நகர், ரிலையன்ஸ் பிரஷ் பல்பொருள் அங்காடிக்கு அருகே மக்கள் கலை இலக்கிய கழகம், விவசாயிகள் விடுதலை முன்னணி, புதிய ஜனநாயக தொழிலாளர் முன்னணி, புரட்சிகர மாணவர் இளைஞர் முன்னணி இவர்களின் தலைமையில் முற்றுகைப் போராட்டம் நடந்தது. சில்லறை வியாபாரிகள், கோயேம்பேடு தொழிலாளர்கள் உள்ளிட்டவர்களும் போராட்டத்தில் கலந்து கொண்டனர்.

அது குறித்த பத்திரிக்கை செய்திகள் :

தமிழ் முரசு

தினமலர்

தினமணி

மேலும் இது குறித்தான செய்திகள் சன், ஜெயா, மக்கள் தொலைக்காட்சிகளில் மகஇக வின் பொது செயலாளர் தோழர் மருதையனின் பேட்டியுடன் ஒலி/ஒளி பரப்பப்பட்டது.

Related Posts:

சில்லறை வணிகத்தில் ரிலையன்ஸ்

மே 1 சென்னையில் ரிலையன்ஸ் பிரஷ் முற்றுகை

சில்லறை வணிகம் எனும் பெருங்காதை!

கருணாநிதியின் அரிசியும், ஹிட்லரின் ரொட்டித் துண்டும்....

மேதின வாழ்த்துக்கள் !

2007-05-01T10:11:00.000+05:30

மே 1 ரிலையன்ஸ் முற்றுகைப் போராட்டத்தில் ஜனநாயக சக்திகள் எல்லாம் கலந்து கொண்டு ரிலையன்ஸ் எதிர்ப்பை உரக்க ஒலிப்போம்!

"நந்திகிராம் படுகொலை" பற்றிய டாக்குமென்ட்ரி

2007-04-30T15:43:00.000+05:30

மேலும் இந்த டாக்குமென்ட்ரியை இங்கும் காணலாம்google video.

பாரதிதாசன் பாடல்கள் "பெண் குழந்தை தாலாட்டு "

2007-04-25T09:22:00.000+05:30

பெண் குழந்தை தாலாட்டு

ஆராரோ ஆரரிரோ ஆரரிரோ ஆராரோ

சோலை மலரே ! சுவர்ணத்தின் வார்ப்படமே !
காலை இளஞ் சூரியனைக் காட்டும் பளிங்குருவே !

வண்மை உயர்வு மனிதர் நல மெல்லாம்
மெண்மையினால் உண்டென்று பேச வந்த பெண்ணழகே !

நாய் என்று பெண்ணை நவில்வார்க்கும் இப்புவிக்குத்
தாய் என்று காட்டத் தமிழர்க்கு வாய்த்தவளே !

வெண்முகத்தில் நீலம் விளையாடிக் கொண்டிருக்கும்
கண்கள் உறங்கு ! கனியே உறங்கிடுவாய் !

அன்னத்தின் தூவி அனிச்ச மலரெடுத்துச்
சின்ன உடலாகச் சித்திரித்த மெல்லியலே !

மின்னல் ஒளியே, விலைமதியா ரத்தினமே !
கன்னல் பிழந்து கலந்த கனிச்சாறே !

மூடத்தனத்தின் முடை நாற்றம் வீசுகின்ற
காடு மணக்க வரும் கற்பூரப் பெட்டகமே !

வேண்டாத சாதி இருட்டு வெளுப்பதற்குத்
தூண்டா விளக்காய்த் துலங்கும் பெருமாட்டி !

புண்ணிற் சரம் விடுக்கும் பொய்ம் மதத்தின் கூட்டத்தைக்
கண்ணிற் கனல் சிந்திக் கட்டழிக்க வந்தவளே !

தெய்விகத்தை நம்பும் திருந்தாத பெண் குலத்தை
உய்விக்க வந்த உவப்பே ! பகுத்தறிவே !

எல்லாம் கடவுள் செயல் என்று துடை நடுங்கும்
பொல்லாங்கு தீர்த்துப் புதுமை செய வந்தவளே !

வாயில் இட்டுத் தொப்பை வளர்க்கும் சதிக்கிடங்கைக்
கோயிலென்று காசு தரும் கொள்கை தவிர்ப்பவளே!

சாணிக்குப் பொட்டிட்டுச் சாமி என்பார் செய்கைக்கு
நாணி உற்ங்கு ; நகைத்து நீ கண்ணுறங்கு !